Daniyel 11:7 - Bible en Guidar

⁷ Ya taka səddəv mazlalwat wasan aka məlyã. Watoŋ addəv walaŋgəla mərka kiyən na məlĩ na kəla disiŋ, wagay dit məzəlpaŋ nani, waska wəleti.

Daniyel 11:7 Iomraidhean Croise

Ɗerewel na Yob 14:7

Vi wəlaŋga awandi pak tay wəgani; an məbəlni, tay əndəf əmpa motogonon adiŋgbilis na ɓa.

Gəlyaɗe 109:8

kəta ənziya nan dəsan duɗukko, ɗəf maɓɓan dəgəm wəza nani,

Gəlyaɗe 55:23

Azgan zəga gagdak nawsla nok aka Yawe, nan warma voko, appan na ɗəf təstəs kpak əskot ɓa.

Isaya 11:1

Gbugburzlo Yesse wandəfə, meggeɗe na slalwayən wawə.

Isaya 9:14

Ɗəf məsɓan də gagdaka ndəni dəsan kiya. Məskəleŋ mərbə wən na uwa wəna, ndəni kuturo.

Yeremiya 12:2

Kimpeke, ampanək slalwayti, tahəŋ əɓayaŋgə gəm tahəŋ uwaŋgə. Iya nok tay pay pak a meti, ya mekret ɓa'i də isi hara.

Ezekiyel 17:18

Azelenək əswaya, aggarək ki wənmiyna; atələk van apsənək lahəŋka, zəgeɗ agəɗəs pak na ndən kawkõhõ!

Daniyel 11:40

An pay nagrak agapka, məlĩ na dohoŋ wargisl dəndəni, məlĩ na kəla disiŋ waderze akan dit mawteɗ nawgaya, məŋkoroŋ pilseŋge gəm bəlayɗe diyɗa. Watoŋ addivit dəlveŋge diyɗa, wagule, va məlpa adawgul təkiya, watoŋgu.

Daniyel 11:6

Dərɓagan wəzva siɗikke, məlĩ na dohoŋ wapsənət wətən sən məlĩ na kəla disiŋ vi karma bayna, kawslerəŋgi, ya təzanək gagdak nata, uwa nat tay nawziw ɓa, ya kawbeyti beymet pak dəpaska: ndəta, ɗiy en dəlhãtəni, afəta gəm məzəbbah səta.

Luka 12:20

Ya Maŋgəlva aɓsən na: Məza maɗulan ɓa, dəfɗəŋka kattokoki zeŋgiloko, zəgeɗ məs kəkkal pakəŋ ka na nawa adassoŋ di?