Daniyel 10:21 - Bible en Guidar

²¹ Ya anərban suk an məverin addəv ɗerewel na gegesiŋ. Ɗəf tay təttaka dədabbah su əgay dənɗaŋ dabərki Mikayel maslay nokum ɓa.

Daniyel 10:21 Iomraidhean Croise

Daniyel 10:13

Yas maslay məzuga Persiya atak maw pay kaklaw sula kiyən taka. Ndəni Mikayel, taka səmmbet daya net maslayɗe, ade abbah suwa, yas nəsaw adak amaŋgevet milyeŋge na Persiya.

Daniyel 12:1

Pay nani, Mikayel daya net maslayɗe, məga net ɗiy nok warban zəni. Pay nan wasan na tatwãh metiŋgini, zeŋvin dəgəɗ ɗah ɓa təŋ səza ɗiy assoŋgu aka dəlvafuŋ hã gap pay dəpaŋka. Dəpas na, ɗiy nok məs iya net məverin addəv ɗerewel wakõhoŋgu.

Daniyel 12:4

Isi Daniyel, arma əpelis haɗamə, atip ma ɗereweləska hã gap pay na əgrak adazzani. Ɗiy diyɗa wakayanən wekweki ya əsən wanzlərə.

Daniyel 8:26

An mənahən kəwəl aka moskoy gəm də mompumo pakəŋka, nan gegesiŋgi. Ya nok arma wən na ula van haɗamə, vi ambərsənək əvoŋ diyɗa.»

Daniyel 9:22

Aprəman suka, apel suwa, amna: «Daniyel, kakaŋ nəgil na, kapsuk əsəni.»

Daniyel 9:25

Asən kana, aprəm gabbani: Səza əpel agil nawmilye vi karkan Yerusalem hã gap aza wəzza na mesiya na, wəzva buhul təl buhul wagəɗə. Dərɓaga wəzva buhul təl kaklaw sləre kiyən sula na, karkani walaŋgəla-metiŋ də zlava nani, ya pay nan watoŋ də tatwãh diyɗa.

Amos 3:7

Yawe Maŋgəlva aɗɗa zəga məza ərban məɗama nan sit məɗɗaŋ wəza nan məskəleŋɗe ɓa ɓa.

Wəza net Masləŋɗe 15:15

Wənəs alək əsla də əpel net məskəleŋɗe va məverin na:

Wəza net Masləŋɗe 15:18

Məsənti far vaska.

Zuda 1:9

Mika maslay an daya dayday dəgəɗ vas pay adawgay də Satan aka gəbay na Moyis ɓa, dəda kiyən ətawwən əran ɓa abbər anah na: (Kəta Daya dəzga' suko).

Hənhən 12:7

Yaŋ wəgay agəɗ a disiŋ. Mika dit maslayɗe nan tahəŋ wəgayaŋ də Dohõtuya, Dohõtuya tam tay əgay dənɗaŋ dit maslayɗe nani.