Daniyel 7:8 - Bible en Guidar

⁸ Gala nədasəŋgləkan mohõni, nəwələk mohuk mbərət muzliyak təgilik a weleŋgit en maddaabəŋ; mohõnɗe hoku səmmbet en maddaabəŋ nek apoŋgoŋguk səbata. Mohuk vatə harat tay va hara ɗəfa, ya mat tay əpel nawkaɓa.

Daniyel 7:8 Iomraidhean Croise

Gəlyaɗe 12:3

ɗəf də galan mbərayən adawpeleŋ aza ziti, hərzlumit nawlefe, əpeleŋ mekret sula sula.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 7:19

Ndəni, nəŋgəl nəsəngən zəga mamayã mopoɗo'o, məs dəsan temme səzet en mbirit neki, məs də ezlezle azan diyɗa məs slayən na təbəz amani gəm perzleŋ tələn na təbəz pepreŋge, məs dəmpir gəm dətekeɗ gəm wəndep membirit ammba tələn naka;

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

2Timote 3:2

Vi ɗiy wassoŋ məŋgluwən ziti, məŋglaŋ deleɗi, mulanən ziti, məgagdakanən ziti. Warahnən Maŋgəlva, aɓe'eŋ siti na migilit ɓa, awfeteŋ ɓa. Agagdakanən na zəga an salala ɓa.

2Piyer 2:18

Tahəŋ əpeleŋ wən nawɗi kiy zit ɗarə. Tahəŋ əmbəɗetin ɗiy də əsim zəga na gəɓa ziti gəm polkoyo, vi karme ɗiy məs dəgilyoŋ səzet ɗiy məɗɗaŋ mambraya.

Zuda 1:16

Ɗiy veti, tahəŋ əpeleŋ wərwər əɓuhnən meti, əzbanən əsim zəga neti. Tahəŋ əgagdakanən ziti, tahəŋ əɗinən kiziti, vi dərəhaŋgən an məs aŋglaŋ.

Hənhən 13:1

Yaŋ nula zəga mamayã dawgilyen sə pehe, kiyən buhul gəm mohon kəlaw, mohon kəlaw pak tahəŋ də mətərkiya aketi, iya tay mbərayən nawran Maŋgəlva məverin aka kiyən taka taka pakə.

Hənhən 9:7

Zaray nan tay va pilseŋge məzumbataŋ ama əgaya, mətərkiya tay aket va kəɓəs na mətərkiya na meleŋge iyi, haret tay va haret ɗiyi.

1Samiyel 2:3

Kədanzlərgənən əpel nawkaɓ sə mokum ɓa, vi Maŋgəlva məsən zəga ndəni Yawe, ndən məzusla zəga naɗɗa net ɗiy pakə.