Daniyel 8:12 - Bible en Guidar

¹² Aka wən naggbak ma, məpsəti məzəlpaŋ na disiŋ ammba vata gəm əzaɓ-Maŋgəlva nawda ɗayɗay naka. Təzganək gegesiŋ afuŋ, an təgəɗ pak adawək ammbata.

Daniyel 8:12 Iomraidhean Croise

Ɗerewel na Yob 12:6

Gizlirkeɗe net masapeɗ tahəŋ addəv zazaya, məzədanən gədəv Maŋgəlva tahəŋ zayə, tahəŋ ula zit va armanənən Maŋgəlva aveti.

Gəlyaɗe 119:142

Təstəs nok təstəs an faɗi yi, mahenziŋ nok gegesiŋgi yi.

Gəlyaɗe 119:43

Kədawzargən əpel na gegesiŋ faraɗa sə maw ɓa, vi ətawwən nok nədawga.

Gəlyaɗe 28:5

Vi azgaŋ sləma aka an Yawe adaɗɗa ɓa, may aka wəza na van ɓa: Dəzeti, adawsilgit ɓa!

Isaya 59:14

Vas ətawwən təstəs amndan dirɓə, əkõh aziwik faraɗa. Əpel wən təstəs ataŋgbãyək a gəla lumu, təstəs aɓap na əziw ɓa.

Yeremiya 12:1

Yawe təstəs kənan gərak ka nəgəɗgən wən də isi. Də as pak wanəpel suk aka wən nawtawwəna: Vimi tive net məsdarawɗe adahhar ammbet di? Vimi məzəmaŋ kiya assoŋ kiyit foŋgo di?

Daniyel 11:28

Məlĩ na kəla disiŋ wamndan aka dələv nan dit zəgeɗ səddəv wəgay diyɗa. Waɗɗum mbərayən a makran aka wənmiyna salala, waknahani, wamndan aka dələv nani.

Daniyel 7:21

In tat əzban ula, yaŋ mohon nan agəɗ wəgay dit salalaɗe na Maŋgəlva yas aska wəleti,

Daniyel 8:4

Nulak ndargayã van əbayan təki kəlammba pay na moskoyo, kəla disiŋ gəm kəla dohoŋ. Zəga mamayã tay dəɓap əziw aban ɓa, ya kaɓapi wəkõhgən ɗəf səddəv gagdak nan ɓa. Tay əɗɗa an aŋgələ ya gagdak nan tay əɓay abe abe.

Hənhən 13:7

Arahək tive nawgay dit ɗiy na Maŋgəlva gəm naska wəleti, arah gagdak aket mahəlfaɗe pakə, aket ɗiy pakə, aket maɗe pak gəm aket ɗiy-ɗar pakə.

1Samiyel 23:9

Davit asənək na Sawlu tay əzaɓan zən kawgəɗ sən mbərayni; yaŋ aɓsən məsdələv Abiyatar na: «Aki lukut na məsdəlva.»