Daniyel 9:16 - Bible en Guidar

¹⁶ Daya, ammba wəza təstəs noko, kamə appan ədagədəv dit herɗe nok səka walaŋgəla-metiŋ na Yerusalem vi mossorgo salala noki. Vi mambray namə gəm heslepe net efiŋgiɗmə, Yerusalem dit ɗiy nok akkpaŋgək zəga nawra net ɗiy en dəssoŋ kiyəm tərwəsl pakə.

Daniyel 9:16 Iomraidhean Croise

Nehemi 9:8

Yaŋ kərəh na makran tay təstəs aboko, ndəni keziwgin wənmiyna dəndən napsən dələv net mə Kana'anɗe, mə Hittiɗe, mə Amorɗe, mə Perziɗe, mə Yebusɗe, mə Girgasɗe, kapsən sən zeŋvini. Yaŋ kəɗɗa va kəpeli, vi təstəs kənani.

Gəlyaɗe 143:1

Gəlyanalva na Davit. Aprəm wəkkam nawa Yawe, apak sləmok ammba əɓuhma nawa, azlan su də moggon noko, gəm də təstəs noko!

Gəlyaɗe 31:1

Səza daya net məyaŋgəlya. Gəlyanalva na Davit.

Gəlyaɗe 41:13

Vi təstəs naw gəraki kədawziwguwa, kəɗiwək abok hã ka faɗə.

Gəlyaɗe 71:2

Wakəpəlu də təstəs noko, wakəbitwa. Apak sləmok kəlazawa, akõhguwa.

Gəlyaɗe 79:4

Məkkpaŋgək zəga na əra net meggeŋgiɗmə, ɗiy dəkaraŋ kiyəm tahəŋ ənəhaŋ wən azamə, tahəŋ əmasaŋ akamə.

Gəlyaɗe 85:4

Kəbayək met herɗe noko, kəppanək ədagədəv noko.

Gəlyaɗe 89:51

Yawe! Aɗɗum aka əra adawretin gewleɗ noko, aɗɗum aket ɗiy nammba vawiŋ pakə.

Əgilye 20:5

Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Isaya 5:25

Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Yeremiya 24:9

Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 32:31

Walaŋgəla-metiŋgiski dədan su gədəvu gəm dəsilgin makrawa, təŋ səza pay mərkani hã gap pay dəpaŋka, maw tay aka nulagən ama haraw ɓa,

Yeremiya 32:32

aka mambray an mə Israyelɗe gəm mə Yudeɗ aɗɗaŋ nawdan su gədəvwa, ndəɗaŋ, milyeŋge neti, ɗiy gugriɗ neti, məsdəlveŋge neti, məskəleŋɗe net dit ɗiy na Yuda gəm en na Yerusalem.

Ezekiyel 22:4

Dit mbel məs kəggbo'u, kəraygənka; dit tuyeŋge məs kəgəɗə, kərnokonək zuko. Kəduduɗukonək əvoŋ noko, kəgapək ama əzva, vini nəkkpaŋgok ka zəga na əra net ɗiy-ɗarə, ka zəga nawmas net ɗiy naket dəlveŋge pakə.

Ezekiyel 5:14

Wanəkkpoŋgok ka kiməskiya, ka zəga net wil a walaŋgit dəlveŋge na guw dəssoŋ kiyuk tərwəslə, a maheret məzutoŋgoŋ pakə.

Daniyel 11:45

Wampe gizlirkeɗe na məlĩ nan awaleŋgit peheɗ də mossorgo an salala, adaki əmta adawrəhən, wamtə məza ɗəf əbbah sən ɓa.

Daniyel 9:20

Nəzbanək əpel də əkkam gəm ərban mambray naw də an net ɗiy naw mə Israyelɗe, gəm əppu' aba Yawe Maŋgəlva nawa, aka wən na mossorgo salala noko.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

2Tesaloniki 1:6

Vi Maŋgəlva təstəsi, wamndan sit harat huloŋguk sit məs dədawsərən mokum gəm dədawzəmgukumən sahã.

1Yohanna 1:9

An məsənək mambray namə, nan moggoni, təstəsi navviyan səm mambraɗe namə, gəm nabbur mbərayən awandi pak səzamə.

1Samiyel 2:7

Yawe dədaɗɗa ɗəf məssahã gəm məsarya, dədavviren ɗəfa gəm dədawɗi kiyne'e.