Yakubu 2:5 - Alkawali Woiwoyi

⁵ Fye wo, emi azaje, Shekwoyi nla awyekwoyi kni ɓa ze anyabwayi dna n gaiciya ga, Eshebemi zhin ɓa nya nu, gama cauta nu n Shekwoyi zhin aza alkawali nɓa ye Wo.

Yakubu 2:5 Iomraidhean Croise

Matta 11:5

Awyebuayi ɓai gye wyeba, aza bmazhi ɓai zan-zan, akuturu ɓai gwo kagna, atnubua-gunayi ɓai wo ɓeda, azafi yi bwa wye-wyei, fye gna wo mi Nabari manayi ɓo, n Mi da na wyekwoyi aba nyi.

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Matta 5:3

Wa gna, “Aza n ɓa gba ɓahim tukwo ɓa ku gode, ntu ge eshe ebemi zhin ɓa nya nu.”

Markus 7:14

Nnavun Yesu wa yi aza ge ɓa ɓe ɓa wo. Wa ciɓa ge, “Efye viyan, fye wo, fya fwa kwa lofye njesun.

Luka 12:21

“I, zaho-zahoi wa zhin aziki n anyi ye, to wa zhin n she m, wola ze zagbolo.”

Luka 12:32

“Ntu cenu fye to wo dna m, aɓi gama ko zhin kwa da fye dada wa ga fye owo ʼbe mi.

Luka 16:22

Nwyihoi Liazuru wa fi, amalaika lawo ɓa lo woi n Ibrahim aba. Nwyihoi gyiwyeda yi wa fi ce, Har a wo bi.

Luka 16:25

“Amma Ibrahim wa ciwo ge ‘Eɓi pa sanu n ho ɓei dna n anyi ho ɓei nyaho-nyahoi n ho ɓei cei pma. Amma Liazuru to ɓei nya hoi m. Amma n saiye a zhin wo atna lo amma ho dna lo n wahala.

Luka 22:29

Njesun shi omi dada la iko gami nge mi gyibe nyi, to miɓa zhin alkawali ye n fyei.

Luka 6:20

Nsayi wa gna owo abara ge, “Fye dagma nfye to nyabwai yi m, gama Shekwoyi be mi zhin fye nyanu.

Yohanna 7:48

Atukwoda ho lo ko a Farisiyi, nɓa ku gaiciya ga ge, wo zhin Gni-yi nu?

Atnu-tnuyi Aɓozhin 7:2

Istifanus wa gna ge, “Shekwoyi ɓei wu wohin tukwo eyi dada Ibrahim aba n Irak kafin wo lo Suriya.

Aromayi 8:17

Shi yi zhin owo aɓi nu nyi, yi ɓei gyiwo gado – ntuge nya n Shekwoyi gawo Nugun Yesu kwo zhin eyi nyanu ce. Ama n yi ye owo mwa-mwa tilas ya gye azhin nkunsun nwoi.

Akorintiyi I 2:9

Nya nu n Littafi Gyi-gyi-yi kwa da cei ge zaho-zahoi to shin gye, ko wa wo, ko wa zhin ɓo nubo cei, enya Shekwoyi ku zhin shiri ntu naza ɓo nɓa yewo nyi m.

Akorintiyi II 4:15

Deye vinya kwo nyi ntu fye ɓo nu kurum, gama shi Shekwoyi alheri ɓei si aza ba n mwa, ɓa zhin aduwa n mwa godiya nya ntu ge Shekwoyi wa bwa latu.

Akorintiyi II 6:10

Yi bugba wun yi lo, ama yi n agmada yi lo ci-ci, yi wu lo n gye yi to n nyaho yim, ama yi ga azaje arziki lo, ko yi to arzikim, yi n nyaho-nyahoi lo vinya.

Akorintiyi II 8:9

Fye kpe lo shi eyi Dagayi Yesu ɓei nu n ye-yeyi, n na aza bmazhin yi. Kwo shi kwo nyi wo zhin nyabwa-yi nu, ama wa ze wyekwoyi nabayi, dna n wo awyekwo wa ze fye a nyabwayi.

