Daniyel 3:25 - Bible en Guidar

²⁵ Yaŋ azlani, amna: In tat ula ɗiy poɗo əbbalaŋ addəv offo də meti, məza vaŋvi tay azet ɓa, ya mopoɗo'it tay va maslay.

Daniyel 3:25 Iomraidhean Croise

Ɗerewel na Yob 1:6

Pay mbərən, kirtin Maŋgəlva azzoŋ əziw aba Yawe yaŋ Satan tam ade əziw aweleŋti.

Ɗerewel na Yob 38:7

gala ŋgərzleɗ na bapummo asapaŋ əya gəlya sən ənneke, gəm maslayɗe na Maŋgəlva adarganən vet di?

Ɗerewel na Yob 5:19

Wakõhguk səddivit tatwãhɗe pay pakə. Əgrak nan na əray aruhuk na ɓa.

Gəlyaɗe 34:7

Məssahã ahəmka: Yawe aprəməka, akõhgənək səma wəzəmsahã nan pakə.

Wənməkkpaŋga 30:4

Nawãy dəpeŋ a disiŋ dəprik sədak di? Nawãy dəkkal ɗah səmyã a dagrakay van di? Nawãy dətər ɗah iŋkile addəv lukut nan di? Nawãy dəziwgit meŋge na dəlvafuŋ pakəŋ di? Mbari iya nan di? Iya na wətən mbari di? An kəsənka.

Isaya 43:2

An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Yeremiya 1:19

Wagayaŋ də isi, ya askanən na wəlok ɓa, vi in tat də is kawkõhguko Yawe aɗiymani.

Yeremiya 1:8

Kəgeslne sit ɓa, vi in tat də is kawkõhguko Yawe aɗiymani.

Yeremiya 15:21

Wanəporslokuk səmmba vet ɗiy mbəreyti, wanəpuluk səvet məs gagayɗe.

Daniyel 3:18

An dəkõhgəm ɓa, asəna məlyã, məgagdaket meŋgilveɗ nok ɓa, ya məppu' na aba zəgakamaŋgəlva na meleŋge məs kəziwginiŋ ɓa'a.»

Daniyel 3:24

Yaŋ məlĩ Nabukodonozor asan gərəŋgə, yas asil hosu. Apeli, aɓsit məzusəɓaŋ sənən na: «Namna Ɗiy hoku məɓruku, yas məzget addəv movoro offo ɓa sa?» Yas azlanən sənən məlĩ də wənah na: «Vaski, məlyã!»

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 6:23

Maŋgəlva naw aslənək maslay nani, amsanək met Ɓooliɗi, dəɗɗaŋ suwən zəga ɓa, vi naw də mazlibezlibe na maw nani, gəm abok is məlĩ dayday na, mbərayən tay nəgəɗ ɓa.»

Markus 16:18

warmaŋ dohõɗe də veti, an asaŋgək muffutu, sessel agəɗ sit na zəga ɓa, waɗiyən vet aket məmbər siti warəhən ziti.] [

Luka 1:35

Maslay azlani, aɓsət na: Zeŋgile Salala wade akoko, əɓap na Məsəɗəɗə wade əsərətuk də zeŋgile nani. Vi vaski wiyən məs kədawa wasan Salala, kawyani na Wətən Maŋgəlva.

Wəza net Masləŋɗe 28:5

Yaŋ Pol akso' dohõ nak aka offo. Dəttəman əssa ɓa.

Roma 1:4

məs mewelin də əɓap na Zeŋgile Salala ka Wət Maŋgəlva də əsilgin səret ɗiy mimtiti, ndəni Yesu Kristu Daya namə.

1Piyer 3:13

Naway nawgəɗ sukum mambray an kəppanənək ki zukum ammba əɗɗa moggon di?