Daniyel 7:20 - Bible en Guidar

²⁰ Yas nəttok aket mohõnɗe kəlaw naka kini, gəm aka maɓɓan dəgil na, mohonɗe hoku apoŋgoŋ səbat naka, mohon van, nan tay də harani gəm man məzəwpel əpel nawkaɓa. Ulan na badak zən adayək kiyit en membirti.

Daniyel 7:20 Iomraidhean Croise

Daniyel 7:11

In tat əzban ula, səza mohuk nak tədawpel əpel nawkaɓa, in tat əzban ula gala məbay zəga mamayã naka, yas məpəseken slu nani məzgan akoffo.

Daniyel 7:19

Ndəni, nəŋgəl nəsəngən zəga mamayã mopoɗo'o, məs dəsan temme səzet en mbirit neki, məs də ezlezle azan diyɗa məs slayən na təbəz amani gəm perzleŋ tələn na təbəz pepreŋge, məs dəmpir gəm dətekeɗ gəm wəndep membirit ammba tələn naka;

Daniyel 7:21

In tat əzban ula, yaŋ mohon nan agəɗ wəgay dit salalaɗe na Maŋgəlva yas aska wəleti,

Daniyel 7:23

Anah suwək na: Zəga mamayã mopoɗo'ən na, məlĩ naka dəlvafuŋ mopoɗo'oyi, wasan temme səzet milyeŋge mbirit pakə, nan wazəm dələv pakə, wandapani gəm wasər kuɗkuɗu.

Daniyel 7:7

Sə dərɓaga aska, in tat əzban ula, Nulak zəga mamayã mopoɗo'it agilke. Tay də gbogboŋgo diyɗa, də ezlezle hã geslne wərma ɗəfa. Slayən na təbəz tay ɗaslɗasl amani vi kempir gəm kawtekeɗ medembirgiti, tay əndepit də tələn; awɗakək dit zəgeɗ memeyẽɗ en maddaabəŋ kiyən naka, ya tay də mohõ akan kəlawə.

Daniyel 7:8

Gala nədasəŋgləkan mohõni, nəwələk mohuk mbərət muzliyak təgilik a weleŋgit en maddaabəŋ; mohõnɗe hoku səmmbet en maddaabəŋ nek apoŋgoŋguk səbata. Mohuk vatə harat tay va hara ɗəfa, ya mat tay əpel nawkaɓa.

Hənhən 12:3

Sekene maɓɓan arbək a disiŋ əmpa. Zəga darawən metiŋgin pepreŋge, kiyən buhul, mohon kəlaw, mətərkiya aka kiyən nak taka taka buhul pakə.