Daniyel 10:1 - Bible en Guidar

¹ Addəv wəzva mohokon na Sirus məlĩ na Persiya, əpel ade sənək Daniyel məs adawyaŋ na Beltasar, əpel van gegesiŋgi, əgay tay metiŋgin. Daniyel aprəmək əpel vani, dəddəv ula aprəm gabbani.

Daniyel 10:1 Iomraidhean Croise

Va'Atəŋ 41:32

Aka wissine na Farawən təl sulaŋ na, Maŋgəlva aziwginik əpel nani. Maŋgəlva waɗɗa də kakara.

2Alabaraɗe Də Mabərkiziti 36:22

Aka wəzva maddaabəŋ na Sirus məlĩ na Persiya, vi kaknahan əpel na Yawe sə ma Yeremiya na, Yawe akol sənək ki Sirus məlĩ na Persiya vi kawtəl ma may kawver dəver ənəh na:

Ezra 3:7

Dərɓagan na, apsitinik koɓeɗ sit məzəslmaŋ gərmeŋɗe, gəm sit məkpa'aŋ gəla, də zəga nawzəm gəm nawsa, may mẽl sit mə Sidonɗe dit mə Tirɗe, dəkiningin wəleŋɗe na muguguleɗ kəla pehe sə Liban a Yaffa, va Sirus, məlĩ na Persiya apəl sit tive.

Ezra 4:3

Yaŋ may Zorobabel, Yosuwa, gəm migil gəleɗe na Israyel, anahaŋ sitin na: «Məɓap na karka Gəla na Maŋgəlva nam sap də munokum ɓa: mənamtə narka Gəla sən Yawe, Maŋgəlva na Israyel kaka'ə, va Sirus, məlĩ na Persiya aɗi səm wən nani.»

Ezra 4:5

Pay na Sirus, məlĩ na Persiya, gap an na Dariyus məlĩ na Persiya, ɗiy nek apsitinik koɓeɗ sit mətawanən wən aba məlyã, vi dətekingən dəzban an aziwginin naɗɗa.

Ezra 6:14

Ɗiy məsɓet net mə Yudeɗ azbanənək wərka gəlaŋ məza əggbi' ɓa, va məskəleŋ Haggay də Zakarya wətən Iddo anahaŋgə; agrakənək ərka Gəlaŋ va Maŋgəlva na Israyel aɗi wən nani, gəm va milyeŋge na Persiya, Sirus, Dariyus gəm Artazerses aɗi sitin wən nani.

Ezra 6:3

«Wəzva maddaabəŋ na məlĩ Sirus, məlĩ Sirus aɗiyik wən nan na: Gəla na Maŋgəlva a Yerusalem. Kamnday ərkan Gəla van a təki adaɗɗaŋ matuya, a təki gabba gəla asan lahəŋka: wəɓay nan metir kaklaw hoku, slosloprok nan kaklaw hoku.

Isaya 44:28

Ndən dəpel aka Sirus na: Məzutaɗa naw kənani. Waɗɗa an məs nəŋgəl pakə. Ka kawnah aka Yerusalem na, karkani gəm aka gəla nakkam na, kamsaki ərkani.»

Daniyel 1:17

Ya sit gewleɗ poɗes na, Maŋgəlva apsitik əsəna, əprəm an dəsan məverin pakə gəm maɗɗula. An dəday əmpa na Daniyel aprəm gabba ula gəm gabba əssine pakə.

Daniyel 1:21

Daniyel asanək hã gap əzva maddaabəŋ na Sirus aka məlyã.

Daniyel 1:7

Daya net mətawaŋkoyom apsitik iya: sən Daniyel na Beltasar, Hananiya na Sadrak, na Mikayel na Mesak gəm sən Azariya tamə Abed-nego.

Daniyel 10:14

Nəde na vi kaprəman suk an nazzan aket ɗiy nok abe, vi ula aka an dəwəl sən pay vanəs əmpa.»

Daniyel 11:2

Yaŋkəŋ na wən gegesiŋ nədawnah suko. Milyəŋge temtem hoku wazəmaŋ məlĩ aka Persiya, məlĩ mopoɗet wade, nan wagəɗ arya diyɗa daykiyit an net pakə. Pay adawrəh gbogboŋ də arya nan vani, wasilgit ɗiy pak kawgay də məlĩ na Gərek.

Daniyel 12:4

Isi Daniyel, arma əpelis haɗamə, atip ma ɗereweləska hã gap pay na əgrak adazzani. Ɗiy diyɗa wakayanən wekweki ya əsən wanzlərə.

Daniyel 12:9

Yas azlan na: «Doko Daniyel, vi wəpelis na məɗamni ya wasan tərra hã gap pay na wəkgraka.

Daniyel 2:21

Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 4:8

Wəlaŋga van məblahəni ɓəɓəla: agapək hã disiŋ, awla hã sə təki dələv abaymani.

Daniyel 5:12

Tay də əmpəs na sekene akani, wəsən nawgohon zəga, nakkpumon əɗɗum kawbotet əssineɗi, nawsən asənasəna gəm nawzaɓan wəna. Dəya sukun Daniyel məs məlĩ alvan na Beltasar kakaŋka, ya waboton suk an aŋgəl kawnahã!»

Daniyel 5:17

Ndəni Daniyel azlani, anah aba məlĩ na: Zəgeɗ an kədawvay na vaw dəsoŋ sukuni, en kədawvay na makaryam na epsin ɗəf mbərni. Ya an məvernəŋ na, wanəŋɗan sən məlyã, wanəboton sən gabbani.

Daniyel 6:28

Ndəni məbit ɗəfa gəm məkõhgən ɗəfa; Ndəni məgəɗ seserge gəm sekeneɗ a disiŋ də aka dəlvafuŋ, Adan akõhgənək Daniyel sə met Ɓooliɗi.

Daniyel 8:16

Nəprəmək wəla ɗəf sə məlpa Ulay na, amna: «Gabriyel, aboton sən gabba ula van sən ɗəfəŋka.»

Daniyel 8:26

An mənahən kəwəl aka moskoy gəm də mompumo pakəŋka, nan gegesiŋgi. Ya nok arma wən na ula van haɗamə, vi ambərsənək əvoŋ diyɗa.»

Luka 1:20

Awle hərzlumuk warəhmə, kəɓap na əpel ɓa hã pay zəgeɗis adaɗɗaŋgə vi kətaf əpel naw məs dədaknəh də pay nan ɓa.

Hənhən 19:9

Yaŋ maslay anah suwa: Aver na! Əzaɓi azet ɗiy məs məyet aka way na wəzləra nawɓel nat Ndargayãkə! Yaŋ anah əmpa na: Ndəni əpel na Maŋgəlva an də gegesiŋ.