Daniyel 10:16 - Bible en Guidar

¹⁶ Ndəni an dəgil va wətən ɗəf nak ade arəŋgən mawa. Nəkol maw nətəŋ əpele. Nənah sən ɗəf dəziw abaw nəwəl nak na: Daya nawa geslne arməwək sən ula vani hã zu yuwar yuwarə, gbogboŋ tay azaw ɓa.

Daniyel 10:16 Iomraidhean Croise

Əgilye 4:10

Moyis anah sən Yawe: «Nəkkamokko Yawe, maw tay petpet aza wəpel ɓa, na dəfɗaŋgay dayday ɓa, nasuŋgoy dayday ɓa, səza kədawpel sən balam noki ɓa. Maw gədaki, dədək tay aza hərzlumuwa.»

Əgilye 4:13

Amna: «Nəkkomokko Yawe, kamə aslən ɗəf maɓɓan an kəŋgələ!»

Məsmaɗula 1:18

Vi maɗɗula diyɗa awki tatwãh diyɗa; məzəkay wəsən azani, wəzəmsahã adawkay azani.

Isaya 6:7

Ane' aza mawa, yaŋ amna: Awle zəgaŋ ane'ik aza metteɓ moko, heslepe nok azarka, mambray nok avvuyko.

Yeremiya 1:9

Yas Yawe atəl vani, arəŋgən mawa yas Yawe amna: Awle nəɗiyək əpel naw a moko.

Ezekiyel 1:26

Disiŋ ki təki berŋgeŋge naket naka, zəga tay va gərəm na sləma titire, vit va mazaŋga na məlyã; disiŋ ki zəga va mazaŋga na məlĩ vanəs na, zəga tay va ɗəf akan a disiŋ.

Ezekiyel 3:27

Pay nədawpel suk na, wanəkol moko, kənah sitgin na: Vaŋ Daya Yawe anahə: An naprəma waprəma; an nawɓoŋgo waɓoŋgu, vi zeŋvit ɗiy məɓoŋtiŋgə.

Ezekiyel 33:22

Yawe aɗiyək van akaw də moskoy tak əzza na ɗəf məs dəndəwəɗ naka, yaŋ akol maw hã gap əzza na ɗəf məs dəndəwəɗ nak də mompumo azawa. Yaŋ akol mawa, nəɓət əmpa ɓa.

Daniyel 12:8

Naw nəprəməka ya nəsən gabban ɓa, yaŋ nəmna: «Daya nawa, mbar wəgrak net adassan di?»

Daniyel 4:19

Məlyã istə kəkkpaŋ matuŋguk gəm gboŋgboŋ vani, gagdak na məlĩ nok aɓayka hã agap a disiŋ, gagdak na məlĩ nok anzlərək hã gap a təki dələv abaymani.

Daniyel 7:15

Makraw in Daniyel azlahka, an nəwəl atapawka.

Daniyel 7:28

Vaski əssine naw abaymani. In Daniyel, əɗɗum naw atapawka vi nəgeslne'ək sawɓa, nəpokuk barə, nəzaɓanək wən nan a makrawa.

Daniyel 8:15

Aka in Daniyel nəsaw addəv ula vani, nədattokon gabbani, nəwələk zəga va ɗəf ade aziw abawa.

Daniyel 8:17

Yas ade a maŋgavawa. Səza ade, geslne arməwək diyɗa, nəskotək ngomu. Yas anah su na: «Is wət ɗəf kəŋkə, aprəma, an kəwəl na, awəl sənək pay naggrak dəlva.»

Daniyel 8:18

Gala adawpelsuwa, kiyu azlzlaɓka, nəskotuk də magədəvu afuŋgu. Ndən rəŋguwa, asilgu ziw a gəlawa.

Daniyel 8:27

Nawa, in Daniyel, nəsawək londoru, nəvoŋgək gbəgba əvoŋ ɓaɓayə. Səza nəmbələ, nəgəmək wəza naw aba məlyã. Ya nəsawək gərəŋ sən ula vani, vi gabban aprəm ɓa.

Daniyel 9:21

Aka in tat əkkam tagayɗa, Gabriyel ɗəf nəwəl addəv ula maddaabəŋ nak aveŋgik adek əne'u aka pay naɗɗa əvəl sən Maŋgəlva də moskoyo.

Luka 1:64

Gətgətəs ləŋ man akol gəm hərzlumən apələ, atəŋ əpele, agagdakan Maŋgəlva.

Luka 21:15

Vi naw wanəpsukum mokum də maɗɗula an məs məzuzel nokum aɓapaŋ na əziw abokum awaniɓa əbayaŋ ma də munokum ɓa.

Yohanna 20:28

Tomas azlanka, aɓsən na: Daya nawa, Maŋgəlva nawa.

Yosuwa 5:14

Ɗəf nak amna: «Awwo, naw daya na dula nalpa na Yawe nani, gəgaŋ nəde.» Yosuwa aban də takpran gbuduk ɓe' əppu' abani, aɓsən na: «Miy daya naw adawnah sən gawla nan di?»

Hənhən 1:13

A waleŋgit zəgeɗ nawɗi lalam veti, ɗəf tay adak də lukut azan məsilipi, diynan dadakən də kətu məɗɗan də meleŋge.

Mətawaŋwəna 13:8

Yaŋ Mano'ah akkaman Maŋgəlva, amna: «Aw Yawe, kamə kəta ɗəf na Maŋgəlva məs kəslənəŋ dəde azam əmpa, dərban səmgən an mədaɗɗa sən wiyən van an muwani yi.»

Mətawaŋwəna 6:13

Gedeyon aɓsən na: «Kamə daya nawa, yas Yawe tay də mənam na, mbar wən arəhəm gbaŋ di? Ngahəŋ sekeneɗ məs efiŋgiɗəm aŋɗaŋ səmən gbaŋ də ənəh na: Namna Yawe agilgəmək sə Eziptə ɓa sa? Ya gəgaŋ na Yawe andolməka, appamək ammba vet mə Madiyanɗe.»

Mətawaŋwəna 6:15

Yaŋ Gedeyon aɓsən na: «Kamə Yawe nawa, mbarmbar nədawkõhgit mə Israyelɗe di? Mahəlfa naw yaŋ məddakən səddəv gabba Manase pakə, intə muzliya neret kirtin əbba.»