Daniyel 4:34 - Bible en Guidar

³⁴ Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 4:34 Iomraidhean Croise

2Samiyel 22:31

Tive na Maŋgəlva təstəs-gərakə, əpel na Yawe arbək ta'ə, baray net məɗamaŋ azani yi pakə.

1Alabaraɗe Də Mabərkiziti 29:10

Davit agagdakanək Yawe daret ɗiy məkkeltiŋ pakə, amna: «Gagdak azoko, Yawe Maŋgəlva na Israyel, afəm an lahəŋka hã faɗə.

1Alabaraɗe Də Mabərkiziti 29:13

Ya kakaŋ na, Maŋgəlva namə, mənam tat əgagdakoko, mənam tat əɗi ki iya na əkekeɓe'e noko;

Ɗerewel na Yob 1:21

amna: «Zu mekeleŋ nəgil səddəvət mawa, zu mekeleŋ nədamndawa. Yawe dəvələ, Yawe dəgəma: Zazay aza Yawe!»

Gəlyaɗe 10:16

Yawe yi məlĩ hã sləɗ faɗə; ɗiy-ɗar wazaŋ səka dələv nani.

Gəlyaɗe 102:24

Addakanək gbogboŋ naw səka tive; aduduɗukonək pay nawa.

Gəlyaɗe 107:15

Dəɗinən ki Yawe vi moggon nani, viyit sekeneɗ nan ammba ɗəf titire;

Gəlyaɗe 107:22

Dəzaɓaŋ-Maŋgəlva nawɗikiya, gəm dərbetin wəzeɗe nan də wəɗɗəla nanneke.

Gəlyaɗe 107:31

Dəɗinən ki Yawe vi moggon nani, viyit sekeneɗ nan ammba ɗəf titire.

Gəlyaɗe 107:8

Dəɗinən ki Yawe vi moggon nani, viyit sekeneɗ nan ammba ɗəf titire!

Gəlyaɗe 111:7

Wəzaɗe na van na, gesiŋ də təstəsəŋgə, wəsəɓɗe nan seseləŋgə,

Gəlyaɗe 121:1

Gəlya nawpeŋ ədda əkkam a Yerusalem. In tat əslan haraw kəlaket mossorgoɗe gugriɗe: Səŋga əbbah naw adazzan di?

Gəlyaɗe 123:1

Gəlya nawpeŋ ədda əkkam a Yerusalem. Nəslanək haraw kəlazoko, is məs kəsok a disiŋ:

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Gəlyaɗe 146:10

Yawe wazəm məlĩ hã faɗə. Maŋgəlva noki is Siyon aza va sayit ɗiy amə' pakə! Məɗi ki Yawe!

Gəlyaɗe 50:14

Afet aka Maŋgəlva a gəla əzaɓ-Maŋgəlva, gəm aɗɗa an mok aynə sən Məsəɗəɗə.

Gəlyaɗe 66:7

Də gurom nani yi, azəm məlĩ hã faɗə, haran tay əteɗ ɗiy-ɗar pakə; məɓoŋgit adawsilyoŋ akan ɓa! Əziwe

Gəlyaɗe 7:17

Tatwãh nan wakkpaŋ akani, daraw nan wamndan aka bəbər kini.

Gəlyaɗe 9:2

Wanəɗi ki Yawe də makraw taka, wanəpel sekeneɗ nok pakə.

Gəlyaɗe 92:1

Gəlyanalva, gəlya na pay naffete.

Isaya 13:11

Wanəzga' sən ənziya egge aka mambray nani, aka mambray net məsdarawɗe. Wanəziwgin əɓaygən kiya net məzuzelenən ɗəfa wanəmtan ənnek net məsdarawɗe.

Isaya 2:11

Ɗəf məs awla ɗəf azan va ɗəf ɓa waɓegin harani, məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 24:15

Vini adawgagdakanən Daya ammba pay nampum. Aket mətuwəraɗe na pehe, tahəŋ əya iya na Daya Maŋgəlva na Israyel.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Əɓuhma 3:38

Səma Məsəɗəɗə tatwãh də nenek adawgilyen ɓa sa?

