Daniyel 12:7 - Bible en Guidar

⁷ Nəprəmək ɗəf dəgul lukut na ngərayã məs ziwwe aket iŋkile na məlpa metiŋ naka, atələk van sulagən pak a disiŋ, aswayək də an dəsan madaran faɗə: «Wəzva hoku dəman watoŋgu, pay gbogboŋ net ɗiy naw salala adagrak tutu' na, zəgeɗis pak wabayən meti.»

Daniyel 12:7 Iomraidhean Croise

Ɗerewel na Yob 27:2

Suway də Maŋgəlva madaran dətak sarra nawa, gəm də Məzuɓappak dəraygən su makrawa,

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Ezekiyel 20:5

Kənahsitgən na: Vaŋ Daya Yawe anahə: Pay nuwel Israyel na, nəslanək vawa, nəsway sən mazlalwã Yakob; nərbanək zu azet aka dələv na Eziptə; nəslanək vawa, nəsway sit dawnəh na: Yawe Maŋgəlva nokum nani.

Daniyel 10:5

Nəslan haraw na, nulak ɗəf də lukut na ngərayã gəm maslapa na meleŋge na Ufaz addakən.

Daniyel 11:13

Məlĩ na kəla disiŋ wakkal məzəlpaŋ diyɗa day ki lahəŋka. Dərɓaga wəzva siɗikke, wamndan dit məzəlpaŋ diyɗa gəm də arya diyɗa.

Daniyel 12:6

Taka səmmbeti aɓsən ɗəf dəgul lukut na ngərayã məs ziwwe aket iŋkile na məlpa metiŋ nak na: «Hã dehey wəgrak net zəgeɗ na sekenes adazzan di?»

Daniyel 12:8

Naw nəprəməka ya nəsən gabban ɓa, yaŋ nəmna: «Daya nawa, mbar wəgrak net adassan di?»

Daniyel 4:31

«Səza pay agapə, in, Nabukodonozor, nəslanək haraw a disiŋ, maɗɗulaw adeke. Nəfetik aka Məsəɗəɗə tay madaran hã faɗə, nətibirenike, nəgagdakanəka, vi məlĩ nani məlĩ an faɗə: Əzəm məlĩ nan tay vi sayit ɗiy pakə.

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 7:21

In tat əzban ula, yaŋ mohon nan agəɗ wəgay dit salalaɗe na Maŋgəlva yas aska wəleti,

Daniyel 7:25

Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

Daniyel 8:14

Yas azlan na: «An moskoy də mompumo gabal sula də səkat hoku atoŋgoŋko. Sədərɓagani, kawpeslni təki salala va lahəŋka.»

Daniyel 8:24

Gagdak nan waɓayə ya də gbogboŋ nani ɓa. Waraygən təki naɗɗa gərəŋ akani; an adaɗɗa pak wadaw ammbani. Wazet ɗiy guromɗe gəm ɗiy salala.

Luka 21:14

Mərma wən nan a mokrokum, kədaɗɗumoŋ dafsən va kədawhãyaŋ aka zukum ɓa.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Əmsak aka Mahenziŋ 26:19

wakkpaŋgok daykiyit ɗiy pak də gagdaka, sləmok wagili gəm wawiɗguk daykiyit ɗiy azəməɗ pakə, wakəssoŋ ka ɗiy salala na Yawe Maŋgəlva nok va anah suko.

Əmsak aka Mahenziŋ 32:36

Yawe wataw wən net ɗiy nani, wawla sasẽhit belemɗe nani, pay awle addakaŋgə, balam tay ɓa, ɗəf na kiyən tay ɓa.

Əmsak aka Mahenziŋ 32:40

Wanəsilgin vaw a disiŋ, in tat ənəh maw taŋtaŋ na: madaraw nan hã faɗə!

Əmsak aka Mahenziŋ 7:6

Vi ɗiy salala na va Yawe Maŋgəlva nokum kənanaŋgə; istə Yawe Maŋgəlva nok awel kəsokgən kanan sə weleŋgit ɗiy nammba dəlvafuŋ pakə.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 12:14

Yaŋ məpsət persleke sula va na gazla metiŋgin sət guluk nakə, vi təveŋgən əmbat a kapta-muyã, a təki məzaɓan ammbat vi kawzəmgət adak faraɗa səza dohõ, zəga na əzva hoku də mani.

Hənhən 12:6

Yaŋ guluk nak tənzat awra, a təki məs Maŋgəlva azaɓ sət adaka, kawzəmgət adak əvoŋ gabal də səkat sula də kaklaw sləre.

Hənhən 13:5

Zəga mamayã arahək tive nawpel wən na əgagdakan zəni gəm əran Maŋgəlva, arahək gbogboŋ naɗɗa vas hã gap təla kaklaw poɗo kiyən sula (42).

Hənhən 4:10

Ɗiy məsɓet kaklaw sula kiyit poɗo nek əppu'oŋ aba ɗəf məs dəsan aka mazaŋga na məlĩ naka, tahəŋ əgagdakanən ɗəf məs dəsan madaran hã faɗ naka. Tahəŋ əzganən mətərkiya net aba mazaŋga na məlĩ nak də ənah na:

Hənhən 4:9

Va zəgeɗ memeyẽɗ nek adawgagdakanəni, adawətibirenəni gəm əɗɗaŋ sənən əsoko sən ɗəf dəsan aka mazaŋga na məlĩ naka, sən məs dəsan madaran hã faɗə.