Daniyel 6:2 - Bible en Guidar

² Dariyus awlak na lewi nawɗi guvernerɗe səkat də kaklaw sula, dəssoŋgən aka va na məlĩ nani.

Daniyel 6:2 Iomraidhean Croise

Ezra 4:22

Məsla zukum kədazgətaŋ ki wənəs, ka zəga an dəslə ɓa adawwan zən vi adaɗɗa mbərayən sit milyeŋge ɓa.»

Ester 7:4

Vi in dit ɗiy naw pak məvəlmi yi kawbaymə, kawzam kakãhə. Va ka belemɗe kaka' məvələm zel dit gil van na, kəta nəpel na ɓa. Vi tatwãh as dəgap gala nawyan məlĩ aka wən nan ɓa.»

Wənməkkpaŋga 26:6

Ɗəf dəslən dərwa də alabara na, tələn tusso adarsla, wazəm sãhã.

Wənməkkpaŋga 3:16

Zezek na əvoŋgo ammba van dəzəŋ, arya gəm gagdaka, ammba van zlaɓay.

Daniyel 5:16

Naw nəprəmək akok na, nok wakəɓap wəbotet wənɗe gəm ətawwən na asənasəna. An kəŋɗanək an məverin, kənah suwək va aŋgəl kawnahã na, wakərah lukut məhəmən moggon pepreŋge, verzleɗ na meleŋge awloko, wakəsok mohoko'o də gagdak addəv məlĩ nawa.

Daniyel 5:29

Yaŋ Belsazar anah dəskansənəngən lukut məhəmən pepreŋ sən Daniyel gəm everzle na meleŋge awlani. Anahaŋ aka wən nan na dəsangən mohoko'o də gagdak aka dəlva.

Daniyel 5:7

Məlĩ aŋgəzlək vaŋvəl dayadaya vi kawye məɗɗaŋ tetele, mə Kaldiyeɗi, gəm məkosonən wən net ŋgərzleɗi. Məlĩ anah sitik məsmaɗɗulet na Babilon na: «Ɗəf an dəɓap wəŋɗan an məverniŋka, an aboton suwək gabbani, wagul lukut məhəmən pepreŋge, warah everzleɗ na meleŋge awlani, wasan mohoko'o də gagdak addəv əzəm məlyã.»

Daniyel 6:1

Dariyus, mə Medə apaŋgək aka məlĩ gala asan də wəzva kaklaw sləre kiyən sula.

Matiye 18:23

Sən aski məsla məlĩ na disiŋ də məlĩ məs dəŋgəl məɗɗaŋ wəza nan dəŋɗan sənəngən wəŋɗa na arya nani.

Luka 16:2

Yaŋ aya, aɓsən na: Mi nədaprəm əpel akokuŋ di? Aŋɗan su wəza narma arya nawa, vi kəɗɗa wəza narma arya naw əmpa ɓa.

1Korintus 4:2

An məs adassohoŋ ava ɗəf məs məppan sən wəza van avan na, dəsangən ɗəf təstəsə.

1Samiyel 2:30

Vini Yawe Maŋgəlva na Israyel aɗiymani, nənahək lahəŋ na: Gəla nok də gəla na afuko wadawaŋ abaw faɗə. Ya kakaŋ na arayka, Yawe aɗiymani! Vi naw na wanəɗi kiyit məzuɗiynən kiywa, wanəzelet məzelewən tamə.