Daniyel 4:1 - Bible en Guidar

¹ In Nabukodonozor, in tat də maɗɗulaw eŋgil anawda, zu paparpapar addəv gəla na məlyã.

Daniyel 4:1 Iomraidhean Croise

1Alabaraɗe Də Mabərkiziti 12:18

Davit vit abeti, apel siti, amna: «An də zazay kəzzoŋ əbbah suwəni, makraw wasan taka də munokum. Ya an vi kawmbəɗaw sit məzuzelɗe nawi yi, adan tay an nəgəɗ mbərayən ɓa, kəta Maŋgəlva net efiŋgiɗu dula, kəta dətaw wən nani!»

Ezra 4:17

Məlĩ aslən əzlan sit na: «Maslay Rehum, məzuver, Simsay, gəm sit geleŋgiɗit meɓɓet na Samari, də madambərgən təki na dəggar ki Efratə. Zazay akokum, kakaŋka, gəm dəgil va ndən.

Ezra 5:7

Aslənaŋ sənənək alabara məverin na: «Zazay sən məlĩ Dariyus dəwənnani!

Ester 3:12

Yaŋ Məye məzuvereŋ na məlĩ aka təla maddaabəŋ də əvoŋ kəlaw kiyən hoku nani. Yaŋ məverin səɗek va an məs Haman aɗi wən nan sit daya na bərzləŋ na kivadələv na məlyã may deyeɗe na kivadələv temtemi, gəm sit deyeɗe net ɗiy pakə. Sən kivadələv pak də zev əver nani, sən mahəlfa pak də ma nani. Məverin də iya na məlĩ Ahasuwerus, mərga ndama na məlĩ van akani.

Ester 8:9

Dəpaska'e məye məzuvereŋ na məlĩ aka təla mohoko'ən, təla na Siwan əvoŋ nan kaklaw sula kiyən hoku. Məverni pak va Mardokay aɗi wən nan sit mə Yudeɗi gəm sit deyeɗe na bərzləŋ na kivadəlva, sit deyeɗe na kivadəlva deyeɗe naka kivadəlva səkat də kaklaw sula kiyit buhuliŋki təŋ sə Indiya hã gap a Etiyopi. Kivadələv pak va aza əver nani, ɗiy pak va aza ma neti, gəm mə Yudeɗi va əver neti gəm va aza ma neti.

Daniyel 3:29

Ya kakaŋ na nəɗiyək wən nani, vanday awandi pakə, dələv awandi awaniɓa məpel ma maɓɓani, an apelik mbərayən aka Maŋgəlva net may Sadrak, Mesak gəm Abed-Nego, kawbəlani, ya gəla nan tamə kaɓzluni, vi maŋgəlva tay mbərən nawkõhgən ɓa.

Daniyel 3:4

Məzutəl ma aŋgəzlək vaŋvəl dayadaya: «Vanday net ɗiyi, dəlveŋge gəm ma temtemi, aŋki məɗi sukum wən nani!

Daniyel 6:25

Məlĩ aɗiyək wən nani, dərmeningin ɗiy məs dəzəmən ki Daniyel, məzget sap dit kirtit gəm gil net addəv vov net Ɓooliɗi. Əgap net a vovu, Ɓooliɗ aveŋgeŋ aketi, aweslnin dit sleŋsleŋɗe neti.

Daniyel 6:27

Nəɗiyək wən nani, aŋga aka dələv pakə, ɗiy dəgeslne'eŋ də əkker sən Maŋgəlva na Daniyel. Vi ndəni Maŋgəlva madarani, tay hã faɗə. Məlĩ nan agrak na ɓa, gagdak nan wasan hã faɗə.

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Zakarya 8:23

An Yawe Məzuɓappak anah yaŋka: Addəv pay nan na, ɗiy kəlaw naddəvit maɗe en ɗiy adawpeleŋ aket dəlveŋge warmanən gabba lukut na mə Yuda, dawnəh na: «Mam aka wəmbat də mənokum, vi məprəmək na: Maŋgəlva tay də mənokum.»

Wəza net Masləŋɗe 2:6

Adan gogoyo vanəs agəɗə, ɗiy diyɗa akkalaŋka. Agəɗ sitik gərəŋgə, vi naway pak tay əprəmit əpel də ma nani.

Roma 1:7

In tat əver sukum mənokum ɗiy na Rom məs Maŋgəlva aŋgəl pakə, məs ayə kəssoŋgən salala; mbəlembəle gəm zazay na afəm Maŋgəlva gəm səza Daya Yesu Kristu dəsan akokum.

Efesus 1:2

Mbəlembəle gəm zazay na Maŋgəlva Afəmə gəm na Daya nam Yesu Kristu dəsan də mənokum.

1Timote 1:2

Sən Timote wətu məs də gegesiŋ addəv ətafa. Mbəlembəle, ulasahã gəm zazay səza Maŋgəlva Afən də Daya nam Yesu Kristu dəsan akoko.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.