Daniyel 4:14 - Bible en Guidar

¹⁴ Aski əpel maslay aziwgini, ya əpel van səmet ɗiy en salala ade vi ɗiy dəsənəngən na Məsəɗəɗə, ndəni məlĩ aka məlĩ net ɗiyi, tay əɗi ɗəf məs aŋgələ aka məlyã, dəsan ɗəf məgəsən nammbet ɗiy zlaŋgə.

Daniyel 4:14 Iomraidhean Croise

Ɗerewel na Yob 24:20

Gəlet kirin məs asan addəvən nak azgətək kini, tava wazəma kawsənni gəlan ɓa, vas mambray adaɓzla va wəlaŋga.

Yeremiya 27:5

Intə nəzəməɗ dəlvafuŋ, ɗəf titire gəm zəga mamayã naka dəlvafuŋ də əɓap naw metiŋgini gəm də vaw paparra, yaŋ nədepsin ɗəf an nəŋgələ.

Yeremiya 51:6

Mənzoŋ sə Babilon, məkõhgən kiykum! Kədawzaŋ aka heslepe nan ɓa. Vi pay an Yawe adampəlkiya iyi; tay əmndagan sən an dəslə səni.

Yeremiya 51:9

Məmbeɗik Babilon, ya dəmbəl ɓa. Məzar səzani, ɗəf pak dəlgən aka dələv nani. Vi wən mətaw akan agapək hã disiŋ asilik hã gap aza slaybuwna.

Ezekiyel 31:10

Vini yi, Daya Yawe anah vaŋka: Vi aɓayək ləkləkə, metteɓeren asan daykiyit wəleŋɗe gəm adawkaɓ vi əɓay nani,

Daniyel 2:21

Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 3:4

Məzutəl ma aŋgəzlək vaŋvəl dayadaya: «Vanday net ɗiyi, dəlveŋge gəm ma temtemi, aŋki məɗi sukum wən nani!

Daniyel 4:12

Ya məppan gbuŋgburun də siwerin afuŋ, mətəwəɗ ngiyamɗe na təbəz titire gəm na təbəz pepreŋ akani, məppan a kevile awra! Minɗe dəziyaŋgən akani, dəzəmgən kevile nafuŋ va zəgeɗ memeyẽɗi.

Daniyel 4:23

Ya mənahi na məppan gbuŋgburun də siwer wəlaŋga van afuŋgu: Wakəmsak əgəm məlĩ noko an kəsənək na Maŋgəlva na disiŋgi Daya.

Daniyel 4:29

Karɓuhki sə weleŋgit ɗiyi; wakəsok sap dit zəgeɗ memeyẽɗ nawra; wakəzəm kevile va net wasliɗe; wakəgəɗ əzva buhul, hã gap an kəsənək na Maŋgəlva Məsəɗəɗə na, ndəni daya aka məlĩ net ɗiy pakə, tay əɗi ɗəf məs aŋgəl aka məlyã.»

Daniyel 5:20

Səza aɓaygən kiynə, aɓɓəlan kiyən hã ndən əkaɓa, məzgani səka mazaŋga na məlĩ nani, məggbukni gagdak nani.

Daniyel 5:21

Mərɓahni faraɗa sə weleŋgit ɗiyi, makran kpaŋ va net zəgeɗ nawra. Ataɗək dit Korɗe nawra, azəmək kevile va net wasliɗe, minɗe aziyaŋgək akani, hã gap ataf na Maŋgəlva Məsəɗəɗə yi daya aka məlĩ net ɗiyi, tay əɗi ɗəf an aŋgəl pak aka məlyã.

Matiye 3:10

Məɗiyni ma zlimbe aket suwerit wəleŋɗe səkay, wəlaŋga məs awa moggon ɓa pak kawbəlni, kawsapən aka offo.

Matiye 7:19

Wəlaŋga an awa kirtin mogget ɓa pak, kawbəlni, kazgani aka offo.

Luka 3:9

Məɗiyni ma zlimbe aket suwerit wəleŋɗe səkay, wəlaŋga məs awa moggon ɓa pak kawbəlni, kawsapən aka offo.

Hənhən 10:3

Yaŋ aŋgəsl vaŋvəl dayadaya va ɓoolu dawbay gagay. Səza aŋzla vaŋvəla, wəhãy na buwən buhul azləndəmək diyɗa.

Hənhən 18:2

Aŋgəslək vaŋvəl dayadaya na: Aɓəslka, aɓəslka, Babilon walaŋgəla-metiŋ naka. Akkpaŋgək təki nassa net tuyeŋɗe, təki nassa net əmpəsɗe mbəreyti, təki nassa net biŋgeɗ mbəreyit dit en nawmə' pakə.