Biblia Todo Logo
Bìoball air-loidhne

- Sanasan -




Daniyel 5:23 - Bible en Guidar

23 Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Faic an caibideil Dèan lethbhreac




Daniyel 5:23
47 Iomraidhean Croise  

aɗɗak əzaɓ aka Abram dawnəh na: «Maŋgəlva Məsəɗəɗə, məs dəzəməɗ disiŋ də dəlvafuŋ dəɗɗa əzaɓ nan aka Abram!


Yawe Maŋgəlva aɗɗak ɗəf titir də burɗuk səka dəlvafuŋ. Sissiŋ Afu' sən əmpəs na zeŋgile a məŋkənni, ɗəf titir nak kpaŋ ɗəf də zeŋgilen madarani.


Nəsənəka, kəskak wəla Edom, kəkkpaŋgək məs fərkã. Nok agagdakan kiyko, ya kan na, daɗah asok anokda! Vimi kədawtoŋgən kiyuk addəv tatwãh kawzan kiyuk isi sap dit ɗiy na Yuda di?»


Ndən məs dərma zeŋgile zəga madaran pak avani gəm əmpəs na ɗəf pakə.


Namna tay ula ədaw naw gəm əŋɗan va nədawɗi təlu pak ɓa sa?


An kəɗamanək horoko, ndəɗaŋ əzaŋgə; an kəgəmək əmpəs neti, ndəɗaŋ əmtaŋ əmndoŋ addəv burɗuku.


Disiŋ, disiŋ na Yawe yi, dəlvafuŋ hara na, sit ɗiy apsiti.


an in tat balbalə, an in tat əffete, kəsənək an nədaɗɗa pakə,


An əmpəs nan agilke, wamndan aka dəlvafuŋ a gəlani, pay nan na, an arəm naɗɗa pak wazə.


Yawe dədawdawgən təl dəfa, vasna mbarmbar ɗəf adawsən tive nan di?


Wanəzga' sən ənziya egge aka mambray nani, aka mambray net məsdarawɗe. Wanəziwgin əɓaygən kiya net məzuzelenən ɗəfa wanəmtan ənnek net məsdarawɗe.


Nok kənahək a mokrok na: wanəpeŋ hã a disiŋ, aket ngərzleɗ na Maŋgəlva, wanəmpa mazaŋga na məlĩ nawa wanəsaw aka mossorgo metiŋ a təki nakkal net meŋgilveɗi, addəv kpukpum na disiŋ.


Vi pay tay Yawe Məzuɓappak adawɓegin məɓaygən kiyzən gəm məzula zəni. Wasil sən məslan kiyən vi kawɓegəni.


Kakaŋ na nəsili, Yawe anahə, kakaŋ na nəziwi, kakaŋ na gagdak naw dərbə.


Azgetik meŋgilveɗ net akoffo, vi meŋgilveɗ net Maŋgəlvaŋ ɓa, wəza na ɗəfəŋ kaka'ə, məzeɓit dit wəleŋɗe gəm girmeŋgeŋ. Azetinke.


Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.


Vaŋ Yawe Maŋgəlva məs dəzəməɗ disiŋ aweɗe, dəppar dəlvafuŋ dit zəgeɗ akani dəpsit əmpəs sit ɗiyi əmpəs sit məzədawaŋ akani.


Yawe nəsənəka, tive na ɗəf titir na avani ɓa ɗəf dədadawgən tələn va an dəslə aka tive ɓa.


Məzlər sən mbazla adan aɓaygənək kiyzən day ki Yawe. Mo'ab Dəkəɗəŋgəl aka əpar nani dəkkpaŋgən zəga nawmas akani.


Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.


Məkkelet məsənaŋ wən na bəle, Məslin aka Babilon. Dəmpanən dibirgidik net kiyən tərwəslə adappaŋ sənən təki nadder dirɓe ɓa! Məgəɗ sən va aza wəza nani, Məgəɗ sən va agəɗə! Vi akkesik hara Yawe ana Salala na Israyel.


Kəkaɓək ammba lelew noko, kəraygənək maɗɗula nok vi gagdak noko. Nəslaŋgukuk afuŋ abet milyeŋge, nəppok na dulukungəni.


«Wətən ɗəfa, anah sən daya na Tir na: Vaŋ Daya Yawe anahə: Adan əkaɓ ade a mokroko, yaŋ kəmna: maŋgəlva nani, a təki nassa net meŋgilveɗ nani, addekit peheɗi. Dəka ɗəf kənani maŋgəlva kənan ɓa, yaŋ kəɗi zuk va meŋgilveɗi!


Də maɗɗula nok diyɗa gəm də wəman vok kuwan arya noko. Kəkaɓ vasna, aka hara arya noki yi.


Vini yi, Daya Yawe anah vaŋka: Vi aɓayək ləkləkə, metteɓeren asan daykiyit wəleŋɗe gəm adawkaɓ vi əɓay nani,


An akak vanday vani, məlĩ van waɓaygən kizəni, də abay məzəlpaŋ diyɗaŋ pakə, ya askə na wəla ɓa.


Təɓayək gap aza Daya Məzuɓappak na disiŋ, tətakək əzaɓ-Maŋgəlva an nawdə sən ɗayɗayə gəm təɓzluwək gəlamatuya nani.


Yaŋ ɗoŋgoy ɗoŋgoyu, əssa nan tay sarra ɓa, ɗəf təstəs də ətaf nan wasan madarani.


Wəray na va ɗəf tay aza wəza nan va kəɓəs na man tay aka zəga ɓa, vi ndəni dədapsən zeŋgile də əmpəs sən ɗəf pak gəm zəgeɗ pakə.


Ya dəwəlsən əzəm slu na əzaɓ-maŋgəlva sit zəgeɗkamaŋgəlva na, məsənka zəgakamaŋgəlva tay təttaka aka dələv ɓa, Maŋgəlva tay maɓɓan abbər ki təttaka kaka' ɓa.


Adawsan malakan addəv ətaf ɓa, kuzuŋ wagagdakan zəni, asna wabət addəv ətawwən va na Satan.


Zəga tay dəɗam ara Maŋgəlva ɓa. Zəga pak appakayi ama harani. Səni mənam pak mədaŋɗan an məgəɗə.


Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.


Pay mbərən na, milyeŋge net mə Filistiɗe akkalaŋgək kawzaɓ-Maŋgəlva gədak sən Dagon maŋgəlva neti gəm kanneken ziti. Yaŋ adawnahaŋ na: «maŋgəlva nam apsəmək masam Samson ammba vamə.»


Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»


Də tive vaski nəbey ɓooliɗ də zəga darawən adawyaŋ Ursə. Ya vaski nədawgəɗ sən mə Filisti, ganyãska, adan aret məzəlpaŋ na Maŋgəlva madaranəŋka.


Lean sinn:

Sanasan


Sanasan