Afisusuyi 1:18

Mi zhin aduwa, n na bai of ye abugba ɓa bwa buzangna, n na bai nfye ɓa gye nya wye n na bye, n wo yi fye fya gni nya bwa n wo yi nyi. Miye fya kpe ge Shekwoyi la ze nyabwai, ntu ge eyi n yi zhin Kristi a nya nyi aku yi gawo.

Afisusuyi 3:8

Fye dnawye fa gye kwo shi ko nyi mito ɓei zhin ɓeho nu a gami kwon, emi nu nmi zhin. Yesu viyi gbeloyi n wolo n na anyi, dudu lonu a ɓei kni mi nu n na agmada manayi ye ɓo, ma gna abyedo Nabari Dagayi nyabwa n kwota shan zon, n kwo lo ntu n ɓa ɓo dna n Kristi nyi.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Atasalunikayi II 1:5

Zokwo gmanyi nu nyi n Shekwoyi zhin tnu-tnu, gama wo zhin a pma n wahala yi, woi zhin fye shiri ntu wo bemi ɓo.

Timatawus I 6:18

Gna ɓa ɓa zhin apma n ɓa agyiwyei dna n ɓemana zhin. Ɓa ku ze anyabwai dna n ɓemana zhin, ɓai ga aza n ɓa gyisan lo n bugba bui-buyi, n shiri yi zhin ɓa gni n na azai enya n Shekwoyi wa ga ɓa.

Timatawus II 4:18

E, Dagayi ɓa gni mi n na aɓo nukwoyi vinya, wa lo mi dna n wo ebemi eshe nya. Mwa-mwa kwo kunsun n Shekwoyi nyalo-nyalo. Amin.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Aibraniyi 11:26

Wo ɓei gna wo ta ye wa zhin aɓo n gye a Masar yi aɓin, ama wo ɓo gye kwo ɓa wo du wa sun wahala ntu Shekwoyi alkawali ɓo, Wo ɓei la gaiciya ga ge Shekwoyi ɓaga wo lada n du Masar nya.

Yakubu 1:12

Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Yakubu 1:16

Ntucenu fye to bwi zokwon, emi azaje.

Yakubu 1:19

Omi azaje ye-yeyi fye to ze amwi ge, kwo gna bmiya oza kna ɓeda tnubuan n mwa, ama oza daɓo cewyi, to oza gyi minagyin.

Yakubu 1:9

Yesu-viyi nwo to zhin nyaho nu dna n na nyin, a dawo, gama wo zhin nyaho nu n Dagayi abye.

Bitrus I 1:4

Shekwoyi n cauta dnagmayi so shi owo aɓi lo n ʼshe; kwo gyi-gyi-yi lo, kwoi ta shando aigna kwo bom kwoi ta shan zom.

Bitrus II 1:11

Shekwoyi ɓa gu fye eshe abwokun-mi ya bmam, ntuge fya lo owo ebemi nyalo-nyalo nya eyi Dagayi nya, n ʼyi gniyi yi, Yesu Kristi.

YOHANNA ƁEWYEGYE 2:9

“Mikpelo shi ho sin wahala ntu Dagayi ɓo nsun, mikpe oho awye kwoye lo, (amma ho n nabwa eshe nyayi lo.) Mi kpe aza kwoce dnai yelo n ɓa gni apa-pa n hoi nyi, nɓa gna ge ɓa zhin a Yahudiyi nyi Shekwoyi aɓi, ɓai to zhin owo aɓi nun, gama ɓa ce Shetan zokwo golo.

YOHANNA ƁEWYEGYE 21:7

Ozaho-zahoi n wa gyi nasara, wo ɓa bwa anyi gye vinya gado, ma ze wo Shekwoyi wa ze mi oɓi.

YOHANNA ƁEWYEGYE 3:18

“Omi shaula nho aba okwonu ha si zinariya hin-hin n mi, n na alakwo pmiaya n ena yi, nsayi nu nho ɓa ze nyabwayi, hi-hin, Hasi n mi, a je abui n gyi-gyi-yi, n nabai n hota gni n bwotolo yin, n vinyikwo yin, ha bwa shigbe n mi kwa kaho awyesan gna, kwa jeze ɓeho n wyeba gyei.