Daniyel 7:14 - Bible en Guidar

¹⁴ Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Daniyel 7:14 Iomraidhean Croise

Gəlyaɗe 102:22

Kabbalan iya na Yawe a Siyon gəm wəɗi kiyən a Yerusalem,

Gəlyaɗe 103:19

Yawe aɗiyək mazaŋga na məlĩ nan a disiŋ, məlĩ nani yi aka zəga pakə.

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Gəlyaɗe 146:10

Yawe wazəm məlĩ hã faɗə. Maŋgəlva noki is Siyon aza va sayit ɗiy amə' pakə! Məɗi ki Yawe!

Gəlyaɗe 45:6

Herɗe nok mətekeɗ meti, watilikin mekret məzuzelɗe na məlyã, ɗiy waskotoŋ ammba təlko.

Gəlyaɗe 72:11

Milyeŋge pak wappu'oŋ abani, ɗiy-ɗar beymet waɗɗaŋ sənən wəza.

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Gəlyaɗe 8:6

Siɗikke dəmbər kəɗɗa nawsla kivan də Maŋgəlva: kəpsənək gagdak də memetiŋge;

Isaya 16:5

asna mazaŋga na məlĩ wasan ɓəl sən əɗɗa moggoni ɗəf təstəs zev Davit wasan akani, məsən ətawwəna, məzgə sləma aka təstəsə gəm məŋgəl an sarara.

Isaya 60:12

Vi ɗiy-ɗar gəm kiva na məlĩ məs dəɓoŋ dawgəɗ suk wəza, wazaŋgə; ɗiy-ɗar veti, əza adawzaŋgə.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Isaya 9:7

Daya azkanək əpel nan aka Yakob, yaŋ abət aka Israyel.

Daniyel 2:35

Aka ma taka, təbza, membezleŋ, təbəz pepreŋge, təbəz babara gəm meleŋge aŋzlaŋ pakə; akkpaŋgaŋgək va eslesle məzəzzoŋ sə kelleɗe də mawala məs səmyã adawka məza batamən əsən ɓa. Gərəm məs dəbət aka zəgakamaŋgəlva məzaɓən van tamə, nan akkpaŋgək mossorgo metiŋgini ya aknahək dəlvafuŋ pakə.

Daniyel 2:37

Məlyã istə məlĩ net milyeŋge; anoki Maŋgəlva na disiŋ apsuk əzəm məlyã, əɓapa, gbogboŋgo gəm gagdaka;

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 3:4

Məzutəl ma aŋgəzlək vaŋvəl dayadaya: «Vanday net ɗiyi, dəlveŋge gəm ma temtemi, aŋki məɗi sukum wən nani!

Daniyel 4:3

Nəɗiyək wən nan kawki məsmaɗɗulet naka dələv na Babilon pak abawa, vi dəboton suwəngən gabba əssine nawa.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 7:18

Sədirɓegeti, ɗiy en salala na Məsəɗəɗə warəhən məlyã, neti, məlĩ wasan avet hã faɗ ka faɗə.»

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Obadya 1:21

Məmetiŋ ɗiyi, wapeŋgeŋ aka mossorgo metiŋ na Siyon, sədaki adarbanən məlĩ net aka Esaw. Yawe wasan məlyã!

Mika 4:7

Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.

Matiye 11:27

Zəga pak Əbba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Luka 1:33

Wazəm məlĩ aka gəla na Yakob hã faɗə, əzəm məlĩ nan agrak na ɓa.

Luka 10:22

Zəga pak Ebba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Yohanna 12:34

Vanday net ɗiy azlan sənənək na: Məprəmək səddəv mahenziŋ na, Kristu wasan hã faɗə. Ya mbari nok kədawnəh na kawslani Wətən Ɗəf a disiŋ tagay di? Naway Wətən Ɗəf vanəs di?

Yohanna 3:35

Afən aŋgluwək Wətəni, apsənək zəga pak ammba vani.

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

1Piyer 3:22

Nan ateŋgik a disiŋ tay aka va dəzəŋ na Maŋgəlva, tay əzəm məlĩ aket maslayɗe də aket gagdakɗe, də aket əɓapɗe.

Hənhən 1:6

Akkpaŋgamək ka ɗiy naka dələv na məlĩ nani, ka məsdəlveŋge na Maŋgəlva Afəni, gagdaka gəm əɓap nani hã faɗə. Amin.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 3:21

Məskəwəla na, wanəɗɗa dəsangən də in aka mazaŋga na məlĩ nawa, va naw pak nəskəwəla nəmbat əssaw də Əbba aka mazaŋga na məlĩ nani.