Daniyel 5:3 - Bible en Guidar

³ Yaŋ məki hiliŋgiɗ na meleŋge məndet səddəv gəla na Maŋgəlva sə Yerusalem neki, məlĩ vani, məɗɗaŋ wəza nani, gəreŋgiɗin gəm gil məɗɗaŋ wəza nan asaŋgək mbazla dənɗaŋ.

Daniyel 5:3 Iomraidhean Croise

2Alabaraɗe Də Mabərkiziti 36:18

Zəgeɗ naddəv gəla na Maŋgəlva baymeti, gugriɗ dit memeɗeŋɗe, may əzaɓ naddəv gəla na Yawe, əzaɓ nana məlĩ da, də an nanet ɗiy naban bayman pak akak a Babilon.

Isaya 5:14

Vini təki nassa net ɗiy mimti akol man boktoŋgu, afoktokonək wəlan də baran məza meŋge ɓa. Ɗiy en dəssoŋ addəv gəzləŋgəzləŋ na wəzləra wabətaŋ addəvən.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Daniyel 5:2

Aka adawsaŋgə, Belsazar aɗiyək wən nan dəkisiningən hiliŋgiɗ na meleŋge gəm na təbəz babar məs Nabukodonozor afən andə səddəv gəla na Maŋgəlva na Yerusalem vi dəsaŋgən mbazla dənɗaŋgə. Sən məlĩ vani, məɗɗaŋ wəza nani, gəreŋgiɗin gəm gil məɗɗaŋ wəza nani.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 5:4

Asaŋgək mbazla yas agagdeketin meŋgilveɗ məɗɗet də meleŋge, də təbəz babara, də təbəz pepreŋge, na təbəz titire, na wəlaŋga gəm na gərma.

Hose'a 2:8

Vini, nədamsan tive nat dit gedirgeɗi, wanəmpa mambara, tərəh na batamət əmpa ɓa.

Habakuk 1:11

Vasna səmyã tay əɓla, tay əmbata. Araygənək kini; gbogboŋ nan dəkkpaŋ ka maŋgəlva nani!

Malakiya 1:12

Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.»

1Tesaloniki 5:3

Pay adawnahaŋ na: Addəv zay mənani gəm fendeŋ mənani, əza wade aket mədəgirzike va daway ada waksət gulku, sessel akohoŋ na ɓa.

Mətawaŋwəna 19:1

Aka pay dəpas na, məlĩ tay a Israyel ɓa. Ɗəf tay mə levi dəsan ŋgbam ammba təki də gəla aba mossorgo na Efrayim, yaŋ agəmət gəran sə Bet-Lehem na Yuda, ka gulku.