Daniyel 2:18 - Bible en Guidar

¹⁸ anah sitik ka dəŋglaŋgən mbəlembəle aba Maŋgəlva na disiŋ aka wən məɗamnəŋka, vi adawbeynin may Daniyel dit beyneŋgiɗin sap dit məsmaɗɗulet na Babilon ɓa.

Daniyel 2:18 Iomraidhean Croise

Va'Atəŋ 18:28

Kuzuŋ sə weleŋgit ɗiy təstəs kaklaw sle'iŋ tahəŋ ɓa sle'i, wakəzan walaŋgəla van sa?» Amna: «Nəzan na, an nərahək ɗiy təstəs kaklaw poɗo kiyit sle' ɓa.»

Gəlyaɗe 136:26

Məɗi ki Maŋgəlva na disiŋ, vi moggon nan tay hã faɗə.

Gəlyaɗe 50:15

Ayuwa an tatwãh aruhkuko, wanəkõhguko, wakəgagdakawa.

Gəlyaɗe 91:15

Wayuwa, wanəzlan səni, wanəsaw dəndən addəv tatwãhã; wanəbite, wanəgagdakani;

Isaya 37:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlyã, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.

Yeremiya 33:3

Ayuwa, wanəzlan suko, wanərbet suk zəgeɗ gugriɗe, zəgeɗ en məɗemit məs kisin ɓa.

Ezekiyel 36:37

Vaŋ Daya Yawe anahə: An nədaɗɗa yaŋ əmpa: wanəppan zu mə Israyelɗe dəkayawəngən vi kaɗɗa an aŋglaŋgə, wanəwet diyɗa va gilewi.

Daniyel 2:23

Nəgəɗ sukuk soko, nəgagdokokko Maŋgəlva net efiŋgiɗwa, vi kəvayək maɗɗula də gbogboŋgo! Kakaŋ na kərban suwək an məkkomok akani; adan kərban səmək an dəfãyan məlyã.»

Daniyel 3:17

An Maŋgəlva nam mədawgagdakanəŋ tay na, waɓap wəkõhgəm səddəv movoro offo gəm səmmba voko, məlyã!

Daniyel 4:26

Aka əgrak na təla makəlaw kiyən sula, gala asan balbal aka gəla na məlĩ nan a Babilon na,

Yonas 1:9

Azlan sitik na: «Mə Ibri nənani, in tat əgeslne sən Yawe Maŋgəlva na disiŋ məs dəzəməɗ pehe də dəlvafuŋgu.»

Malakiya 3:18

As na wakulanən uɗak awalaŋ ɗəf an təstəsə də məsdaraw, awalaŋ ɗəf məgeɗ sən wəza sən Maŋgəlva gəm ɗəf an awgəɗ sən ɓa.

Matiye 18:12

Mbar kədaɗɗumoŋ di? An ɗəf tay dit timiŋgiɗ səkatə, yaŋ taka səret azə, appet na en kaklaw vaytak kiyit vaytak aket mossorgoɗe gugriɗ ndən kadan əkayan an dəzə ɓa sa?

Matiye 18:19

In tat ənah sukum əmpa: An ɗiy sula sə walaŋkum aka dəlvafuŋ aslereŋgək aka an adakkamawən pakə. Afu na disiŋ wapsiti.

Wəza net Masləŋɗe 12:4

Səza arma azgan a fərsəna, appan ava ŋgaɓa net məzəlpaŋ poɗo poɗo poɗo dəganəngəni. Herodə aŋgəl na kawgilgin abet ɗiy dərɓaga wəzləra na Pak.

Roma 15:30

Ya in tat əhhaɗokum milmiŋgiɗwa, də iya na Daya nam Yesu Kristu gəm də əŋgla na Əmpəsa, kəgayaŋgən sap də in addəv əkkam ammbaw aba Maŋgəlva.

2Piyer 2:9

Daya asənək va adawkõhgit ɗiy təstəs səma əzəmsahã, ya tay əppet məɗɗaŋ mambray vi pay nawtaw wəna.

1Samiyel 17:37

Davit amna: Yawe dəgu səma perzleŋ ɓoolu də zəga darawən, wakõhgu səva mə Filisti əŋka'e.» Sawlu aɓsən Davit na: «Asna, doko Yawe dəsan də isi.»