Daniyel 2:34 - Bible en Guidar

³⁴ Aka kədawlan gərəm ade əbəta akan sə disiŋ məza va ɗəf dərəŋgən ɓa; argak zəgakamaŋgəlva məzaɓən nak aka tələn na təbəz gəm na membezleŋ naka, yas atakaɗa.

Daniyel 2:34 Iomraidhean Croise

Gəlyaɗe 118:22

Gərəm məs mərkaŋ gəla azgaŋgə akkpaŋgək gərəm kiwən naka bezler.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Isaya 60:12

Vi ɗiy-ɗar gəm kiva na məlĩ məs dəɓoŋ dawgəɗ suk wəza, wazaŋgə; ɗiy-ɗar veti, əza adawzaŋgə.

Isaya 8:9

Məssahan zukum ɗiyi, mokrokum dəzlahə; məpak sləmokum mənokum naket dəlveŋge en ɓa'ə: Miynan dadakkum, mokrokum dəzlahə. Miynan dadakkum, mokrokum dəzlahə.

Ezekiyel 32:28

Ya nok a walaŋgit ganyẽɗ kədamta, kawndukki dit ɗiy en dəmtaŋ ama masalam.

Ezekiyel 47:5

Yaŋ aslə metər səkat sle' əmpa: adak na lolohõ məs nəɓap na əggar ɓa yi, vi iŋkile asəkəkaŋka: iŋkile noŋkoruŋ, lolohõ naggari ɓa yi.

Daniyel 2:33

Seserən na təbza, tələn nawɗi afuŋ sulegiti, pəɗak net na təbza, pəɗak net mbərni na membezleŋgi.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Daniyel 8:25

Də pepet nani, əmbəɗet ɗiy wadaw ammbani. Addəv əɓaygən kizəni wazet ɗiy diyɗa, wagay də Məlĩ net milyeŋge. Ya nan wazə məza də gagdak na va ɗəf ɓa.

Zakarya 12:3

Dəpas na, wanəɗi Yerusalem va gərəm beppe məza awsla ɓa abet ɗiyi. Ɗiy en dəŋglaŋ əslanən pak waplote. Ɗiy naka dəlvafuŋ baymet wasapaŋ akani.

Zakarya 4:6

Yas azlani, aɓsu dawnəh na: Aŋ əpel na Yawe sən Zorobabeli, amna: Də gbogboŋgi ɓa, də wəɓapi ɓa'a, də əmpəs nawi dərəŋ Yawe Məzuɓappak anahə.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Yohanna 1:13

Net duwe məwet dit mbel ɓa, mãy də əŋgla na gəɓa zə ɗəf ɓa, mãy də əŋgla na ɗəf ɓa, də əŋgla na Maŋgəlva yi.

Wəza net Masləŋɗe 4:11

Ndəni: Gərəm məs mənokum məzərkaŋ gəla kəzelenəni, ndən dəkkpaŋ gərəm kiwən naka bezler.

2Korintus 5:1

Vi məsənka, an gəla nam naka dələv məs gizlirke ɗarəŋ arayka, mənam tat də an Maŋgəlva arkə, gəla məs mərkan də va ɗəfi ɓa, nan tay faɗ a disiŋ.

Ibriɗe 9:24

Vi Kristu dətoŋ addəv gəla matuya məs məɗɗan də vet ɗiy məs dəsan zeŋgile zəga an gesiŋ ɓa. Ya a disiŋ zək nan atoŋguk, karban zən aba Maŋgəlva kakaŋ vimə.

1Piyer 2:7

Azokum munokum məs kətafaŋ kan na, gərəm na sləmay sawɓa, ya azet ɗiy məs dətafaŋ ɓa na: Gərəm məs mərkaŋ gəla azgaŋgə, akkpaŋ gərəm kiwən naka bezler,

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.