Yahuda 1:3 - Alkawali Woiwoyi

³ Omi anugundo ye-yeyi mi zhin shiri maka ga fye ntu n gni-gni ɓo n Shekwoyi la gayi, Ama nsaiye kwo la ze dole ma ka fye n nyaho tukwo gbo, ma gna ge fye sunkun n wyei bmi ntu n gaiciya ɓo n Shekwoyi ɓei ga owo aza, bwa sun gmanyi, ɓa shikwo ntna doshanyi, aye yi mwa begye.

Yahuda 1:3 Iomraidhean Croise

Atnu-tnuyi Aɓozhin 17:3

Woi ga bayani anabci n na ɓei zhin tu Yesu wahala ɓo, ɓedo nwo kala layi n vingwo, wa wu shi Yesu nu zhin Kristi.

Atnu-tnuyi Aɓozhin 18:28

Nɓo wa wu a Yahudiyi dna n Shekwoyi ɓeda ge, Yesu nu zhin Kristi n tna shaka.

Atnu-tnuyi Aɓozhin 20:27

“Ntu ge mi to so Shekwoyi ɓeda m, mi-i ku kwo gna zaho-zahoyi.

Atnu-tnuyi Aɓozhin 28:28

Mi ye fya kpe ge, gni-gni Shekwoyi nya ye, kwo nyi ntu abyedo ɓo nu ce, ɓai ɓa gwo kwo.”

Atnu-tnuyi Aɓozhin 4:12

Gni-gni to lo n na babaho yin, n Eshe sinta, eye do to lo n aza ɓa yi ɓa pwo nkwo aba m.”

Atnu-tnuyi Aɓozhin 6:7

A da Shekwoyi nabari abaho-bahoi. Aza n mwa ɓai ga gaiciya n Urushelima har du Ayahudiya yi aprist yi.

Atnu-tnuyi Aɓozhin 9:13

Hananiya wa gna ge, Dagayi mi ku aɓo nukwoyi wo n Bulus zhin lo na viyi n Urushelima mi.

Atnu-tnuyi Aɓozhin 9:22

Bulus wa gyi abye n waʼazi yi sosai, har ma wa du a Yahudiyi n ɓa nyi n Damashika nyi, ngye shi wo daɓo tu n Yesu tukwo ge wo nu zhin Masihu.

Akorintiyi I 15:3

Nʼɓo ku gna fye pei-pei, tunyi n kmisunyi, ngye she mi ɓei gwo kwo nge Yesu ɓo lafi ntu yi alaifi ɓo, she littafi ceida

Agalatiyayi 2:5

Ama, yi to ɓei kna ɓa tnubuan kwo fyewyi, gama yi to ɓei n cei pma fya gye ge a bwa gni-gni dna n kaciya zhin mi nun, kwo a Yahudiyi awyidna bwa shin.

Agalatiyayi 3:28

Yi to shan a Yahudiyi nu zhin, kwo a Heleniyi, kwo a fyenu, kwo a puwa dan, kwo a zanugbayi kwo anyikwozan, ama a Yesu viyi, yi zhin gmanyi nu dna n Kristi Yesu.

Agalatiyayi 6:11

Miɓa kma ɓedaye ka n mi abwayi fye gye shi mi kanya nsun-sun.

Afisusuyi 1:1

Eyi anugundo a Yesu viyi n fye fi n Afisusu, fyei vi Dagayi ɓo cici nyi, miɓi fye gna lo. Bulus nu ka ga fye, n Shekwoyi wa kniwo wa ze Yesu Kristi tnu-tnuyi nyi.

Afilibiyi 1:1

Bulus n Timatawus yi, Yesu Kristi a fyenu, eyi nu ka ga fye a Pasto n na abyedo yi n na Yesu viyi vinya n fye fi n Filibi zhi mi nyi.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Akolosiyi 1:2

Kwoi lo eyi azaje aba a Yesu viyi, Shekwoyi aza n ɓa fi n Kolosi zhimi nyi. Fa Shekwoyi eyi Dada wa tu fye anabarka wa nu fye n wo bugba fu dnagmayi.

Atasalunikayi I 2:2

Fye kpelo shi a ɓei zhin yi ɓo n tna bmiya yi n Filibi, kafin yi ɓe ofya ba, shi yi ɓei sin wahala n sun. Ama Shekwoyi wa gayi kala ya je fye waʼazi zhin, koda yake anuwun-yi ɓei sheyi gun.

Timatawus I 1:18

Nsaiye, Timatawus, omi-ɓi, omi gbe ga nyi n ho aba. Sun okun n kalai Dagayi okun, shi Dagayi gna n na annabi egbe nge ho ɓa zhin nyi.

Timatawus I 6:12

Shunkun ga Shekwoyi, la nyima wye-wyeyi nyalo-nyalo nya n Shekwoyi la gaho nyi. N ho ku kwo seida zhin n na za abye n mwa begye nyi.

Timatawus II 1:13

La gaiciya zokwo shi cewo, n mi ɓei wu ho nyi, tun baga gaiciya ga n ye-yei n Kristi bei ga ho nyi.

Titus 1:4

Kwoi lo Titus aba n wo zhin emi oɓi dna n Dagayi zokwo nyi. Shekwoyi Dada n Kristi Yesu eyi gniyi, wo gaho anabarka n bugba fuyi.

Aibraniyi 13:22

Omi-azaje, kna tnubua n ɓo mi ku da dna n wasika ye mi.

Aibraniyi 6:9

Aza to lo n wu ngye ekni nukwoyi ye m? Alo, ama emi azaje fye to wu lo ngye ɓa m. Fye na tnu-tnu manayi lo. Njesun Shekwoyi zhin wa tu fye anabarka.

Bitrus I 5:12

Mi ka fye wasikaye n Sivanus bmazhin yinu, n mi wyegye, wo zhin eyi zado gbenu-yi nu. Mi nna wyetu yi lo mi la bugba kala ga fye dna n wasikaye, ntuge mika seida gaiciya nya ga shi Shekwoyi tu anabarka wu. Nya ma gna fye dna ya nyi kwo kunce lo kwa bma fye zhin fya mi zhin dna wo ye-ye.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Bitrus II 2:21

Kwo ɓei ɓa gna bmiya ngye to wo ye kpe Kristi zokwo yem, afa odo n wo ku kpeye, wa pmi avun wu owa wyidna gyigyi-yi n na ɓei ku gawo nyi.

Yahuda 1:1

Omi Yahuda Yesu Kristi bara n Yakubu madoyi. Kwoi lo a Yesu-viyi n na aba vinya a za ye-yeyi n Shekwoyi wa kni.

Yahuda 1:17

Emi a nugundo, fye pa aɓo n eyi Dagayi Yesu Kristi abara ɓei gna fye.

Yahuda 1:20

Ama efye, emi a nugundo, fye mi fyehin fi n tushi eyi gaiciya ga gyi-gyi nya, fyei tumwi fyei zhin aduwa dna n Zafun Gyi-gyi-yi iko, n kalayi.

YOHANNA ƁEWYEGYE 12:11

Ɓa gyi nasara n wo tukwo n kugya ami yi nu, n ɓa seidayi gama ɓato ye ɓa wye-wyeyi m, ɓa gakwo ntu wo ɓo.

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.