Daniyel 3:27 - Bible en Guidar

²⁷ Ɗiy na sləma, deyeɗe na bərzləŋna-kivadəlva, deyeɗe na kivadəlva gəm məzusəɓaŋ sənən məlyã, akkalaŋka. Asəŋgletin ɗiy veti: offo dərəŋgən gəɓa zit ɓa; muhur kiyit dəzlə ɓa; lukut nazet tay va lahəŋka, miŋginit enene tay azet ɓa.

Daniyel 3:27 Iomraidhean Croise

1Milyeŋge 13:28

ndən teki; arəh kigəbayən firikke aka tive, koro də ɓoolu tahəŋ ziwziw a maŋgavani. Ɓoolu dəmpər kigəbayən ɓa, dəbay koro ɓa.

2Milyeŋge 19:19

Ya kakaŋ na, Yawe Maŋgəlva namə, akõhgəm səvani kamə, kiyva net milyeŋge naka dələv pak wasunkun na, istə Yawe Maŋgəlva kaka'ə.»

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Isaya 26:11

Yawe, vok tay tiliwwe aka ərga, ya awlanən ɓa. Wil wadenin dawla əŋgla nok kiyuk boŋ viyit ɗiy noko! Offo dətarne məseŋgiɗko!

Isaya 43:2

An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Daniyel 3:21

Yaŋ məɓruk ɗiy nek də bergeme ammbeti, lukut məgbəŋtəŋgə, kulpupu neti, gəm lukutɗe neti, yas məzget addəv movoro offo naka.

Daniyel 6:23

Maŋgəlva naw aslənək maslay nani, amsanək met Ɓooliɗi, dəɗɗaŋ suwən zəga ɓa, vi naw də mazlibezlibe na maw nani, gəm abok is məlĩ dayday na, mbərayən tay nəgəɗ ɓa.»

Daniyel 6:7

Deyeɗe gəm guvernerɗe nek addoŋ də kakara aza məlyã, anahaŋ sənən na, «Məlĩ Dariyus! Asok hã faɗə!

Matiye 10:30

Nokum na, muhur kiykum dayday pak məŋɗani.

Wəza net Masləŋɗe 26:26

Vi məlĩ məs nədawpel aban məza geslne ɓa asənək wən net zəgeɗiski, zəga taka tay məs dəsən səmmbet zəgeɗis ɓa ɓa, nəsənək na tay ɓa, vi a təki haɗama agəɗ ɓa.

Wəza net Masləŋɗe 27:34

Vini nədasɓokum kəzəmaŋgəni, as van vi əkõh nokumi. Vi muhur ki ɗəf səmmbokum tay nawza təttaka ɓa.

Ibriɗe 11:34

Amtanənək offo gidigidi, akõhoŋguk səma masalam. Arəhaŋgək gbogboŋ sə dərɓaga əzga gbəgba'a, assoŋ guromɗe addəv əlpa, askanənək wəlet məzəlpaŋ net ɗiy-ɗarə.