Daniyel 2:47 - Bible en Guidar

⁴⁷ Məlĩ azlan sən Daniyel də wənah na: «Gesiŋ, Maŋgəlva nokumi Maŋgəlva net meŋgilveɗi, daya aket milyeŋge gəm məzərban an dəsan məɗamən adan kəɓap əboton su wən məɗamnəŋka.»

Daniyel 2:47 Iomraidhean Croise

Va'Atəŋ 41:39

Farawən anah sən Yosef na: «Adan Maŋgəlva arban suk wən nan pakə, ɗəf tay də wəsən məs maɗɗulan va is ɓa?

2Milyeŋge 5:15

Ndən buryok aza ɗəf na Maŋgəlva nak dit ɗiy nan pakə. Ndən toŋ ziw abani, amna: «Kakaŋ nəsənək na, dələv gboŋ maŋgəlva tay abbər ki a Israyel ɓa. Ya kamə ataf əvəl na gawla nok yaŋka.»

Ɗerewel na Yob 12:19

Ndən məzəɗɗa ka məsdəlveŋge dəmbataŋgən tilit mapalay waɓzlu gagdak məziwgini.

Gəlyaɗe 136:2

Məɗi ki Maŋgəlva net meŋgilveɗi, vi moggon nan tay hã faɗə.

Gəlyaɗe 136:3

Məɗi ki Daya net deyeɗe, vi moggon nan tay hã faɗə.

Gəlyaɗe 72:11

Milyeŋge pak wappu'oŋ abani, ɗiy-ɗar beymet waɗɗaŋ sənən wəza.

Gəlyaɗe 82:1

Gəlyanalva na Asaf. Maŋgəlva aziwik addəv əkkal net ɗiy nan na disiŋ, tay ətawwən addekit meŋgilveɗ ənəh na:

Gəlyaɗe 96:4

Vi Yawe metiŋgi, nawgagdakani diyɗa, adahək nawgeslne' səni, adayək kiyit meŋgilveɗi pakə.

Ezekiyel 26:7

Vi vaŋki Daya Yawe anahə: In yakəŋ əki Nabukodonozor, məlĩ na Babilon sə kəla disiŋ aka Tir, məlĩ net milyeŋge; wade dit pilseŋge, mawteɗ nawgaya, məpeŋgeŋ pilseŋge, wəsap net məzəlpaŋ diyɗa.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 2:19

Yaŋ də dəfəɗ na, wən məɗamən nak arbək ama hara Daniyel addəv ula. Yaŋ Daniyel agagdakan Maŋgəlva na disiŋ.

Daniyel 2:22

Ndən məzərbet zəgeɗ kpukpumɗe dit en məɗemti; asənək an dəsan ara guzliyo, vi əkeɗeɗe tay dəndəni.

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Daniyel 2:29

Gala pay kəsok ɗuffo aka zəga nafna nok na, kəɗɗumuk aka an dədazzan abe, vini məzərban an dəsan məɗamən arban suk an dədaɗɗa abe vani.

Daniyel 2:30

Naw na, vi nəsaw də wəsən daykiyit ɗiy membirtiyə nəsən wən məɗama van ɓa; vi ɗəf dəɓapgən wəboton sən məlĩ va əssine nan aŋgəl kawnahĩ yi ka dəsəngən əɗɗum na makrani.

Daniyel 2:37

Məlyã istə məlĩ net milyeŋge; anoki Maŋgəlva na disiŋ apsuk əzəm məlyã, əɓapa, gbogboŋgo gəm gagdaka;

Daniyel 3:15

Ya kakaŋ na məsla zukum, an kəprəmənək ɓaɓəlma Mohõ, Pozloro, Gaŋgara, Gəzləŋtədəŋ, Gozloro, Gazaŋvəla gəm na zev zəga nasmay pak na, kəɓe'eŋgən əppu' aba zəgakamaŋgəlva məs nəzaɓ kawgagdakani. An kəppu'oŋ ɓa na, kazgokumi kakaŋ kakaŋ addəv movoro offo zilim zilimi. Zev maŋgəlva awani nawkogukum səvaw di?»

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 3:29

Ya kakaŋ na nəɗiyək wən nani, vanday awandi pakə, dələv awandi awaniɓa məpel ma maɓɓani, an apelik mbərayən aka Maŋgəlva net may Sadrak, Mesak gəm Abed-Nego, kawbəlani, ya gəla nan tamə kaɓzluni, vi maŋgəlva tay mbərən nawkõhgən ɓa.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:25

As pak arəhək məlĩ Nabukodonozor.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 5:11

Ɗəf tay aka dələv noko məs Zeŋgile salala na Maŋgəlva akani. Aka pay na afuk na, ɗəf van arbək na tay də wəsən moggon akani, də wəsən nawkoson gabba wəna, də maɗɗula akan va net meŋgilveɗi. Yas afuk, məlĩ Nabukodonozor, aɗi daya aket məskaŋ heligi, məɗɗaŋ tetele, mə Kaldiyeɗi, gem məkosonən wən net ŋgərzleɗi.

Amos 3:7

Yawe Maŋgəlva aɗɗa zəga məza ərban məɗama nan sit məɗɗaŋ wəza nan məskəleŋɗe ɓa ɓa.

1Korintus 14:25

Əɗɗum məɗama na makran warbə. Asna, watək kiyən afuŋ kappu' aba Maŋgəlva, wanah na, gesiŋ Maŋgəlva tay a walaŋkum.

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

1Timote 6:15

Məs Məlĩ metiŋ, Afən əɓapa, Məlĩ net məlyeŋge, Daya net deyeɗe arban də pay nan məs məɗiyə.

Yosuwa 22:22

«Daya, Maŋgəlva net meŋgilveɗi yi, Daya, Maŋgəlva net meŋgilveɗ asənək pakə, ya Israyel pak wasəna! An kiɓəɓəl məgəɗə, an əmzlah məmzlah səmmba Yawe na, adawkõhgəm dəppaŋ ɓa!

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 19:16

Aka lukut nani gəm aka metetileni iya tay məverin na: Məlĩ net məlyeŋge Daya net deyeɗe.