Daniyel 7:13 - Bible en Guidar

¹³ In tat əzban ula, addəv əssine naw dəfɗa, nuwələk va wətən ɗəf aka slaybuwən əpirken sə disiŋ; alək hã aza mazza naka, yas məkan abani.

Daniyel 7:13 Iomraidhean Croise

Gəlyaɗe 110:2

Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

Gəlyaɗe 2:8

Assohõwa, wanipsuk ɗiy-ɗar ka nawzəmgəla, mammba dələv gboŋ wasan ka noko.

Gəlyaɗe 47:5

Awelsəmək dələv nawray vamə, yaŋ na zəm nekki yi, mənam ɗiy na Yakob məs aŋgələ. Əziwe

Yeremiya 49:19

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa ɓa di? Məlĩ mawani as van nawziw abaw di?

Ezekiyel 1:26

Disiŋ ki təki berŋgeŋge naket naka, zəga tay va gərəm na sləma titire, vit va mazaŋga na məlyã; disiŋ ki zəga va mazaŋga na məlĩ vanəs na, zəga tay va ɗəf akan a disiŋ.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 7:12

Məggbuni gagdak net zəgeɗ memeyẽɗ mbirit neki yas məppet dəssoŋgən mederet hã gap pay an mətaw siti.

Daniyel 7:2

Daniyel apeli, amna: Dəfəɗ addəv əssine naw na, nəwələk vẽŋvil gəlet poɗo asilyoŋguk sə disiŋ, aɓlanənək pehe metiŋgini.

Daniyel 7:22

hã gap mazza nak pay kawka wən ammbet ɗiy salala na Məsəɗəɗə. Səza pay nan agapə məpsiti gagdak na məlĩ ammba vet ɗiy na Maŋgəlva.

Daniyel 7:9

In tat əzban ula, nulak məɗiyə mezeŋgeɗ na məlyã, yas mazza ade pay ɗew. Lukut nazan tay babar ndasl va ɓeɓrezlerizze, muhur kiyən tay va zeŋze saksakə, mazaŋga na məlĩ nan tay əwiɗ va offo, təl mazaŋga van tamə va offo mərmani.

Daniyel 8:15

Aka in Daniyel nəsaw addəv ula vani, nədattokon gabbani, nəwələk zəga va ɗəf ade aziw abawa.

Matiye 13:41

Wətən Ɗəf waslən maslayɗe nani, wagilgitin məskotgitin ɗiy addəv mambraya dit məs mambrayɗe pak səddəv məlĩ nani,

Matiye 24:30

Zəga narba na Wətən Ɗəf wawəl a disiŋ, gebbet ɗiy naka dələv pak waɓuhnən meti, wawlanən Wətən Ɗəf ɗewwe aka va dəzəŋ na Məzuɓappak, gəm əmpa pay adazzan aka slaybuwən a disiŋ.

Matiye 25:31

Pay Wətən Ɗəf adazzan də gagdak nan dit maslayɗe nan baymet ammbani, pay nani, wasan aka mazaŋga na məlĩ na gagdak nani.

Matiye 26:64

Yesu aɓsən na: Kənahəka, ya in tat ənah sukum, təŋ kakaŋka wakulanən Wətən Ɗəf ɗewwe aka va dəzəŋ na Məzuɓappak, gəm əmpa pay adazzan aka slaybuwən a disiŋ.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Matiye 8:20

Yesu aɓsən na: Balwayɗe tahəŋ dit vovɗe, biŋgeɗ tahəŋ dit gəleɗe. Ya Wətən Ɗəf na, tay də təki nawvoŋ naffeten zən ɓa.

Markus 13:26

Asna kawlani Wətən Ɗəf əzzan aka slaybuwən də əɓapa gəm addəv gagdak diyɗa.

Luka 21:27

Asna kawlani Wətən Ɗəf əzzan aka slaybuwən də əɓapa gəm də gagdak diyɗa.

Luka 21:36

Məssoŋ ketketi məkkam pay pakə, vi kərahaŋgən gbogboŋ nawkõh səmet zəgeɗ en dədaɗɗaŋ pakə, kiziweŋgin aba wətən Ɗəfa.

Luka 24:27

Yaŋ aboton sit zəgeɗ en naɗɗa akan səddivit ɗerewelɗe pakə, təŋ səza Moyis hã gap azet məskəleŋɗe pakə.

Yohanna 12:34

Vanday net ɗiy azlan sənənək na: Məprəmək səddəv mahenziŋ na, Kristu wasan hã faɗə. Ya mbari nok kədawnəh na kawslani Wətən Ɗəf a disiŋ tagay di? Naway Wətən Ɗəf vanəs di?

Yohanna 3:13

Ɗəf tay dəpeŋ a disiŋ ɓa abbər ki an məs dəprik sə disiŋgi ɓa ɓa, Wətən Ɗəfa.

Yohanna 5:27

Apsənək gagdak sən Wətən dətawgən wəna vi Wətən Ɗəfi.

Wəza net Masləŋɗe 7:56

Yaŋ amna: Intat ula disiŋ yaŋ kollo gəm Wətən ɗəf ziwwe aka va dəzəŋ na Maŋgəlva.

1Tesaloniki 4:17

As kana mənam məpəl madaram kakaŋ na, kawslami mənam pak sap dənɗaŋ aka slaybuwna, vi kalma də Daya a disiŋ. Vaski kan mədawsam də Daya pay pakə.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

Ibriɗe 2:14

Kirin net tahəŋ də gəɓa ziti dit mbeli, ndəni kan Yesu asan va ndəɗaŋ, agəmək gəɓa zə ɗəf va neti, aɗɗa vasna, vi də əmta nani adawzan ɗəf an də gbogboŋ aka əmta, ndəni Satan.

Ibriɗe 9:24

Vi Kristu dətoŋ addəv gəla matuya məs məɗɗan də vet ɗiy məs dəsan zeŋgile zəga an gesiŋ ɓa. Ya a disiŋ zək nan atoŋguk, karban zən aba Maŋgəlva kakaŋ vimə.

Hənhən 1:13

A waleŋgit zəgeɗ nawɗi lalam veti, ɗəf tay adak də lukut azan məsilipi, diynan dadakən də kətu məɗɗan də meleŋge.

Hənhən 1:18

Intə ɗəf madarani, nəmtək lahəŋka, ya kakaŋ na madaraw nan hã faɗə. Intə tat də gagdaka aka əmta gəm aka təki nassa net ɗiy mimtiti.

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.

Hənhən 14:14

Ya nəwəl na: Slaybuwən babara, aka slaybuwən naka nuwələk ɗəf dəgil va wətət ɗəf ɗewe akani. Mətərkiya na meleŋge tay aka kiyni gəm slogoy məs man hoɓhoɓ avani.