Daniyel 2:23 - Bible en Guidar

²³ Nəgəɗ sukuk soko, nəgagdokokko Maŋgəlva net efiŋgiɗwa, vi kəvayək maɗɗula də gbogboŋgo! Kakaŋ na kərban suwək an məkkomok akani; adan kərban səmək an dəfãyan məlyã.»

Daniyel 2:23 Iomraidhean Croise

Va'Atəŋ 18:17

Yawe amna: «Wanəɗaman zəga an nədaɗɗa sən Abraham sa?

Va'Atəŋ 31:42

Va Maŋgəlva na afu, Maŋgəlva na Abraham məgeslne'gən Isak tay də in ɓa, vaw halay halay kədappaw əmbat kakaŋ kəta. Maŋgəlva awlak əzəmsahã naw də iya na vawa; atawək wən nan na dəfɗəŋka.»

1Milyeŋge 18:36

Adan Pay nawvəl agapə, məskəleŋ Eliya azarək go'o, amna: «Yawe Maŋgəlva na Abraham, na Isak gəm na Israyel, aɗɗa, dəsənkungən dəpaŋ na, istə Maŋgəlva a Israyel, gəm intə məgəɗ wəza noko, dəka əpel noki yi, nəɗɗe zəgeɗiŋ pakə.

1Milyeŋge 8:57

Kəta Yawe Maŋgəlva nam dəsan də mənam va asan dit efiŋgiɗmə; adappam ɓa, adazgam ɓa.

1Alabaraɗe Də Mabərkiziti 29:10

Davit agagdakanək Yawe daret ɗiy məkkeltiŋ pakə, amna: «Gagdak azoko, Yawe Maŋgəlva na Israyel, afəm an lahəŋka hã faɗə.

1Alabaraɗe Də Mabərkiziti 29:13

Ya kakaŋ na, Maŋgəlva namə, mənam tat əgagdakoko, mənam tat əɗi ki iya na əkekeɓe'e noko;

2Alabaraɗe Də Mabərkiziti 20:6

yas amna: «Aw Yawe Maŋgəlva net efiŋgiɗmə, istə Maŋgəlva a disiŋ ɓa sa? Istə məzuzəm məlĩ aket milyeŋge nammba dələv pak ɓa sa? Əɓapa də gurom pak avokuŋgə, ɗəf tay nawziw abok ɓa.

Gəlyaɗe 21:2

Yawe məlĩ tay ənneken zən ammba gbogboŋ noko: gəm əska wəla an kədapsən tay ənneken zən diyɗa!

Gəlyaɗe 21:4

Is tat əddok ələmsən də əzaɓ məza meŋge nan ɓa; kəɗupsənək kulpupu na məlĩ na meleŋge saksakə.

Gəlyaɗe 25:14

Yawe tay ərban wən məɗama nan sit məzugeslne'eŋ sənəni, ndən ərban sit wənmiyna nani.

Gəlyaɗe 50:14

Afet aka Maŋgəlva a gəla əzaɓ-Maŋgəlva, gəm aɗɗa an mok aynə sən Məsəɗəɗə.

Əgilye 3:15

Maŋgəlva anah sən Moyis əmpa na: «Yaŋ an kədawpel sit mə Israyelɗe: Yawe, Maŋgəlva net afiŋgiɗkum, na Abraham, Maŋgəlva na Isak, Maŋgəlva na Yakob, dəslənu azokum. Aski iya naw faɗə, vaski adakkamawən aza va sayit ɗiy asani.

Wənməkkpaŋga 21:22

Məsmaɗɗula watoŋ a walaŋgəla net məskaŋwəla, watərayan gbogboŋ an walaŋgəla van aɗi kiyən akani.

Wənməkkpaŋga 24:5

Ɗəf məsmaɗɗula na, tay də gbəgboŋgo. Ɗəf an də əsəna, wasɓan gbogboŋ nani.

Wənməkkpaŋga 8:14

Əsəɓa may əsla-zəɗəfa, zəgeɗ nawəŋgə, in adawyaŋ əsəna, gbogboŋ zəga nawi.

Məsmaɗula 7:19

Maɗɗula apsən gbogboŋ sən məsmaɗɗula daykiyit deyeɗe na kivadəlveŋge kəlaw naddəv walaŋgəla-metiŋ.

Məsmaɗula 9:16

Ndəni nənah na, maɗɗula adayək ki makra, ya maɗɗula na məssahã məzeleni, ɗiy aprəmən əpel nan ɓa.

Məsmaɗula 9:18

Maɗɗula moggoni daykiyit gulomɗe nawgaya, ya məs mambray taka waraygən nenek diyɗa.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Yeremiya 33:3

Ayuwa, wanəzlan suko, wanərbet suk zəgeɗ gugriɗe, zəgeɗ en məɗemit məs kisin ɓa.

Daniyel 1:17

Ya sit gewleɗ poɗes na, Maŋgəlva apsitik əsəna, əprəm an dəsan məverin pakə gəm maɗɗula. An dəday əmpa na Daniyel aprəm gabba ula gəm gabba əssine pakə.

Daniyel 2:18

anah sitik ka dəŋglaŋgən mbəlembəle aba Maŋgəlva na disiŋ aka wən məɗamnəŋka, vi adawbeynin may Daniyel dit beyneŋgiɗin sap dit məsmaɗɗulet na Babilon ɓa.

Amos 3:7

Yawe Maŋgəlva aɗɗa zəga məza ərban məɗama nan sit məɗɗaŋ wəza nan məskəleŋɗe ɓa ɓa.

Matiye 11:25

Pay nan dəpaska, Yesu agəmək əpele, yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi.

Luka 10:21

Avan avanəs ləŋ, Zeŋgile Salala aknahək Yesu də ənneke yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi. Ha'aw, Əbba, vi vaski kəŋglu dəgəɗgən ama horoko.

Yohanna 11:41

Azargənənək kalaɓ naka. Yesu aslanək haran a disiŋ, amna: Əbba, nəgəɗ sukuk soko vi kəprəmək mawa.

Yohanna 15:15

Nəyukum na məɗɗaŋ wəza nawa ɓa, vi məgəɗ wəza asən na an məs daya nan adaɗɗa ɓa. Wanəyukum na bayneŋgiɗwa, vi nərban sukumək an məs nəprəm səza Əbba pakə.

Hənhən 1:1

Ərba an Maŋgəlva arban sən Yesu Kristu: Apsən vi karban an dədaɗɗa abe sit məɗɗaŋ wəza nani. Kristu arban sənək sən Yohanna məgəɗ wəza nan də əslən maslay nan azani.

Hənhən 5:5

Yaŋ ɗəf taka səret ɗiy məsɓe anah su na: Kədawhəm ɓa, awla ɓoolu mahəlfa na Yuda, dəhən Davit nan askək wəla, waɓap əkol ɗerewel vani gəm əhok tampoŋɗe nan buhul.