Yakubu 4:8 - Alkawali Woiwoyi

⁸ Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Yakubu 4:8 Iomraidhean Croise

Matta 12:33

“A kpe shinwan doho-dohoi ye n ko gyi-gyi yi nu. Shinwa manayi kwa gyi n bmiya, shinwa nukwoyi kwa ga gyi-gyi nukwoyi.

Matta 15:2

Ɓa nya wo ge, “Kninyi nu zhin to ho abara yi vi a Yahudawayi akunnun ko-koyi ma? Ntu ge ɓa ta gye ɓa nuwan lo n kunnu yi ge, ɓa nabwa ɓa kpe nyagyi gyi m.”

Matta 27:24

Shi Bilatus ɓo gye wo ta mi lo wa bwa ɓa tukwo shin, njesun wa gye gyikici ɓa laka, wa tnu nuwan ɓo n ebue yi, wa wa bwa na n aza-yezhi abye, woi gna, mi zhin eza knikniyi nu n eza Befye-cei ye ami ɓo. Deye ko zhin efye anuwan nu.

Atnu-tnuyi Aɓozhin 15:9

Wo to n gna yi tu lo n eyi atan-tasin nɓa yi m ntu ge wo la ɓa bugba zhanya ntu ɓa gaiciya ga ɓo ngye yihin.

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Timatawus I 2:8

Ntu cenu miye aza vinya ɓa zhin aduwa ɓai ku abwa a gyi-gyi-yi wu Shekwoyi n tna laifi, ntna minagyi, ntna nuwun.

Aibraniyi 10:22

Emi azaje, yi lo Shekwoyi aba n bugbayi guguyi ya. Yi ku gaiciya ga n ge wo ɓa gwo yi, ntu ge Yesu ami layi zhanya sarai. Zafun kwa woi zhan yi ya cici.

Aibraniyi 7:19

Kwo to ɓei ga za n befyece m, Kwo to ɓei mi kwo lo n zai n Shekwoyi aba m. Amma Yesu ɓei la ɓe nu wyetu yi, Owonu na ɓe n yi vi-viyi n Shekwoyi aba.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 3:21

(Nlonu batisma zhin dogbe, dna n batisma, yi wu ge alayi gni n efi n bwi-bwi yi dna n Kristi kalala n vingwo; to ntuge ala nayi cegye shinya n, ama ntuge dna n batisma zhin, yi pmi awye wu Shekwoyi nu, yi ɓa wo wa zhan ya bugba ya n laifi.)

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.