Daniyel 12:1 - Bible en Guidar

¹ Pay nani, Mikayel daya net maslayɗe, məga net ɗiy nok warban zəni. Pay nan wasan na tatwãh metiŋgini, zeŋvin dəgəɗ ɗah ɓa təŋ səza ɗiy assoŋgu aka dəlvafuŋ hã gap pay dəpaŋka. Dəpas na, ɗiy nok məs iya net məverin addəv ɗerewel wakõhoŋgu.

Daniyel 12:1 Iomraidhean Croise

Gəlyaɗe 56:8

Vi mambray na, azet na wakohõŋ sa? Maŋgəlva, azlbe də ədagədəv noko!

Gəlyaɗe 69:28

Aŋɗan sit heslepe aka heslepe; adawrahaŋ əvvuy mambray net ɓa.

Isaya 4:3

Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

Isaya 9:7

Daya azkanək əpel nan aka Yakob, yaŋ abət aka Israyel.

Yeremiya 30:10

Is Yakob gawla nawa, kəgeslne ɓa Yawe aɗiymani; Israyel kəkker ɓa, vi inyakəŋ kawkõhguk sə faraɗa gəm kirtuk səka dələv an məket aka balamə. Yakob wamili wasan kiyən foŋgo məza əɗɗum ɓa; ɗəf tay nazlzlaɓan ɓa.

Yeremiya 30:7

Əray midi miy aŋ di? Pay metiŋgin tay va ndən ɓay; pay na əzəmsãhãy yi viyit ɗiy na Yakob! Ya wakohoŋ səddəvən hara.

Ezekiyel 13:9

Vaw wasan aket məskəleŋɗe məwaŋ wəna gəm aket məskaŋ helik nawaŋ wəna; assoŋ na addəv əsler net ɗiy naw ɓa; kawverti aret ɗiy na Israyel ɓa; amilyoŋ na aka dələv na Israyel ɓa; wakəsənnən na, intə Daya Yawe.

Ezekiyel 34:24

Ya naw in Yawe, wanəsaw sit Maŋgəlva, gawla naw Davit ka daya a weleŋti. Intə Yawe nəpeli.

Ezekiyel 5:9

Wanəgəɗ suk zəga məs nəgəɗ ɗah ɓa, zəga an məs nəgəɗ na ɗah ɓa nədaɗɗa, aka zəga naɗɗa nok daryaw gbaŋkəŋka.

Daniyel 10:13

Yas maslay məzuga Persiya atak maw pay kaklaw sula kiyən taka. Ndəni Mikayel, taka səmmbet daya net maslayɗe, ade abbah suwa, yas nəsaw adak amaŋgevet milyeŋge na Persiya.

Daniyel 10:21

Ya anərban suk an məverin addəv ɗerewel na gegesiŋ. Ɗəf tay təttaka dədabbah su əgay dənɗaŋ dabərki Mikayel maslay nokum ɓa.

Daniyel 11:45

Wampe gizlirkeɗe na məlĩ nan awaleŋgit peheɗ də mossorgo an salala, adaki əmta adawrəhən, wamtə məza ɗəf əbbah sən ɓa.

Daniyel 7:10

Məlpa na offo tay ədaw əgilye səbani. Ɗiy gabal kəlaw təl gabalɗe tahəŋ əɗɗaŋ wəza abani; ɗiy məza əŋɗa net tay ɓa tahəŋ ziwziw abani. Səza mətəŋ wətawwəna, məkolti ɗerewelɗe.

Daniyel 9:12

An kənah naɗɗa akamə gəm aket deyeɗe nam pakə, kəknahanək də wəki tatwãh metiŋgin aka Yerusalem, zeŋvin dəgəɗ ɗah aka dələv ɓa.

Yo'el 2:2

Pay na guzli yi gəm na guzli titire pay na slaybuwni gəm na guzli tigbizlimi. Ɗiy hõnyo' hõnyo' gboŋgboŋ tay əzzoŋ va təki ɓihhe adaɗɗa aket mossorgoɗe gugriɗe, mulay ɗah vas ɓa, asan na dərɓagan ɗah vas ɓa, hã gap wəzveɗe na sayit ɗiy kpototo.

Malakiya 3:16

Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

Matiye 24:21

Vi pay nani əzəmsahã wasan diyɗa, va ndən dəgəɗ ɗah ɓa va dələv asan hã gap kakaŋka, sessel agəɗ na ɗah ɓa'e.

Markus 13:19

Vi pay nani, pay na əzəm sahã adawsani, əzəmsahã wasan diyɗa, va ndən dəgəɗ ɗah ɓa va dələv asan hã gap kakaŋka, sessel agəɗ na ɗah ɓa'e.

Luka 10:20

Kədannekenən zukum vi əmpəsɗe mbəreyit aɓe'eŋ sukumən dərəŋ ɓa, mənneken zukum vi iya nokum məverni a disiŋ.

Roma 11:15

An əndol net akiyək əsler na dələv də Maŋgəlva na, mbar əmsak əsap net adawsan an əmilye səka əmta addəv zeŋgile yi ɓa di?

Roma 11:26

Asna Israyel pak wakõh va məverin na: Sə Siyon məpəl ɗiy adazzani. Wazargən əkəw aba Maŋgəlva səza Yakob.

Efesus 1:21

A disiŋ kiyit ɗiy gugriɗe, məlyeŋge, məgil əɓapa, deyeɗe gəm aka iya an nawya pakə, an naka dəlvəŋki kaka ɓa də an naka dələv an dədazzanə'e yi.

Filipi 4:3

Is məgəɗ wəza gesiŋgesiŋ də inkəŋkə, in tat əkkamoko, abbah siti, vi agayaŋgək ərban Alabara Nenek də ina, vaska' Kəlemaŋ dit ɗiy dambərgit məɗɗaŋ wəza də ina, iya net tay məverin addəv ɗerewel na zeŋgile.

Zuda 1:9

Mika maslay an daya dayday dəgəɗ vas pay adawgay də Satan aka gəbay na Moyis ɓa, dəda kiyən ətawwən əran ɓa abbər anah na: (Kəta Daya dəzga' suko).

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.

Hənhən 12:7

Yaŋ wəgay agəɗ a disiŋ. Mika dit maslayɗe nan tahəŋ wəgayaŋ də Dohõtuya, Dohõtuya tam tay əgay dənɗaŋ dit maslayɗe nani.

Hənhən 13:8

Ɗiy naka dəlvafuŋ pak wagagdakanəni, anet ɗiy en iya net tay məverin addəv ɗerewel na zeŋgile nat ndargayãk mətaw wəlat də ətəŋ na gabba dəlvafuŋ ɓa.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 20:12

Yaŋ Nule ɗiy mimtit pakə, ɗiy gugriɗ dit muzliyeɗ pakə, tahəŋ ziwziw aba mazaŋga na məlyã. Məkolti ɗerewelɗe, yaŋ məkol ɗerewel maɓɓani, ndəni ɗerewel na zeŋgile. Ɗiy mimtit pak mətawi wən aket va aza wəza net aɗɗaŋ məverin addəvit ɗerewelɗe.

Hənhən 20:15

Ɗəf awandi məs iya nan tay meverin addəv ɗerewel na zeŋgile ɓa pak, kazgani addəv vov na offo.

Hənhən 3:5

Məskəwəla wagul lukutɗe baberɗe vaska; nəvvuyon na iya nan səddəv ɗerewel na zeŋgile ɓa. Ya wanənah aba Afu gəm abet maslayɗe nan na, ɗəf nawi.

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.