Daniyel 12:10 - Bible en Guidar

¹⁰ Ɗiy diyɗa na kabburti, kakkpeŋgeti salala, gəm kappayni heslepe sezeti. Ɗiy mbəreyit wazbanən əɗɗa mbərayən, ɗəf mbərayən pak zəga tay adaprəm ɓa, ya məs əsən aket na, net waprəmən an dədawtoŋgo.

Daniyel 12:10 Iomraidhean Croise

Gəlyaɗe 107:43

Məsmaɗɗula dərme zəgeɗis pakə, gəm dəwelet wəzeɗe na moggon na Yawe.

Gəlyaɗe 51:7

Addəv heslepe məwuw yaŋka, addəv mambray əmma təɗi daway nawa.

Wənməkkpaŋga 1:5

Məs maɗɗulan dəprəma, wanzlərgən əsən nani, məs əsən akan tam tive nanziya temtemi.

Isaya 1:18

Mide, mətawangəni, Yawe anahə. An mambray nokum tay ɗiwɗiwi, wakkpaŋ babar ndasl va ɓeɓrezlerizze. An tay pəreŋ va gozoy, wassan babar va helege na ngərayã.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Ezekiyel 47:11

Bobokɗe nan də təki hoyoŋko ataw ama pehe, net gəbay amtə na səret ɓa; ka na bətu məppeti.

Daniyel 11:33

Məs maɗɗula aket neret ɗiy waprəman sitin ɗiy diyɗa. Ya kawbayi səmmbet də masalam gəm də offo, mbirti kawketi aka balamə, mbirit tamə kawmõhẽti pay pakə.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Daniyel 12:3

Məs əsən aket wawiɗeŋ va təki kerŋgeŋge na disiŋ, en dəbbah sitin ɗiy diyɗa dəssoŋgən təstəsə, wakasakaŋ va gərzleɗ hã faɗə.

Hose'a 14:9

Miy naw azet zəgeɗ dəgilyoŋ va meŋgilveɗ əmpa di Efrayim? In nəzlani, ətaɗən. In tat məndufu va wəleŋɗe lelewɗe, səzaw uwa nok adazzani.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Malakiya 3:3

Wasan ɗew əhə̃s təbəz babara gəm əɗawani. Wabbur kirtin Levi. Wakkpeŋget salala va adakkpaŋganən meleŋge gem təbəz babara. Wassoŋ sən Yawe ka məkiyaŋ sənən əvəl də tiveni.

Markus 4:11

Azlan sitike: Nokum Maŋgəlva arban sukumək wən məɗama na məlĩ nani. Ya ɗiy eŋki, en nappaka, kawpel sit zəgeɗ pak də wənməkkpaŋgay.

Luka 24:25

Yaŋ Yesu aɓsit na: Məs kiyit tay ɓa gəm məs mekret ɓəl dawtaf an məskəleŋɗe anahaŋgə;

Yohanna 18:37

Pilat aɓsən kan na: Məlĩ kənan sa? Yesu azlan na: Istə kənah na məlĩ nani. Məwəwi, nəde aka dəlvəŋka, vi kawpel aka gegesiŋgi. Ɗəf na gegesiŋ pak aprəm wəlawa.

Yohanna 7:17

An ɗəf aŋgələk əɗɗa əŋgla na Maŋgəlva na, wasən na əyakəŋ səza Maŋgəlva ade awaniɓa na kiyu nədawpele.

Yohanna 8:47

Ɗəf dəde səza Maŋgəlva waprəm əpel na Maŋgəlva. Sən aski nokum kaprəmnən ɓa, vi kəzzoŋ səza Maŋgəlva ɓa.

1Korintus 6:11

Vas ɗiy meɓɓet sərokum assoŋ lahəŋka. Ya məslslaykumi, məkkpaŋgokumi salala, məbburkumi addəv iya na Daya nam Yesu Kristu gəm də Əmpəs na Maŋgəlva namə.

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 12:10

Neti, azga'səmənək va aza əɗɗum net ammba pay siɗikke; ya nani vi ərəh nam adazga'səmə məsamgən salala va ndəni.

1Piyer 1:22

Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.

Hənhən 16:11

aranənək Maŋgəlva na disiŋ sən əzəmsãhã neti gəm sit kurtiya neti, ya dəɗiyaŋ marava aket wəzaɗe net ɓa.

Hənhən 19:14

Məzəlpaŋ na disiŋ tay əzbanəni, apeŋgeŋgək aket pilseŋge babarɗe, aguloŋguk lukutɗe babarɗe na ngərayã kukuɗo.

Hənhən 19:8

Məgul səni lukut na ngərayã məzuwiɗ kukuɗo. Vi lukut na ngərayã van wəzaɗe mogget net ɗiy na Maŋgəlva əŋgə.

Hənhən 22:11

Ɗəf an mambray pak dəsban wəɗɗa mambray nani, ɗəf an dəsan də zəga daryaw, dəsban wəsan də zəga daryaw, ɗəf an məgəɗ moggoni, dəsban wəɗɗa moggoni, ɗəf an təstəssə, dəsban wəɗɗa təstəssə.

Hənhən 3:18

Naw wanəppeteko, albah təbəz na meleŋge mədan də offo sə vawa, kəsokgən məsarya, gəm lukutɗe babarɗe nawgul azoko, vi wil nasso gobbok mekeleŋ adarbaŋ ɓa, gəm miya na hara ɗəfa kəɗɗagən aroko kuwəlgəni.

1Samiyel 24:13

Yawe dəsan nawtaw wən nan aka walaŋgəm də isi; Yawe dəmpəl kiyu səvoko, vaw agəm na akok ɓa.