Daniyel 2:44 - Bible en Guidar

⁴⁴ Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 2:44 Iomraidhean Croise

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

2Samiyel 7:13

Ndəni narkə su Gəla aka iya nawa, naw wanəsɓan mazaŋga na məlĩ nan ka faɗə.

2Samiyel 7:16

Gəla nok də məlĩ nok wassoŋ ndərəsl hã faɗə, mazaŋga na məlĩ nok wasan ɓəlɓəl hã faɗə.»

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Isaya 60:12

Vi ɗiy-ɗar gəm kiva na məlĩ məs dəɓoŋ dawgəɗ suk wəza, wazaŋgə; ɗiy-ɗar veti, əza adawzaŋgə.

Ezekiyel 37:25

Wamndoŋ aka dələv məs nəpsən gawla naw Yakob, məs efiŋgiɗkum assoŋ akan də gəla, wassoŋ akan adak də gəla dit kirtiti gəm kirtit kirtit hã faɗə; Davit gawla naw wasan məlĩ net hã faɗə.

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Daniyel 2:34

Aka kədawlan gərəm ade əbəta akan sə disiŋ məza va ɗəf dərəŋgən ɓa; argak zəgakamaŋgəlva məzaɓən nak aka tələn na təbəz gəm na membezleŋ naka, yas atakaɗa.

Daniyel 2:35

Aka ma taka, təbza, membezleŋ, təbəz pepreŋge, təbəz babara gəm meleŋge aŋzlaŋ pakə; akkpaŋgaŋgək va eslesle məzəzzoŋ sə kelleɗe də mawala məs səmyã adawka məza batamən əsən ɓa. Gərəm məs dəbət aka zəgakamaŋgəlva məzaɓən van tamə, nan akkpaŋgək mossorgo metiŋgini ya aknahək dəlvafuŋ pakə.

Daniyel 2:37

Məlyã istə məlĩ net milyeŋge; anoki Maŋgəlva na disiŋ apsuk əzəm məlyã, əɓapa, gbogboŋgo gəm gagdaka;

Daniyel 2:43

Kulak təbəz məslahəŋ də membezleŋ: Vi milyeŋges wakayaŋ gil aza ziti, ya aslereŋ na awalaŋ zit ɓa, va təbəz awsler də membezleŋ ɓaŋka.

Daniyel 4:3

Nəɗiyək wən nan kawki məsmaɗɗulet naka dələv na Babilon pak abawa, vi dəboton suwəngən gabba əssine nawa.

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 6:27

Nəɗiyək wən nani, aŋga aka dələv pakə, ɗiy dəgeslne'eŋ də əkker sən Maŋgəlva na Daniyel. Vi ndəni Maŋgəlva madarani, tay hã faɗə. Məlĩ nan agrak na ɓa, gagdak nan wasan hã faɗə.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Daniyel 8:25

Də pepet nani, əmbəɗet ɗiy wadaw ammbani. Addəv əɓaygən kizəni wazet ɗiy diyɗa, wagay də Məlĩ net milyeŋge. Ya nan wazə məza də gagdak na va ɗəf ɓa.

Mika 4:7

Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.

Haggay 2:22

Wanəslaŋgən mazaŋga net milyeŋge gəm wanəzan gbogboŋ net məlĩyeŋge net ɗiy-ɗarə; wanəsleŋget mawteɗ nawgay dit məzuŋkoretini; pilseŋge wamtaŋgə, ɗiy məŋkoroŋ pilseŋge wabayanən ziti.

Haggay 2:7

Wanəɓlet ɗiy-ɗar pakə, arya net ɗiy-ɗar pakə wade, wanəknah gəlaŋ də lalawa, Yawe Məzuɓappak aɗimani.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Yohanna 12:34

Vanday net ɗiy azlan sənənək na: Məprəmək səddəv mahenziŋ na, Kristu wasan hã faɗə. Ya mbari nok kədawnəh na kawslani Wətən Ɗəf a disiŋ tagay di? Naway Wətən Ɗəf vanəs di?

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 2:27

wake ama ətaɗ də zleŋge na təbza, waŋgrof va adaŋgrofoŋ mesteɓe na dəlva.