Daniyel 4:7 - Bible en Guidar

⁷ Aka nəsaw aka zəga nafno nawa, an nəwəl addəv əssine naw yaŋka: wəlaŋga məɓayən diyɗa məmpan addak dəlva.

Daniyel 4:7 Iomraidhean Croise

Va'Atəŋ 41:24

Məkufit kəfyuwa kefyuwa nek assetinik en ki hay buhul moggon naka! Nənah sitik məs sesergeɗe, ya ɗəf tay dəboton su səret ɓa.»

Va'Atəŋ 41:8

Təki addaŋ na, ki Farawən azlaɓka, aslən əye məs sesergeɗe də wən neti dit məsmaɗɗulet na Eziptə pakə. Farawən aboton sit wissine nani, ɗəf tay dəɓap ənah sən Farawən ɓa.

Gəlyaɗe 37:35

Nəwələk məsdaraw əsər met ɗiyi, aɗiyək zən va wəlaŋga metiŋgin dəndufu.

Isaya 44:25

Nəraygənək ula net məskaŋ heligi, Nəkkpaŋganək əɗɗum net məskaŋ helig dərwa, Nəmndegetik məsmaɗɗulet dirɓe, nəkkpaŋganək əsən net dərwa.

Ezekiyel 31:3

Asiri aslək də wəlaŋga ɓəɓəl na Liban gaslamban moggoni wəlaŋga məgəɗ zeŋgile titiktitiki, əɓay nan ləkləkə dadwar kiyən tay daykiyit wəleŋɗe.

Daniyel 1:4

Gewleɗ məza heslepe azet ɓa, lelewɗe ama hara ɗəfa, məs əsən aketi, məs maɗɗula, dəsənaŋ gabba zəga gəm maɗɗula nawɗakan əsəna, məs də mbel zit naɗɗa wəza aba məlyã, kawyagan sit əvere gəm ma net mə Kaldiyeɗi.

Daniyel 2:10

Mə Kaldiyeɗ azlan sənənək məlyã, aɓɗaŋ na: «Ɗəf tay təttaka aka dələv nawɓap əɗɗa an məlĩ assohuŋ ɓa! Vi məlĩ tay təttaka, də asan daya gəm də gagdak na, dəttok ɗah zev wən vas a met məskan heligi, məɗɗaŋ tetele awaniɓa a met mə Kaldiyeɗ ɓa ɓa.

Daniyel 2:27

Daniyel azlansənək məlyã, amna: Wən məɗamən kəttokəŋ na məlyã, məskaŋ heligi, məɗɗaŋ tetele, məɗɗaŋ sekene gəm mə Kaldiyeɗ aɓapən na kawboton suk ɓa məlyã.

Daniyel 2:7

Azlanənək masula'əŋ əmpa, aɓɗaŋ na: «Məlĩ dənah əssine nan sit məɗɗaŋ wəza nani, waməboton suk va aŋgəl kawnahã.»

Daniyel 3:8

Aka as ləŋgə, ɗiy na Babilon azzoŋ əzəm kiyit mə Yudeɗi.

Daniyel 4:18

məs van moggoni, uwa akan zlomsok zlomsoku, məs əzəm na zəga pak asan akani, məs zəgeɗ memeyẽɗ nawra adakkalaŋ ammba zəŋgileni, məs biŋgeɗ azaɓaŋ gəla aka kivanəŋka:

Daniyel 5:7

Məlĩ aŋgəzlək vaŋvəl dayadaya vi kawye məɗɗaŋ tetele, mə Kaldiyeɗi, gəm məkosonən wən net ŋgərzleɗi. Məlĩ anah sitik məsmaɗɗulet na Babilon na: «Ɗəf an dəɓap wəŋɗan an məverniŋka, an aboton suwək gabbani, wagul lukut məhəmən pepreŋge, warah everzleɗ na meleŋge awlani, wasan mohoko'o də gagdak addəv əzəm məlyã.»

Daniyel 5:8

Məsmaɗɗulet na məlĩ pak atoŋgoŋko, ya dəɓapən wəŋɗan an məverin vi kawnah sən məlĩ an aŋgəl wənah ɓa.