Daniyel 12:7

Nəprəmək ɗəf dəgul lukut na ngərayã məs ziwwe aket iŋkile na məlpa metiŋ naka, atələk van sulagən pak a disiŋ, aswayək də an dəsan madaran faɗə: «Wəzva hoku dəman watoŋgu, pay gbogboŋ net ɗiy naw salala adagrak tutu' na, zəgeɗis pak wabayən meti.»

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 4:2

Aka nəsaw ɗuffo aka zəga nafna nawa, nəssinke, ya azlahgənək makrawa, əssine naw van atapawka.

Daniyel 4:26

Aka əgrak na təla makəlaw kiyən sula, gala asan balbal aka gəla na məlĩ nan a Babilon na,

Daniyel 4:3

Nəɗiyək wən nan kawki məsmaɗɗulet naka dələv na Babilon pak abawa, vi dəboton suwəngən gabba əssine nawa.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 5:18

Məlyã, Maŋgəlva Məsəɗəɗə dəpsən məlyã, mẽmẽtiŋge, gagdaka gəm əwiɗ sən Nabukodonozor afuko.

Daniyel 5:21

Mərɓahni faraɗa sə weleŋgit ɗiyi, makran kpaŋ va net zəgeɗ nawra. Ataɗək dit Korɗe nawra, azəmək kevile va net wasliɗe, minɗe aziyaŋgək akani, hã gap ataf na Maŋgəlva Məsəɗəɗə yi daya aka məlĩ net ɗiyi, tay əɗi ɗəf an aŋgəl pak aka məlyã.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Daniyel 9:14

Yawe appan tatwãh ade akamə, vi Yawe Maŋgəlva nam təstəsi addəv an adaɗɗa pakə, ya nam məprəm man ɓa.

Yonas 1:14

Yas, aɓuhunək met sən Yawe anahaŋ na: «Kamə Yawe, kamə kədaplam əmta vi ɗəfəŋ gəm əmndeget mbel na ɗəf məs dəgəɗ səm zəga ɓaŋ akam ɓa. Vi is Yawe tə, kədaɗɗa va kəŋgələ.»

Mika 4:7

Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.

Luka 1:33

Wazəm məlĩ aka gəla na Yakob hã faɗə, əzəm məlĩ nan agrak na ɓa.

Luka 18:13

Məkkal nzalaka aziwik faraɗa, dəɗɗum naw slan haran a disiŋ ɓa, ya tay ərga makrani, amna: Aw Maŋgəlva awəl sahã akawa, in məs mambraya.

Yohanna 5:26

Va Afən asan suwer zeŋgile, vaski yi'e apsən Wətən dəsangən suwer zeŋgile.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

Hənhən 10:6

yaŋ asway də iya na Maŋgəlva məs madaran hã faɗə, məs dəzəməɗ disiŋ də zəga naddəvən pakə, dəzəməɗ dəlvafuŋ də zəga naddəvən pakə, məs dəzəməɗ pehe də zəga naddəvən pakə. Yaŋ amna: Pay tay dəmbər əmpa ɓa.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 4:10

Ɗiy məsɓet kaklaw sula kiyit poɗo nek əppu'oŋ aba ɗəf məs dəsan aka mazaŋga na məlĩ naka, tahəŋ əgagdakanən ɗəf məs dəsan madaran hã faɗ naka. Tahəŋ əzganən mətərkiya net aba mazaŋga na məlĩ nak də ənah na:

Hənhən 4:9

Va zəgeɗ memeyẽɗ nek adawgagdakanəni, adawətibirenəni gəm əɗɗaŋ sənən əsoko sən ɗəf dəsan aka mazaŋga na məlĩ naka, sən məs dəsan madaran hã faɗə.