Daniyel 4:13 - Bible en Guidar

¹³ Makran waddəɗə, asan na va na ɗəf ɓa, kapsəni makra na zəga mamayã wasan əzva buhul awra.

Daniyel 4:13 Iomraidhean Croise

Ɗerewel na Yob 12:24

Ndəni məraygən makret milyeŋge səka vanday naka dəlva gəm məzəbbelet a muyã məza aka tive ɓa.

Gəlyaɗe 103:20

Məsokon Yawe, mənokum maslayɗe nani, gbogboŋɗe muwelit naka wəza nawpel nani, məzəprəmən əpel nani.

Gəlyaɗe 89:7

Naway a disiŋ nawslan də Yawe di? Naway dəgil səɗek səret meŋgilveɗ va Yawe di?

Daniyel 4:10

Aka nəsaw ɗuffo aka zəga nafna əɗɗumon an nuwələ, nulak Maslay na Maŋgəlva, məsla zən dawpirken sə disiŋ.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:23

Ya mənahi na məppan gbuŋgburun də siwer wəlaŋga van afuŋgu: Wakəmsak əgəm məlĩ noko an kəsənək na Maŋgəlva na disiŋgi Daya.

Daniyel 4:5

Dərɓedərɓe faɗ na, Daniyel məs adawyaŋ na Beltasar va iya na maŋgəlva nawa, dətoŋ azawa; əmpəs na Maŋgəlva tay dəndəni, nənah sən əssine vani.

Daniyel 7:1

Wəzva maddaabəŋ na Belsazar asan aka məlĩ a Babilon, gala Daniyel asan ɗuffo aka zəga nawvoŋ nani, assinke, awələk zəga, yas aver essine vani. Ətəŋ nan yaŋka.

Daniyel 7:17

Anahək na: «Zəgeɗ memeyẽɗ gugriɗ poɗoŋ na: Milyeŋge poɗo wasilyoŋ səka dəlvafuŋ;

Daniyel 7:23

Anah suwək na: Zəga mamayã mopoɗo'ən na, məlĩ naka dəlvafuŋ mopoɗo'oyi, wasan temme səzet milyeŋge mbirit pakə, nan wazəm dələv pakə, wandapani gəm wasər kuɗkuɗu.

Daniyel 8:13

Nəprəmək maslay əpele, maslay mbərən attokonək ma an məzupel na: «Pay ŋgbəŋgbar zəgeɗ məs kəwəl addəv əssine aka wən nawzaɓ-Maŋgəlva ɗayɗayə, kiɓəɓəl məraygən təkiya, gəlamatuya məraygəni gəm məzəlpaŋ na disiŋ adassoŋ məndepet adaɗɗan di?»

Zakarya 14:5

Wakənzoŋ də walaŋ net mossorgoɗe gugriɗ nawa, vi walaŋ net mossorgoɗe gugriɗ van wagap a Asal. Wakənzoŋ va kənzoŋ aba wəkker na dəlvafuŋ aka pay na Oziyas, məlĩ na Yuda. Sissiŋ Yawe Maŋgəlva naw wade, sap dit maslayɗe nani.

Matiye 25:31

Pay Wətən Ɗəf adazzan də gagdak nan dit maslayɗe nan baymet ammbani, pay nani, wasan aka mazaŋga na məlĩ na gagdak nani.

Markus 1:24

Tay ənah na: Mi aka walaŋgəm də is di Yesu mə Nazaret? Kəde na vi kawzam sa? Nəsənək nawa kənandi: Salala na Maŋgəlva.

Luka 4:34

Aw! Yesu mə Nazaret miyi nok də mənam di? Vi kawzam kəde sa? Nəsənkuko, istə: Salala na Maŋgəlva.

Əmsak aka Mahenziŋ 33:2

Amna: Yawe adek sə Sinay, «va pay səkəla Se'ir, hã səka gərəm na Paran, akekeɓe' ɗiy nani; Adek azet dit maslayɗe diyɗa. Armak mahenziŋ də van dəzəŋ va offo kerkeri.

Zuda 1:14

Enok dəhən Adamu məkuturkutur mabuhulon agəɗək kəleŋ aket dawnəh na: Yaŋ na Daya adek dit maslayɗe salala nan gabal kaklawɗe,

Hənhən 14:10

nan pak wasə mbazla na ədagədəv na Maŋgəlva, məs məslahani ɓa, məmbaɗən addəvət huloŋguk na ədagədəva, wazəm sãhã addəv offo gəm addəv busuk abet maslayɗe en salala də abat Ndargayãk na Maŋgəlva.