Daniyel 6:23 - Bible en Guidar

²³ Maŋgəlva naw aslənək maslay nani, amsanək met Ɓooliɗi, dəɗɗaŋ suwən zəga ɓa, vi naw də mazlibezlibe na maw nani, gəm abok is məlĩ dayday na, mbərayən tay nəgəɗ ɓa.»

Daniyel 6:23 Iomraidhean Croise

1Milyeŋge 5:7

Deyeɗe na bərzləŋna-kivadələv dədawkiyaŋ əzəm sən məlĩ Salomoŋ dit ɗiy en məzəmaŋ ana məlĩ Salamoŋ da pakə. Ɗəf pak də təla nani, zəga tay adappaŋ dəkkpapgən ɓa.

1Alabaraɗe Də Mabərkiziti 5:20

Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

Gəlyaɗe 18:21

Yawe agəɗ suwək va aza salala nawa, amndan suwək va aza bartata na vawa,

Gəlyaɗe 37:40

Yawe wabbah siti, wabite, wabit səvet məsdarawɗe, wakõhgiti, vi azan adawɗamaŋgə.

Əgilye 18:9

Zə Yetro annekik vi moggon an Yawe agəɗ sən Israyel, akõhgən səva Eziptə.

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Isaya 26:3

Daya də zuk soksok kədazga sləma aka zay na ɗəf məs makran barə, vi appanək kizən suko.

Daniyel 3:17

An Maŋgəlva nam mədawgagdakanəŋ tay na, waɓap wəkõhgəm səddəv movoro offo gəm səmmba voko, məlyã!

Daniyel 3:25

Yaŋ azlani, amna: In tat ula ɗiy poɗo əbbalaŋ addəv offo də meti, məza vaŋvi tay azet ɓa, ya mopoɗo'it tay va maslay.

Daniyel 6:14

Yaŋ agəmən əpel anahaŋ aba məlĩ na, «Daniyel, taka nemmbet məsimgit sə Yuda, dəɗiyuk azan va zəga ɓa məlyã, an mətakən kəɗi vok akan dəɗi azan va zəga ɓa. Tay əkkam təl hoku addəv wəsɓəta.»

Daniyel 6:18

Məkiyi kalaɓə, məmpan ma vov naka, yas məlĩ aɗi ndama nan akani gəm an net məɗɗaŋ wəza nani vi karban na zəga tay naddəɗ aka an dəwəl sən Daniyel ɓa.

Markus 9:23

Yesu azlan sən na: «An akəɓapa!» Zəga tay an tuwãh aza məzutaf ɓa.

Ibriɗe 11:33

Də mbəlembəle na ətafi ndəɗaŋ vetis amõhnin dəlveŋge. Aɗɗanənək an təstəsə, arəhən an Maŋgəlva anah na wapsiti. Aynanənək met ɓooliɗi.