Daniyel 2:9 - Bible en Guidar

⁹ An kənah suwən wəssine van ɓa, wən taka dədawgukum; ya yaŋ kədawtuvuron wən vi kawa tepelke abaw də wərka wən ɗarə, də wəɗɗum abe na wən nan waddəɗə. Vini kan na, mənah su əssine vani, naw wanəsən na wakəɓap əboton suwən gabbani.

Daniyel 2:9 Iomraidhean Croise

1Milyeŋge 22:22

Amna: “Wanəgil kpaŋ ka əmpəs na uwawən a met məskəleŋɗe nan pakgiti.” Yaŋ amna: “Wakəmbəɗani; agili, wakəɓap əɗɗani. Dok aɗɗa vaska.”

1Milyeŋge 22:6

Məlĩ na Israyel akkelet məskəleŋɗe waɗɗaŋ səkat poɗo, aɓsit na: «Nəmbat əgay də Ramot na Galad sa, awaniɓa nəbewi?» Aɓɗaŋ na: «Doko! Yawe wapsuk avoko məlyã.»

Ester 4:11

«Gewleɗ na məlĩ beymeti, may ɗiy temtem naka kivadələv na məlĩ asənnənək na, ɗəfa awaniɓa gulku məs nawtoŋ aza məlĩ a daŋgla məza iya məyan ɓa na, mahenziŋ nan takayi, əbayni. Kar ɗəf an məlĩ atəlsən zleŋge na meleŋge nani, nan kappani madarani. Ya naw əvoŋ kaklaw hoku yaŋka, məyuwi nadda aza məlĩ ɓa.»

Wənməkkpaŋga 12:19

Ɗəf na gegesiŋ wasan hã faɗə; na məwəwən na ənziya gba hara ɗəf pilim taka.

Isaya 41:23

Mərbet səm zəgeɗ nazzoŋ abe, aməsən na meŋgilveɗ kənanaŋgə. Məgəɗ moggoni awaniɓa zəga daryaw kaka'ə, Ka məsəŋgləkangən mulagən sapə.

Isaya 44:25

Nəraygənək ula net məskaŋ heligi, Nəkkpaŋganək əɗɗum net məskaŋ helig dərwa, Nəmndegetik məsmaɗɗulet dirɓe, nəkkpaŋganək əsən net dərwa.

Ezekiyel 13:17

Is wətən ɗəfa, aɗi horok aket kirin muguluŋgit net ɗiy nok məɗɗaŋ kəleŋ na kiyti; apel na kəleŋ aketi.

Ezekiyel 13:19

Mənokum ərnokowən abet ɗiy nawa. Ammba kawrəh hay vokum zloŋ gəm way pəɗaw mənokum əbey ɗiy naw en nawbayəŋ ɓa, əppetin en nappaŋ ɓa, uwaŋ wən sit ɗiy naw dəŋglaŋ əprəm uwa wəna.

Ezekiyel 13:6

Awlaŋgək hĩyãw ɗarə, helik nawawən ɗarə. Məzunahaŋ na: Yawe dəpeli, məza Yawe dəslin ɓa, tay əganən dəɗɗagən va əpel neti.

Daniyel 2:16

Daniyel ləŋ mbat aza məlyã, akkaman ka dəpsəngən pay siɗikke; vi dəbotonsəngən va əssine nani.

Daniyel 2:21

Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 2:8

Məlĩ amsakək əpele, amna: Nəsənək gegesiŋ na, mokum aka əzan paya, vi kulanənək na nəziwginik wən nan a makrawa.

Daniyel 3:15

Ya kakaŋ na məsla zukum, an kəprəmənək ɓaɓəlma Mohõ, Pozloro, Gaŋgara, Gəzləŋtədəŋ, Gozloro, Gazaŋvəla gəm na zev zəga nasmay pak na, kəɓe'eŋgən əppu' aba zəgakamaŋgəlva məs nəzaɓ kawgagdakani. An kəppu'oŋ ɓa na, kazgokumi kakaŋ kakaŋ addəv movoro offo zilim zilimi. Zev maŋgəlva awani nawkogukum səvaw di?»

Daniyel 5:28

Peres, Uɗaka: Məlĩ nok awɗakka, yas məpsit sit mə Medə gəm mə Persiyeɗe.

Daniyel 7:25

Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.