Daniyel 7:1 - Bible en Guidar

¹ Wəzva maddaabəŋ na Belsazar asan aka məlĩ a Babilon, gala Daniyel asan ɗuffo aka zəga nawvoŋ nani, assinke, awələk zəga, yas aver essine vani. Ətəŋ nan yaŋka.

Daniyel 7:1 Iomraidhean Croise

Va'Atəŋ 15:1

Dərɓaga wənəska, Yawe apel sənək Abram addəv ula. Amna: «Kəgeslne' ɓa Abram, intə baray noko, wərəh ammba an kəgəɗ wasan diyɗa ndoɗoɗ-ndoɗoɗu.»

Va'Atəŋ 46:2

Maŋgəlva aɓsən Israyel addəv issine də dəfɗa, amna: «Yakob, Yakob.» Azlan na: «In yakəŋkə».

Ɗerewel na Yob 4:13

Addəv əssine məs dəgeslnegu addəv dəfɗa, gala ɗiy assoŋ addəv əleŋ kpumu,

Isaya 30:8

Kakaŋ na, aver as van a maheret ɗiyi, aka kalaɓ nawver akani; aver addəv ɗerewel. Abe na wasan ka narban an nazzan hã faɗə.

Isaya 8:1

Daya anah suwək na: «Agəm kalaɓ metiŋgin nawver akani, aver əver an ɗiy adaprəmaŋ akan də mabəl Maher Salal Has Baz», va ənah na: Agəm zuk ammba ərəh namawgaya, agul zuk addəv popoho.

Yeremiya 23:28

Məskəleŋ an dəssini, dənah əssine vani, ya an dərah əpel naw na, dənah əpel naw van gesiŋ! Miy dəsapan ŋgav də hay zək nan di? Vas Yawe aɗiymani.

Yeremiya 27:7

Ɗiy naka dələv pak wagəɗ sənən wəza, sən wətəni, sən wəten wəteni hã gap pay dəlveŋge diyɗa gəm milyeŋge gugriɗe adakkpaŋganən ka məgəɗ wəza neti.

Yeremiya 36:32

Yeremiya agəm ɗerewel məktəmən maɓɓan gəmə, ndən ta' əpsən Baruk wətən Neriya məzuvere. Yas aver əpel na ma Yeremiya naddəv ɗerewel bayman məs Yoyakim məlĩ na Yuda azlə aka koffo naka, yaŋ antep əpel diyɗa aman zev aska.

Yeremiya 36:4

Yas Yeremiya aya Baruk wətən Neriya, yas Baruk aver əpel na Yawe səma Yeremiya bayman məs apel sən addəv ɗerewel məktəmən naka.

Ezekiyel 1:1

Aka əzva makaklaw hoku, təla mapoɗon də wəvoŋ nan sle'i, in tat aret ɗiy mərmeti, go'o də məlpa Kebar; disiŋ akolko, yaŋ Maŋgəlva arbə su ula.

Ezekiyel 40:2

Addəv ula temtem məs Maŋgəlva arbə suwa, akuwək aka dələv na Israyel; aziwgu aka mossorgo metiŋ məɓayən diyɗa, akan də dohoŋ nan na, tay va gəleɗe mərket na walaŋgəla-metiŋ.

Daniyel 1:17

Ya sit gewleɗ poɗes na, Maŋgəlva apsitik əsəna, əprəm an dəsan məverin pakə gəm maɗɗula. An dəday əmpa na Daniyel aprəm gabba ula gəm gabba əssine pakə.

Daniyel 2:1

Addəv əzva masula'ən na Nabukodonozor aka əzəm məlyã, Nabukodonozor assinik əssine mbərayən. Makran azlahka yas dəɓap əleŋ ɓa.

Daniyel 2:26

Məlĩ agəmək əpele yas anah sən Daniyel məs adawyaŋ Beltasar na: Wakəɓap wərban su əssine naw də əboton su va aŋgəl kawnah sa?

Daniyel 4:13

Makran waddəɗə, asan na va na ɗəf ɓa, kapsəni makra na zəga mamayã wasan əzva buhul awra.

Daniyel 4:5

Dərɓedərɓe faɗ na, Daniyel məs adawyaŋ na Beltasar va iya na maŋgəlva nawa, dətoŋ azawa; əmpəs na Maŋgəlva tay dəndəni, nənah sən əssine vani.

Daniyel 5:1

Məlĩ Belsazar adək waynabaya, ayek məɗɗaŋ wəza nan gap gabal, yas asaŋ mbazla matakə

Daniyel 5:22

Ya is Belsazar wətəni, də kəsən alabaras zlaŋ na kəŋgəm əɓe'gən kiyuk ɓa.

Daniyel 5:30

Addəv dəfɗəska'e, məbay Belsazar məlĩ na Babilon.

Daniyel 7:13

In tat əzban ula, addəv əssine naw dəfɗa, nuwələk va wətən ɗəf aka slaybuwən əpirken sə disiŋ; alək hã aza mazza naka, yas məkan abani.

Daniyel 7:15

Makraw in Daniyel azlahka, an nəwəl atapawka.

Daniyel 7:7

Sə dərɓaga aska, in tat əzban ula, Nulak zəga mamayã mopoɗo'it agilke. Tay də gbogboŋgo diyɗa, də ezlezle hã geslne wərma ɗəfa. Slayən na təbəz tay ɗaslɗasl amani vi kempir gəm kawtekeɗ medembirgiti, tay əndepit də tələn; awɗakək dit zəgeɗ memeyẽɗ en maddaabəŋ kiyən naka, ya tay də mohõ akan kəlawə.

Daniyel 8:1

Addəv wəzva mohoko'ən na Beltasar aka məlyã, in Daniyel nəssinik əmpa, mbəksa əssine maddaabəŋ.

Amos 3:7

Yawe Maŋgəlva aɗɗa zəga məza ərban məɗama nan sit məɗɗaŋ wəza nan məskəleŋɗe ɓa ɓa.

Habakuk 2:2

Yawe azlan suka, amna: Aver ula, aboton aket kalaɓɗe, ka ɗəf dəŋɗetgən ta'ta'ə,

Əŋɗa 12:6

Amna: «Məprəm əpel nawa: An məskəleŋ tay arokum na, addəv ula in Yawe nədarban zu azani, də issine nədawpel səni.

Roma 15:4

Vi an məverin far pak, vi kapsəm əyaki məverin, ka mərahgən əga də əɓəs gəm də əhhaɗ məs Əver adahhaɗamə.

2Korintus 12:1

Aslək nəkaɓgən sa? Gesiŋ tay an adawtər ɓa. Ya wanəmndaw aka ula temtem gəm hənhən na Daya.

Hənhən 1:19

Aver an kədawla kana, an kakaŋka, gəm an dədazzan səbbərən.

Hənhən 10:4

Adan wəhãy na buwən buhul agrak wəpel nani, nəzaɓanək zu kawverin, yaŋ nəprəm wəla ɗəf sə disiŋ dawnah su na: Arma wən na wəhãy na buwən buhuliŋki kədaverin ɓa.