Daniyel 5:2 - Bible en Guidar

² Aka adawsaŋgə, Belsazar aɗiyək wən nan dəkisiningən hiliŋgiɗ na meleŋge gəm na təbəz babar məs Nabukodonozor afən andə səddəv gəla na Maŋgəlva na Yerusalem vi dəsaŋgən mbazla dənɗaŋgə. Sən məlĩ vani, məɗɗaŋ wəza nani, gəreŋgiɗin gəm gil məɗɗaŋ wəza nani.

Daniyel 5:2 Iomraidhean Croise

2Samiyel 9:7

Davit aɓsən na: «Kəgeslne' ɓa, maw aka wəgəɗ suk moggon ammba wən na afuk Yonatan. Wanəmndeget suk gulyeŋge na dəhuk Sawlu pakə, is sən kiyuk anawda kədawzəm ɗayɗayə.»

2Milyeŋge 24:13

Va Yawe anahə, akkporuk wəzaɓ naddəv Gəla na Yawe, də an naddəv gəla na məlĩ pakə; akrepik zəgeɗ na meleŋge, en Salomoŋ, məlĩ na Israyel, agəɗ addəv Gəla na Yawe pakə.

2Milyeŋge 25:15

Daya net məzugaŋ nak andek zəgeɗ na meleŋge may na təbəz babara: masərgeɗ dit hiŋgiɗ naksu' zəga dənɗaŋ.

2Alabaraɗe Də Mabərkiziti 11:20

Səbbərət na, agəmtək Ma'aka wətən Absalom, tuwe sən may Abiya, Attay, Ziza gəm Selomit.

2Alabaraɗe Də Mabərkiziti 15:16

Ya nat Ma'aka ma Asa na, Məlĩ aggbuktək səka Iya na ma-gagdaka, vi təmpək zəga net wil ka Astera, yaŋ Asa abəl zəga net wil naka, aŋzlan gəm azla a lolohõ na Kedron.

2Alabaraɗe Də Mabərkiziti 36:10

Də manzi na, məlĩ Nabukodonozor ɗiy ammban slən kawkiyəŋ a Babilon dit zəgeɗ na sləma naddəv gəla na Yawe, aɗi Sedekiya məlmən ka məlĩ aka Yuda gəm Yerusalem.

2Alabaraɗe Də Mabərkiziti 36:18

Zəgeɗ naddəv gəla na Maŋgəlva baymeti, gugriɗ dit memeɗeŋɗe, may əzaɓ naddəv gəla na Yawe, əzaɓ nana məlĩ da, də an nanet ɗiy naban bayman pak akak a Babilon.

Ezra 5:14

Mbəksa asna, zəgeɗ naddəv Gəla na Maŋgəlva, en na meleŋge, na təbəz babara, məs Nabukodonozor andə səddəv Gəla na Maŋgəlva na Yerusalem, vi kawkiyit addəv gəla na maŋgəlva na Babilon, məlĩ Sirus andek səddəv gəla na maŋgəlva na Babilon, apsin ɗəf adawyaŋ na, Sesbasar məs aɗi ka guverner na Yuda.

Yeremiya 27:7

Ɗiy naka dələv pak wagəɗ sənən wəza, sən wətəni, sən wəten wəteni hã gap pay dəlveŋge diyɗa gəm milyeŋge gugriɗe adakkpaŋganən ka məgəɗ wəza neti.

Yeremiya 50:35

Masalam aket mə Kaldiyeɗi, Yawe aɗiymani! Gəm aket ɗiy na Babilon, aket ɗiy gugriɗ nan gəm aket məsmaɗɗulet nani

Yeremiya 52:19

Daya net məzugaŋ nak andek məzaŋzaŋɗe, masərgeɗ dit hiŋgiɗ naksu' zəga dənɗaŋ, ngefleŋ, zəgeɗ nawɗi lalam aketi, maɗiyeɗi, margeɗi zəgeɗ dəssoŋ na meleŋge may na təbəz babara pak daya net məzugaŋ nak andeke.

Daniyel 1:2

Yawe appanək Yoyakim məlĩ na Yuda ammba vani gəm andək zəgeɗ naddəv gəla na Maŋgəlva; akek aka dələv na Sine'ar addəv gəla net meŋgilveɗ nani, akek zəgeɗ vet addəv gəla nawɗi zəgeɗ na sləma net meŋgilveɗ nani.

Daniyel 5:11

Ɗəf tay aka dələv noko məs Zeŋgile salala na Maŋgəlva akani. Aka pay na afuk na, ɗəf van arbək na tay də wəsən moggon akani, də wəsən nawkoson gabba wəna, də maɗɗula akan va net meŋgilveɗi. Yas afuk, məlĩ Nabukodonozor, aɗi daya aket məskaŋ heligi, məɗɗaŋ tetele, mə Kaldiyeɗi, gem məkosonən wən net ŋgərzleɗi.

Daniyel 5:13

Məkani Daniyel aba məlyã, məlĩ apel sən Daniyel aɓsən na: Istə Daniyel səmmbet ɗiy məsimgit sə Yuda məs məlĩ afu aki sə Yudaŋ sa?

Daniyel 5:18

Məlyã, Maŋgəlva Məsəɗəɗə dəpsən məlyã, mẽmẽtiŋge, gagdaka gəm əwiɗ sən Nabukodonozor afuko.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 5:3

Yaŋ məki hiliŋgiɗ na meleŋge məndet səddəv gəla na Maŋgəlva sə Yerusalem neki, məlĩ vani, məɗɗaŋ wəza nani, gəreŋgiɗin gəm gil məɗɗaŋ wəza nan asaŋgək mbazla dənɗaŋ.

Daniyel 5:30

Addəv dəfɗəska'e, məbay Belsazar məlĩ na Babilon.

Daniyel 5:4

Asaŋgək mbazla yas agagdeketin meŋgilveɗ məɗɗet də meleŋge, də təbəz babara, də təbəz pepreŋge, na təbəz titire, na wəlaŋga gəm na gərma.

Əŋɗa 7:79

Əvəl nan na, də hĩlĩw na way na təbəz babara, gagdak nan ammba kilo taka də mani, ŋgefleŋ na təbəz babara, gagdak nan day ki wəɗak na kilo, məslan də kilo naddəv gəla salala, sulegit pak məknəhit də gəpa kukuɗ məllaɓən də mẽl ka əvəl an də zəga nawzəma;