Daniyel 7:7 - Bible en Guidar

⁷ Sə dərɓaga aska, in tat əzban ula, Nulak zəga mamayã mopoɗo'it agilke. Tay də gbogboŋgo diyɗa, də ezlezle hã geslne wərma ɗəfa. Slayən na təbəz tay ɗaslɗasl amani vi kempir gəm kawtekeɗ medembirgiti, tay əndepit də tələn; awɗakək dit zəgeɗ memeyẽɗ en maddaabəŋ kiyən naka, ya tay də mohõ akan kəlawə.

Daniyel 7:7 Iomraidhean Croise

2Samiyel 22:43

Wanətakeɗ va burɗuk na dəlvafuŋ, va ndərɓa naka tive nədaŋkineti, nədapəɗoteti.

Ɗerewel na Yob 41:14

Gbəgboŋ nan aza wəlani. Ziw aban na, geslne əda ɗəfa.

Ezekiyel 40:2

Addəv ula temtem məs Maŋgəlva arbə suwa, akuwək aka dələv na Israyel; aziwgu aka mossorgo metiŋ məɓayən diyɗa, akan də dohoŋ nan na, tay va gəleɗe mərket na walaŋgəla-metiŋ.

Daniyel 2:19

Yaŋ də dəfəɗ na, wən məɗamən nak arbək ama hara Daniyel addəv ula. Yaŋ Daniyel agagdakan Maŋgəlva na disiŋ.

Daniyel 7:13

In tat əzban ula, addəv əssine naw dəfɗa, nuwələk va wətən ɗəf aka slaybuwən əpirken sə disiŋ; alək hã aza mazza naka, yas məkan abani.

Daniyel 7:2

Daniyel apeli, amna: Dəfəɗ addəv əssine naw na, nəwələk vẽŋvil gəlet poɗo asilyoŋguk sə disiŋ, aɓlanənək pehe metiŋgini.

Daniyel 8:10

Təɓayək gap azet məzəlpaŋ na disiŋ; təslaŋgək mbirit səmmbet məzəlpaŋ vani gəm mbirit səmmbet ŋgirzleɗ afuŋgu yas təndepeti.

Daniyel 8:22

Mohon poɗo dəgilyoŋ gala an maddaabəŋ agəzlə, məlyeŋge poɗo wasɗaŋ səza dələv vani, net wassoŋ də gbogboŋ va nan ɓa hara.

Zakarya 2:1

In haraw le'gən na, nəwəl na, mohõŋɗe poɗo yeŋki.

Hənhən 12:3

Sekene maɓɓan arbək a disiŋ əmpa. Zəga darawən metiŋgin pepreŋge, kiyən buhul, mohon kəlaw, mətərkiya aka kiyən nak taka taka buhul pakə.

Hənhən 13:1

Yaŋ nula zəga mamayã dawgilyen sə pehe, kiyən buhul gəm mohon kəlaw, mohon kəlaw pak tahəŋ də mətərkiya aketi, iya tay mbərayən nawran Maŋgəlva məverin aka kiyən taka taka pakə.

Hənhən 17:12

Mohon kəlaw məs kəwəl naka, ndəɗaŋgəŋ məlyeŋge kəlaw məs dətəŋgən əzəm məlĩ net tagay ɓa, ya zəga na ler taka kaka adawzəmaŋ məlĩ sap də zəga mamayã naka.

Hənhən 17:7

Ndəni maslay nak anah su na: Vimi kədaggət di? Wanərban suk wən məɗama nat gulukkəŋkə, də wən na zəga mamayã məs kiyən buhul gəm mohon kəlaw təpeŋ akanəŋka.

Hənhən 17:8

Zəga mamayã məs kədawlaŋka, tay lahəŋka, ya kakaŋ na tay ɓa. Wagil sə delŋgeɗeki kaddan əza. Ɗiy naka dəlvafuŋ məs iya net tay məverin addəv ɗerewel na zeŋgile təŋ əɗi na gabba dələv ɓa, waggətaŋgə an awlanənək zəga mamayã naka, vi tay lahəŋka ya tay kakaŋ ɓa, ya wamil əmpa'a.