Daniyel 12:3 - Bible en Guidar

³ Məs əsən aket wawiɗeŋ va təki kerŋgeŋge na disiŋ, en dəbbah sitin ɗiy diyɗa dəssoŋgən təstəsə, wakasakaŋ va gərzleɗ hã faɗə.

Daniyel 12:3 Iomraidhean Croise

Əgilye 34:35

Mə Israyelɗe awlanən gəba na məɗa hara Moyis tay uwiɗe, Moyis əmnda əsərət məsərət kiya aka məɗa haran hã gap pay adamndan əpel dəndəni.

Wənməkkpaŋga 11:30

Wəza na ɗəf an təstəs na, ndəni wəlaŋga na zeŋgile, məs maɗɗulan awziwgit ɗiyi.

Wənməkkpaŋga 3:35

Gagdaki haran net ɗiy en məs maɗɗula, məza kiyit ɓa na, wil adarbaŋgə.

Wənməkkpaŋga 4:18

Tive na ɗəf təstəs na, tay va əkeɗeɗe'e, məzukekeɓe' abe abe hã gap aza kapaya.

Məsmaɗula 12:9

An dəzleɓ aza maɗɗula na məsmaɗula na, arbanək an asən sit ɗiyi; aslaka, akosonuko, azaɓetik wənməkkpaŋgaɗe diyɗa.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Yeremiya 23:22

Va assoŋguk addəv əsəɓ nawa, əpel naw adaprəmanən sit ɗiy nawa; wamndegetin səka tive mbərayən neti, gəm səka əɗɗa mbərayən neti.

Daniyel 11:33

Məs maɗɗula aket neret ɗiy waprəman sitin ɗiy diyɗa. Ya kawbayi səmmbet də masalam gəm də offo, mbirti kawketi aka balamə, mbirit tamə kawmõhẽti pay pakə.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Daniyel 12:10

Ɗiy diyɗa na kabburti, kakkpeŋgeti salala, gəm kappayni heslepe sezeti. Ɗiy mbəreyit wazbanən əɗɗa mbərayən, ɗəf mbərayən pak zəga tay adaprəm ɓa, ya məs əsən aket na, net waprəmən an dədawtoŋgo.

Matiye 13:43

Asna ɗiy təstəs wawiɗeŋ va pay addəv məlĩ na Afiti. Məs də sləman, dəprəma.

Matiye 19:28

Yesu aɓsit na: Gesiŋ nədawnah sukum. Pay Wətən Ɗəf adawsan aka mazaŋga na gagdak nani aka dələv meleketeni, munokum məzəzbawən kəlaw kikum sulaŋ wakəssoŋ də in aket mezeŋgeɗ na məlĩ kəlaw kiyit sula vi kawtaw wən aket mahəlfaɗe net mə Israyelɗe kəlaw kiyit sula.

Matiye 24:45

Balam awani kan moggon pepet məs daya nan aɗi aket məɗɗaŋ wəza nan pak vi dəpsitigin zəga nawzəm də pay nan di?

Yohanna 4:36

Məzubəl tay ərəh əfaɗ nani, tay əkkalan zəga na mabardaw na zeŋgile nasa faɗə, vi məzəslga də məzubəla wannekenən zit matakə.

Yohanna 5:35

Yohanna tay va lalam məsɗani, məzukekeɓe, ya nokum, kəŋglaŋgə ənneken zukum ənziya siɗikke ara əkeɗeɗe nani.

Wəza net Masləŋɗe 13:1

Məskəleŋɗe dit mərbaŋzəga tahəŋ aweleŋgit məzutafaŋ na Antiyos, Barnabas, gəm Simeyoŋ məs adawyaŋ na dəf titire, gəm Lukiyus mə Sirene, gəm Manahen məs dəɓayaŋ də məlĩ Herodə gəm Sawlu.

1Korintus 3:10

Va aza mbəlembəle məs Maŋgəlva avayə, nəɗiyək gabban va məsən-ərkagəla məsmaɗɗula, ɗəf maɓɓan ərka akani. Ya naway pak dəsla zən aza va adarkani.

Efesus 4:11

Əvəl an avələ, ndəɗaŋgə, maslənɗe, məskəleŋɗe, mərban wən neneke, məzuteɗeŋɗe, gəm mərbaŋzəga.

Ibriɗe 5:12

Vi far kədassoŋ mərbaŋzəga kəta, ya hã kakaŋka mokum aka ɗəf dərban sukumgən zəga an məs tay tuwãh addəv əpel na Maŋgəlva ɓa! Mokum aka moŋvo, məza way məzbəkən ɓəl ɓa.

2Piyer 3:15

Məsən na əɓəs na Daya nam akol sukumək tive ka kəkõhoŋgəni, va məlməm na makram Pol aver sukum də maɗɗula məs Maŋgəlva apsəni.

Hənhən 1:20

An dəsan məɗama dəwəl sit ngərzleɗ buhul məs kəwəl aza vaw dəzəŋ kãwwã, də zəgeɗ nawɗi lalam na təbəz na meleŋgeŋ yaŋka, ngərzleɗ buhuləŋki, maslayɗe net gəlaɗe na Maŋgəlva buhuləŋgə; zəgeɗ nawɗi lalam buhuləŋki, gəleɗe na Maŋgəlva buhuləŋgə.

Mətawaŋwəna 5:31

Vas meseŋgiɗuk pak adamtaŋgə Yawe, ɗiy en dəŋgluwkun dəwiɗeŋ va pay, aka adawgilyen də əzla nan grakəŋka!» Səɓɓan na, dələv asanək əffet wəzva kaklaw poɗo.