Daniyel 7:25 - Bible en Guidar

²⁵ Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

Daniyel 7:25 Iomraidhean Croise

Isaya 37:23

Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.

Daniyel 11:28

Məlĩ na kəla disiŋ wamndan aka dələv nan dit zəgeɗ səddəv wəgay diyɗa. Waɗɗum mbərayən a makran aka wənmiyna salala, waknahani, wamndan aka dələv nani.

Daniyel 12:7

Nəprəmək ɗəf dəgul lukut na ngərayã məs ziwwe aket iŋkile na məlpa metiŋ naka, atələk van sulagən pak a disiŋ, aswayək də an dəsan madaran faɗə: «Wəzva hoku dəman watoŋgu, pay gbogboŋ net ɗiy naw salala adagrak tutu' na, zəgeɗis pak wabayən meti.»

Daniyel 2:21

Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 3:26

Nabukodonozor adderək go'o ama movoro offo naka. Aye amna, Sadrak! Mesak! Gəm Abed-Nego! Məɗɗaŋ wəza sən Maŋgəlva Məsəɗəɗə, migili! Mide! Ndəni may Sadrak, Məsak gəm Abed-Nego agilyoŋ səkoffo.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:2

Aka nəsaw ɗuffo aka zəga nafna nawa, nəssinke, ya azlahgənək makrawa, əssine naw van atapawka.

Daniyel 4:25

As pak arəhək məlĩ Nabukodonozor.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 7:18

Sədirɓegeti, ɗiy en salala na Məsəɗəɗə warəhən məlyã, neti, məlĩ wasan avet hã faɗ ka faɗə.»

Daniyel 7:20

Yas nəttok aket mohõnɗe kəlaw naka kini, gəm aka maɓɓan dəgil na, mohonɗe hoku apoŋgoŋ səbat naka, mohon van, nan tay də harani gəm man məzəwpel əpel nawkaɓa. Ulan na badak zən adayək kiyit en membirti.

Daniyel 7:8

Gala nədasəŋgləkan mohõni, nəwələk mohuk mbərət muzliyak təgilik a weleŋgit en maddaabəŋ; mohõnɗe hoku səmmbet en maddaabəŋ nek apoŋgoŋguk səbata. Mohuk vatə harat tay va hara ɗəfa, ya mat tay əpel nawkaɓa.

Daniyel 8:11

Təɓayək gap aza Daya Məzuɓappak na disiŋ, tətakək əzaɓ-Maŋgəlva an nawdə sən ɗayɗayə gəm təɓzluwək gəlamatuya nani.

Daniyel 8:14

Yas azlan na: «An moskoy də mompumo gabal sula də səkat hoku atoŋgoŋko. Sədərɓagani, kawpeslni təki salala va lahəŋka.»

Daniyel 8:9

Yaŋ mohoŋguk muzliyək təgil səza taka nereti, təɓay diyɗa kəla dohoŋ, dəmmba pay nampum gəm dəka dələv an lelewe.

Daniyel 9:27

Waska wəlet ɗiy də wənmiyna addəv wəzva buhul, səza pəɗak na pay van atoŋgu, watak wən na əzaɓ-Maŋgəlva gəm əvəla. Məzan zəga van waɗɗa zəga daryaw nani, hã gap pay nawzan va an məɗiyən pay mbes əmbesni.

Hose'a 7:16

Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.

2Tesaloniki 2:3

Ɗəf adawmbəɗokum də tive awandi zlaŋ ɓa, an əppan əzban Maŋgəlva dəde tagay gəm ɗəf mambray wətən əza dərban zən ɓa ɓa,

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

Hənhən 12:14

Yaŋ məpsət persleke sula va na gazla metiŋgin sət guluk nakə, vi təveŋgən əmbat a kapta-muyã, a təki məzaɓan ammbat vi kawzəmgət adak faraɗa səza dohõ, zəga na əzva hoku də mani.

Hənhən 12:6

Yaŋ guluk nak tənzat awra, a təki məs Maŋgəlva azaɓ sət adaka, kawzəmgət adak əvoŋ gabal də səkat sula də kaklaw sləre.

Hənhən 14:12

Pay na əsok zə ɗəfi azet ɗiy salala məs dədermenin mahenziŋɗe na Maŋgəlva a mekreti də ətaf Yesu.

Hənhən 16:6

Adan agbo'inik mbel net ɗiy na Maŋgəlva, dit mbel net məskəleŋɗe, mbeli'e kəpsit ka nawsa. Aslə sitike!

Hənhən 17:6

Nulətək guluk nak titemik dit mbel net ɗiy na Maŋgəlva, gəm dit mbel net ɗiy məpelin wən na Yesu. Adan nula, nəggətək sawɓa.

Hənhən 18:24

gəm mərəhti mbel net məskəleŋɗe, ɗiy na Maŋgəlva gəm ɗiy en mətaw wəlet məziyit anokda aka dəlvafuŋ.