Daniyel 8:8 - Bible en Guidar

⁸ Murgo van ablahək sawɓa, səza aggrak əblah nani, mohon metiŋgin puɗoŋgu; yas mbirit poɗo məgəɗ sənən gərəŋ sən ɗəf agilyoŋ a gəlani, aɓe'eŋ də tapaslay pay poɗo pakə.

Daniyel 8:8 Iomraidhean Croise

2Alabaraɗe Də Mabərkiziti 26:16

Sən gbogboŋ nan naka, yaŋ makran akkpaŋ məzuguzlo hã mbo' əzani, aggbak ma Yawe Maŋgəlva nani, ndəni atoŋ addəv gəla na Yawe vi kawzla tursan a təki nawzla tursan vani.

Ester 9:4

Mardokay ɗəf metiŋgini addəv gəla na məlyã, sləman tay ndundu aka va na məlĩ dəwənnani. Vi gagdak na Mardokay tay əɓay əmbat abe abe.

Yeremiya 49:36

Wanəsilgən səmyã təɓələn poɗo sə kəla tapaslay pay poɗo aka Elam. Wanətreygit ammbet səmyeŋges pakə. Dələv tay məs mərɓihit sə Elam addoŋ na adak ɓa ɓa.

Yeremiya 5:27

Va bəbəta dəknah dit biŋgeɗi, vaski gəleɗe net aknahaŋ dit zəgeɗ na vərumu. Vini aɓayaŋgə, assoŋ məs aryeɗi,

Ezekiyel 16:7

Nəɓay gukuk va kevile nawra; kəsləkanək zuko, kəɓayka, kəgapək aza lalaw net lalawɗe; bidok agilyoŋko, merefok agilyoŋko; ya zuk mekeleŋ sirndiwwe kənani.

Ezekiyel 28:9

Wakənah aba ɗəf nawbayuk na: maŋgəlva nani sa? Ɗəf kənani, maŋgəlva kənan ammba vet ɗiy nawbokokən ɓa.

Daniyel 11:4

Aka adawsan ziw ɓəlɓələ, məlĩ nan waskotu, wawɗak aka tapaslay pay poɗo, asan na sit kirtin ɓa, gagdak nan waddakə, wazə, ɗiy meɓɓet wazəmaŋ məlĩ a gəlani.

Daniyel 4:31

«Səza pay agapə, in, Nabukodonozor, nəslanək haraw a disiŋ, maɗɗulaw adeke. Nəfetik aka Məsəɗəɗə tay madaran hã faɗə, nətibirenike, nəgagdakanəka, vi məlĩ nani məlĩ an faɗə: Əzəm məlĩ nan tay vi sayit ɗiy pakə.

Daniyel 5:20

Səza aɓaygən kiynə, aɓɓəlan kiyən hã ndən əkaɓa, məzgani səka mazaŋga na məlĩ nani, məggbukni gagdak nani.

Daniyel 7:2

Daniyel apeli, amna: Dəfəɗ addəv əssine naw na, nəwələk vẽŋvil gəlet poɗo asilyoŋguk sə disiŋ, aɓlanənək pehe metiŋgini.

Daniyel 7:6

Səɓɓan na, in tat əzban ula, nəwələk zəga mbərən agilke. Nan tay va balgam ya tay də persleken poɗo aka gəɓan na bəŋga, tay də kiyən poɗo yas məpsən gagdak avani.

Daniyel 8:22

Mohon poɗo dəgilyoŋ gala an maddaabəŋ agəzlə, məlyeŋge poɗo wasɗaŋ səza dələv vani, net wassoŋ də gbogboŋ va nan ɓa hara.

Daniyel 8:5

Gala nəsaw əɗɗum akani, nulak Murgo adek sə kəlammba pay na moskoyo; tay əbbal aka dələv pak məza əne' aka dəlvafuŋ ɓa. Murgo vani, tay də mohon metiŋgin awalaŋ harani.

Daniyel 8:7

Nulak arəmək makra də ndargayã. Aŋgbosuk ndargayã, aŋzliw mohon sulegiti, yas ndargayã nak dəɓap əziw aban ɓa. Azlbak afuŋ yas andappani, ɗəf tay dəɓap əkõhgən ndargayã səban ɓa.

Matiye 24:31

Waslin maslayɗe nan də gozloro metiŋgini, wakkeletin məweleɗe nan səmmba tapaslay pay poɗo pak təŋ sə meteɓ ma dəlva hã a met təɓ man mbərən.

Markus 13:27

Asna waslən maslayɗe nani, wakkelet məweleɗe nan sə tapaslay pay poɗo pakə, təŋ sə metteɓ ma dəlva hã a metteɓ ma disiŋ.

Əmsak aka Mahenziŋ 31:20

Vi wanətoŋgit ɗiyiŋ aka dələv məs moŋvo də amama adadaw akan lokloku, məs niynan sit wən nan sit efiŋgiɗit də wəsway ammban, wazəmaŋ kpe'i, wakəraŋgə, wamanən heret azet meŋgilveɗ meɓɓeti; waɗɗaŋ sitin wəza, wazelewəni, wappanən wənmiyna nawa;

Hənhən 7:1

Dərɓaga aska, nəwələk maslayɗe poɗo ziwziw aka təkzləm dələv poɗogəni, tay ərmanən səmyã temtem poɗo naka dəlva, vi səmyã adaɓla aka dələv ɓa, aka pehe ɓa, mãy aka wəlaŋga taka dayday ɓa.