Daniyel 8:11 - Bible en Guidar

¹¹ Təɓayək gap aza Daya Məzuɓappak na disiŋ, tətakək əzaɓ-Maŋgəlva an nawdə sən ɗayɗayə gəm təɓzluwək gəlamatuya nani.

Daniyel 8:11 Iomraidhean Croise

Isaya 37:23

Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.

Isaya 37:29

Adan kədəkgədəv akawa, əkaɓ nok aprəmək a sləmawa, asna wanəgul ogono naw a məŋkunko gəm helze naw a moko wanəmndogok dəka tive an kəde akani.

Yeremiya 48:26

Məzlər sən mbazla adan aɓaygənək kiyzən day ki Yawe. Mo'ab Dəkəɗəŋgəl aka əpar nani dəkkpaŋgən zəga nawmas akani.

Yeremiya 48:42

Kawzani Mo'ab, ɗiy nan wazaŋgə vi aɓaygənək kiyzən aka Yawe.

Ezekiyel 46:14

Dəwəl sən əvəl na, də mompummo pak kədawki gəpa kilo sle'i, mẽl litər sula, vi kawslãhan gəpa. Əvəl də zəga na mabardawi sən Yawe, mahenziŋ məs arslə na ɓa hã faɗi.

Daniyel 11:22

Waŋgreɓ məzəlpaŋ səbani gəm wabay daya na wənmiyna.

Daniyel 11:31

Ɗiy səmmbet məzəlpaŋ nan warnokonən Gəlamatuya na Maŋgəlva mərka kini. Waziwginin əzaɓ-Maŋgəlva nawda ɗayɗay sən Maŋgəlva ya waɗiyaŋ zəga daryaw məraygən təkiya.

Daniyel 12:11

Təŋ səza adawtakən əzaɓ-Maŋgəlva an ɗayɗay gəm kawɗi zəga daryaw an dədawraygən təkiya, əvoŋ gabal də səkat sula də kaklaw vaytak watoŋgoŋgu.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 7:25

Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

Daniyel 8:12

Aka wən naggbak ma, məpsəti məzəlpaŋ na disiŋ ammba vata gəm əzaɓ-Maŋgəlva nawda ɗayɗay naka. Təzganək gegesiŋ afuŋ, an təgəɗ pak adawək ammbata.

Daniyel 8:24

Gagdak nan waɓayə ya də gbogboŋ nani ɓa. Waraygən təki naɗɗa gərəŋ akani; an adaɗɗa pak wadaw ammbani. Wazet ɗiy guromɗe gəm ɗiy salala.

Daniyel 8:25

Də pepet nani, əmbəɗet ɗiy wadaw ammbani. Addəv əɓaygən kizəni wazet ɗiy diyɗa, wagay də Məlĩ net milyeŋge. Ya nan wazə məza də gagdak na va ɗəf ɓa.

Daniyel 9:25

Asən kana, aprəm gabbani: Səza əpel agil nawmilye vi karkan Yerusalem hã gap aza wəzza na mesiya na, wəzva buhul təl buhul wagəɗə. Dərɓaga wəzva buhul təl kaklaw sləre kiyən sula na, karkani walaŋgəla-metiŋ də zlava nani, ya pay nan watoŋ də tatwãh diyɗa.

Əŋɗa 28:3

Kənahsitgən na: Way an kədapsənən Yawe yaŋka: pay pak kirtit timeŋgiɗ mezeŋgleket sula na wəzva takataka məza heslepe azet ɓa, ammba əvəl nawzla kurmbuɗuk məs gabban appa ɓa.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

Ibriɗe 2:10

Vi lewi aza məs dəzəməɗ gəm məs dədawga zəga pak nawke kirtin diyɗa dətoŋgoŋgən addəv gagdaka, dəssoŋgən gərrak də əzəmsãhã na məs dəki sit əkõh neti.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.