Daniyel 2:45 - Bible en Guidar

⁴⁵ va kula gərəm dəkõh səka mossorgo metiŋgin məza va ɗəf ɓa, atekeɗ may təbza, təbəz pepreŋge, membezleŋ, təbəz babara gəm meleŋgeŋka. Maŋgəlva metiŋgin arban sənək an dədazzan abe sən məlyã. Va kəssiniska vaski, an aŋgəl kawnah nawtafiyə.

Daniyel 2:45 Iomraidhean Croise

Va'Atəŋ 41:26

Wasliɗe muguluŋgit lelewɗe buhulu, wəzva buhuli yi, ki hay moggon buhulu, wəzva buhuli ye'e: as pak wissine taka yi.

Va'Atəŋ 41:28

Yaŋ an nəŋgəl kawnah sən Farawən, Maŋgəlva arban sənək Farawən, an aŋgəl naɗɗa.

Va'Atəŋ 41:32

Aka wissine na Farawən təl sulaŋ na, Maŋgəlva aziwginik əpel nani. Maŋgəlva waɗɗa də kakara.

2Samiyel 7:22

Vini kəsok matuŋguko, Yawe Maŋgəlva! Vi ɗəf tay va is ɓa. Maŋgəlva maɓɓan tay abburuk va məprəm də sləmam pakəŋ ɓa.

1Alabaraɗe Də Mabərkiziti 16:25

Vi Yawe metiŋgi, nawgagdakani diyɗa. Adahək nawgeslne' səni, adayək kiyit meŋgilveɗ pakə:

Nehemi 4:14

A təki kəssoŋ pak, an kəprəmən gozloro na, məde məkkalan zukum azam adaka. Maŋgəlva wagay vimə!»

Nehemi 9:32

Ya gəgaŋ na, Maŋgəlva namə, Maŋgəlva metiŋ məzuɓapa, məs dədah nawgeslne' səni, məɗi kiyən aka wənmiyna gəm moggoni, kədawgəsan əzəmsahã məs dərəhəm anam dit milyeŋge namə gəm məsdəlveŋge namə may məskəleŋɗe namə, may efiŋgiɗmə gəm ɗiy nok baymet təŋ səza pay net milyeŋge na Asiri hã gap pay dəpaŋkəŋ ɓa.

Ɗerewel na Yob 36:26

Maŋgəlva metiŋgi; məɓap na kawrəh əsən əŋɗa na əzva nan ɓa.

Gəlyaɗe 135:5

Vi naw nəsənək na: Yawe metiŋgini yi; Daya nam adayək kiyit meŋgilveɗ pakə.

Gəlyaɗe 145:3

Yawe metiŋgi yi, agapək nawɗi kiyən diyɗa; mẽmẽtiŋ nan aggbeŋ na ɓa.

Gəlyaɗe 2:9

Wakummis də zleŋge na təbza, va mesteɓe na dələv kədekrepti.»

Gəlyaɗe 48:1

Gəlya. Gəlyanalva net kirtin Kore.

Gəlyaɗe 96:4

Vi Yawe metiŋgi, nawgagdakani diyɗa, adahək nawgeslne' səni, adayək kiyit meŋgilveɗi pakə.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Daniyel 2:24

Yas Daniyel ambat aza Ariyok, ɗəf məs məlĩ appan wən nawbey məsmaɗɗulet na Babilon a van naka; səza agapə, anah sənək vaŋka: «Kəbey məsmaɗɗulet na Babilon ɓa! Aku aba məlyã, ka nəboton səngən məlĩ va əssine nan aŋgəl kawnahã.»

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Daniyel 2:29

Gala pay kəsok ɗuffo aka zəga nafna nok na, kəɗɗumuk aka an dədazzan abe, vini məzərban an dəsan məɗamən arban suk an dədaɗɗa abe vani.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 8:25

Də pepet nani, əmbəɗet ɗiy wadaw ammbani. Addəv əɓaygən kizəni wazet ɗiy diyɗa, wagay də Məlĩ net milyeŋge. Ya nan wazə məza də gagdak na va ɗəf ɓa.

Haggay 2:22

Wanəslaŋgən mazaŋga net milyeŋge gəm wanəzan gbogboŋ net məlĩyeŋge net ɗiy-ɗarə; wanəsleŋget mawteɗ nawgay dit məzuŋkoretini; pilseŋge wamtaŋgə, ɗiy məŋkoroŋ pilseŋge wabayanən ziti.

Zakarya 12:3

Dəpas na, wanəɗi Yerusalem va gərəm beppe məza awsla ɓa abet ɗiyi. Ɗiy en dəŋglaŋ əslanən pak waplote. Ɗiy naka dəlvafuŋ baymet wasapaŋ akani.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 21:24

Yesu aɓsit na: Naw pak wanəssohokum wən taka. An kəzlan suwənka, naw tam wanənah sukum gagdak məs nədaɗɗe zəgeɗ vetis dəndənəŋka.

Matiye 24:35

Disiŋ də dəlvafuŋ pak wagrakaŋgə, ya sessel əpel naw agrak na ɓa.

Luka 17:20

Farisaɗe assohõnənək Yesu: Dewɗe məlĩ na Maŋgəlva adazzan di? Azlan aɓsit na: Məlĩ na Maŋgəlva ade na va zəga nawla ɓa.

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

Hənhən 1:19

Aver an kədawla kana, an kakaŋka, gəm an dədazzan səbbərən.

Hənhən 19:17

Yaŋ nula maslay ziwwe addəv paya. Aŋgəsl vaŋvəl dayadaya sit biŋgeɗ məzuveŋgeŋ a disiŋ pak na: Mide məkkal aka waynabaya na Maŋgəlva,

Hənhən 4:1

Sə dərɓaga as na, nəwəl na: Maddamba tay viŋŋge a disiŋ. Wəla ɗəf maddaabəŋ nəprəm əpel su va gozloro amna: Apeŋ aŋka, wanərban suk zəga məs dədaɗɗa sə dərɓaga aŋka.