Daniyel 2:21 - Bible en Guidar

²¹ Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 2:21 Iomraidhean Croise

1Milyeŋge 10:24

Ɗiy naka dələv gboŋ met aka ula Salomoŋ, vi kaprəm maɗɗula, an Maŋgəlva apsən akanəŋka.

1Milyeŋge 3:28

Mə Israyelɗe dəwənnet aprəmənək va məlĩ ataw wəna, ageslne'eŋ sənənək məlyã, awlanənək na, maɗɗula na Maŋgəlva yi addəvən nawtaw wəna.

1Alabaraɗe Də Mabərkiziti 22:12

Kəta Yawe dəpsuk maɗɗula moggon də wəsən pay adawɗiyuk aka Israyel, vi kərmagən mahenziŋ na Yawe Maŋgəlva noko!

1Alabaraɗe Də Mabərkiziti 29:30

Də əzəm məlĩ nani, makra nani, də zəga an dəgəɗ akani də aka Israyel gəm aket milyeŋge meɓɓeti.

Ester 1:13

Yaŋ məlĩ azgə meŋ dit məsmaɗɗulet məs dəsənnən wən na ənziya. Vi wən na məlĩ pak dəbet məsənaŋ mahenziŋ də an dəslə adawtoŋgo.

Ɗerewel na Yob 12:18

Məzupəl an məlĩ aynə gəm kaynan maslapa a ma gizeti.

Əgilye 31:3

Nəknəhək də əmpəs na Maŋgəlva vi dərahgən maɗɗula, hənhən, wəsəna gəm əsən əɗɗa zəga pakə.

Əgilye 31:6

Yaŋ naw nəɗi Oholiyab, wətən Ahisamak zev Dan a maŋgavani, nəɗiyək maɗɗula a təki məs maɗɗula pak dəɗɗanəngən an nəɗi suk wən nan pakə.

Daniyel 1:17

Ya sit gewleɗ poɗes na, Maŋgəlva apsitik əsəna, əprəm an dəsan məverin pakə gəm maɗɗula. An dəday əmpa na Daniyel aprəm gabba ula gəm gabba əssine pakə.

Daniyel 10:1

Addəv wəzva mohokon na Sirus məlĩ na Persiya, əpel ade sənək Daniyel məs adawyaŋ na Beltasar, əpel van gegesiŋgi, əgay tay metiŋgin. Daniyel aprəmək əpel vani, dəddəv ula aprəm gabbani.

Daniyel 11:6

Dərɓagan wəzva siɗikke, məlĩ na dohoŋ wapsənət wətən sən məlĩ na kəla disiŋ vi karma bayna, kawslerəŋgi, ya təzanək gagdak nata, uwa nat tay nawziw ɓa, ya kawbeyti beymet pak dəpaska: ndəta, ɗiy en dəlhãtəni, afəta gəm məzəbbah səta.

Daniyel 2:20

Daniyel agəmək əpele yas anah na: «Gagdak dəsan aza Maŋgəlva, təŋ kakaŋka hã faɗə! Vi maɗɗula də gbogboŋ pak avani yi.

Daniyel 2:23

Nəgəɗ sukuk soko, nəgagdokokko Maŋgəlva net efiŋgiɗwa, vi kəvayək maɗɗula də gbogboŋgo! Kakaŋ na kərban suwək an məkkomok akani; adan kərban səmək an dəfãyan məlyã.»

Daniyel 2:9

An kənah suwən wəssine van ɓa, wən taka dədawgukum; ya yaŋ kədawtuvuron wən vi kawa tepelke abaw də wərka wən ɗarə, də wəɗɗum abe na wən nan waddəɗə. Vini kan na, mənah su əssine vani, naw wanəsən na wakəɓap əboton suwən gabbani.

Daniyel 4:14

Aski əpel maslay aziwgini, ya əpel van səmet ɗiy en salala ade vi ɗiy dəsənəngən na Məsəɗəɗə, ndəni məlĩ aka məlĩ net ɗiyi, tay əɗi ɗəf məs aŋgələ aka məlyã, dəsan ɗəf məgəsən nammbet ɗiy zlaŋgə.

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:22

Karɓuhki sə weleŋgit ɗiyi, wakəsok sap dit zəgeɗ memeyẽɗ nawra; zəga nawzəm nok wasan kevile va net wasliɗe, minɗe waziyaŋ akoko; wakəsok əzva buhul awra, hã an kəsənək na Məsəɗəɗə na, ndəni daya aka məlĩ net ɗiyi, tay əɗi ɗəf məs aŋgəl aka məlyã.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 7:25

Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

Luka 21:15

Vi naw wanəpsukum mokum də maɗɗula an məs məzuzel nokum aɓapaŋ na əziw abokum awaniɓa əbayaŋ ma də munokum ɓa.

Roma 13:1

Ɗəf pak dəɓe' sit deyeɗe na dəlva. Vi daya na dələv tay məza Maŋgəlva dəɗi ɓa ɓa. Deyeɗe na dələv pak Maŋgəlva dəɗiye.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

Yakob 1:17

Zəga moggon dədawrəhəm pakə gəm əvəl moggon pak sə disiŋ ade, səza Maŋgəlva, məs dəzəmiɗ əkasakɗe. Maŋgəlva nan addəɗ ɓa, akkpaŋ ɓa, guzli tay azan ɓa.

Yakob 1:5

An ɗəf sərokum tay məs maɗɗulan agəsə, dəŋgəl ava Maŋgəlva məzəpsən ɗəf pak məza də tatwah ɓa gəm məza də əsəɓ ammban ɓa, wapsəni.

Hənhən 19:16

Aka lukut nani gəm aka metetileni iya tay məverin na: Məlĩ net məlyeŋge Daya net deyeɗe.