Daniyel 5:7 - Bible en Guidar

⁷ Məlĩ aŋgəzlək vaŋvəl dayadaya vi kawye məɗɗaŋ tetele, mə Kaldiyeɗi, gəm məkosonən wən net ŋgərzleɗi. Məlĩ anah sitik məsmaɗɗulet na Babilon na: «Ɗəf an dəɓap wəŋɗan an məverniŋka, an aboton suwək gabbani, wagul lukut məhəmən pepreŋge, warah everzleɗ na meleŋge awlani, wasan mohoko'o də gagdak addəv əzəm məlyã.»

Daniyel 5:7 Iomraidhean Croise

Va'Atəŋ 41:8

Təki addaŋ na, ki Farawən azlaɓka, aslən əye məs sesergeɗe də wən neti dit məsmaɗɗulet na Eziptə pakə. Farawən aboton sit wissine nani, ɗəf tay dəɓap ənah sən Farawən ɓa.

Ester 3:1

Dərɓeget alabaraɗeski, məlĩ Ahasuwerus aɓaygənək Haman wətən Hammedata, zev Agag aka wəza; apeŋgənəka, aɗiyək aket ɗiy gugriɗ məs dəssoŋ dəndən baymeti.

Əgilye 7:11

Yaŋ Farawən tam aye məsmaɗɗulet dit mulaŋ helig na Eziptə, gəm məsteteleɗ na Eziptə, aɗɗanən tetele net tamə:

Wənməkkpaŋga 1:9

Wassoŋ va zəga na gawla na sləma aka kiyko gəm va everzleɗ awloko.

Gəlya net Gəlyaɗe 1:10

Galiyuk lewi aweleŋgit Metendeŋɗe, wəloko moggoni addəv kpəksa.

Isaya 47:13

Kəyək dit əzgaɗe məs kərahə, məsənaŋ wən net gərzleɗ na disiŋ məpelən an nawrəhuk aza təlaper pakəŋka, dəziweŋgi, dəkõhgukun kana!

Yeremiya 50:35

Masalam aket mə Kaldiyeɗi, Yawe aɗiymani! Gəm aket ɗiy na Babilon, aket ɗiy gugriɗ nan gəm aket məsmaɗɗulet nani

Ezekiyel 16:11

Nəkkpa' sukuk solsu, nəkkpa' sukuk miypa'a aka voko gəm verzle awloko;

Daniyel 1:20

Ya aka zəga an nakkpumon əɗɗum də an nawɗakan zəga pak na, an məlĩ attoketik na, ndən ərəhit na adayagək kiyit məsənaŋ zəga dit məɗɗaŋ sekene naka dələv nan pak gap təl kəlaw.

Daniyel 1:4

Gewleɗ məza heslepe azet ɓa, lelewɗe ama hara ɗəfa, məs əsən aketi, məs maɗɗula, dəsənaŋ gabba zəga gəm maɗɗula nawɗakan əsəna, məs də mbel zit naɗɗa wəza aba məlyã, kawyagan sit əvere gəm ma net mə Kaldiyeɗi.

Daniyel 2:2

Məlĩ aɗiyək wən nan kakkelet məskaŋ heligi, məɗɗaŋ tetele, məɗɗaŋ sekene gəm məkosonən wən net ŋgərzleɗi, ka dəboton sənəngən əssine nani. Azzoŋko yas aziwəŋ aba məlyã.

Daniyel 2:27

Daniyel azlansənək məlyã, amna: Wən məɗamən kəttokəŋ na məlyã, məskaŋ heligi, məɗɗaŋ tetele, məɗɗaŋ sekene gəm mə Kaldiyeɗ aɓapən na kawboton suk ɓa məlyã.

Daniyel 2:48

Ndəni məlĩ aɗi ki Daniyel, apsənək zəgeɗ na sləma diyɗa, aɗiyək daya aka kivadələv na Babilon pakə, gəm aɗiyək daya aket deyeɗe na bərzləŋna-kivadələv aket məsmaɗɗulet na Babilon pakə.

Daniyel 2:6

Ya, an kərbansuwənək əssine də əboton va aŋgəl kawnah na, wakərahan zəga na vokum səvawa, zəgeɗ na mekeleŋ gəm gagdak diyɗa. Məboton su kan va əssine van aŋgəl kawnahã.»

Daniyel 4:14

Aski əpel maslay aziwgini, ya əpel van səmet ɗiy en salala ade vi ɗiy dəsənəngən na Məsəɗəɗə, ndəni məlĩ aka məlĩ net ɗiyi, tay əɗi ɗəf məs aŋgələ aka məlyã, dəsan ɗəf məgəsən nammbet ɗiy zlaŋgə.

Daniyel 5:11

Ɗəf tay aka dələv noko məs Zeŋgile salala na Maŋgəlva akani. Aka pay na afuk na, ɗəf van arbək na tay də wəsən moggon akani, də wəsən nawkoson gabba wəna, də maɗɗula akan va net meŋgilveɗi. Yas afuk, məlĩ Nabukodonozor, aɗi daya aket məskaŋ heligi, məɗɗaŋ tetele, mə Kaldiyeɗi, gem məkosonən wən net ŋgərzleɗi.

Daniyel 5:15

Məsmaɗɗulet gəm məɗɗaŋ tetele azzoŋgək lahəŋ aŋka, vi kanɗan an məverən gəm kawboton su gabbani, ya dəɓapən əboton suwən gabba əpel van ɓa.

Daniyel 5:16

Naw nəprəmək akok na, nok wakəɓap wəbotet wənɗe gəm ətawwən na asənasəna. An kəŋɗanək an məverin, kənah suwək va aŋgəl kawnahã na, wakərah lukut məhəmən moggon pepreŋge, verzleɗ na meleŋge awloko, wakəsok mohoko'o də gagdak addəv məlĩ nawa.

Daniyel 5:29

Yaŋ Belsazar anah dəskansənəngən lukut məhəmən pepreŋ sən Daniyel gəm everzle na meleŋge awlani. Anahaŋ aka wən nan na dəsangən mohoko'o də gagdak aka dəlva.

Əŋɗa 22:17

Vi wanəpsuk gagdak diyɗa, wanəɗɗa an kənah su pakə. Ade kan areygit su ɗiyiŋ ɗa.»

Əŋɗa 22:7

Ɗiy məsɓet na Mo'ab dit en na Madiyan, mbataŋ kan də zəga evet nawfaɗ sən məwəl helig vani. Səza agapaŋ ana Balam da na, aman sənənək əpel na Balak.

Əŋɗa 24:11

Adan vaski na, go' arma tive dok anokda! Nənahək nawgagdokok kəta; ya yaŋ na, Yawe atakkuk dawrəh gagdak vani.»

1Samiyel 17:25

Mə Israyel pak ənah na: «Kulanənək va ɗəf adawgilyenəs sa? Vi karma mama aza Israyeli yi. Ɗəf dərah əbayən na, nan məlĩ waban də arya diyɗa, wapsənət wətəni gəm gəla na afən wasan na kini.»