Yahuda 1:1 - Alkawali Woiwoyi

¹ Omi Yahuda Yesu Kristi bara n Yakubu madoyi. Kwoi lo a Yesu-viyi n na aba vinya a za ye-yeyi n Shekwoyi wa kni.

Yahuda 1:1 Iomraidhean Croise

Matta 13:55

Ɓa nya ge, “Wo mi n wuna woi zhin lanya? Kafinta nugun nu to bwa gnin? Owo ya ai yi ge Maryamu n? Owa zaje nu to n Yakub yi Yusufu yi, n Siman yi ɓedo n Yahuda yi n?

Yohanna 12:26

“Oza nu nwo ye wa ze mi ʼbaratile wa vi mi n saho-sahoi. Oza nu nwo ɓa ze mi bara, Dada ɓa ga wo mwa-mwa.

Yohanna 14:22

Yahuda (to ge Iskariyoti m) wa nya wo ge “Dagayi, ntu kni ɓei nu ha wu hohin tukwo n yi aba, to ha wu azajem ma?”

Yohanna 15:16

Ofye ye nu to kni mi m! Omi nakni fye! Nabai fya lo fye ga gyi-gyi manayi. Nabai nyaho-nyahoi nfya gyiwye dna nmi eye, Dada ɓa ga fye kwo.

Yohanna 17:15

Mi ta zhin aduwa ge ɓa kun ɓa nanyi num, ama ha kna ɓa n shetan iko.

Yohanna 17:17

Ze ɓa gyi-gyi-yi n gaiciya yi, oho ɓeda nu zhin gaiciya.

Yohanna 17:19

Mi la mihin ze gyi-gyi-yi ntu ɓa ɓo, nnabai ɓahin ɓa ze gyi-gyi-yi dna n gaiciya.

Yohanna 6:39

Shekowyi ɓeye nu nyi ge, To zaknayi wa bwi, dna n na aza n wa gami nyi m. Ama ma ku ɓa kala lo wye-wyeyi nyalo-nyalo nya, n nyipyei kmaknayi.

Atnu-tnuyi Aɓozhin 1:13

Ɓa lo ɓa ku fi n nyakun ʼshe ɓai zhin adduwa.

Atnu-tnuyi Aɓozhin 20:32

N sayi ma fa fye n Shekwoyi akun n wo ɓeda yi, n kwo iko yi kwa mi fye gaiciya ga, wa ga fye gado anabarka nwo cei zhin shiri a owo aza nyi.

Atnu-tnuyi Aɓozhin 27:23

“Ntu ge nsukwoyi naiye, Malaika omi Shekwoyi nya, n mi zhin wo bauta nyi, wa ɓe mi aba.

Aromayi 1:1

Anugundo ye-yeyi n fye fi n Roma nyi, Wasikaye gmi n Bulus akun nu, Yesu Kristi bara kni-kniyi ntuge wa zhi waʼazi, Shekwoyi Nabari manayi nya.

Aromayi 1:6

Ofye, anugundo ye-yeyi nfye fi n Roma nyi, fye filo n na aza n wo ye, Yesu Kristi n la fye yi fya ze Shekwoyi anya, owo aza Gyi-gyi-yi. Shekwoyi sun-sun-gye n bugba fuyi vinya n ɓakun n Shekwoyi eyi Dada n Yesu Kristi, eyi Dagayi yi aba ɓa ze fye nya.

Aromayi 16:18

A zayi pya ta zhin tnu-tnu ga eyi Dagayi Yesu nun, ama ɓaye gyiba ga ɓahin nu. Ɓa zhin a ɓeda kpedayi nu, aza nɓato ceceyin, ɓata wo ɓa kwoce dnan.

Aromayi 6:22

Ama n sayi ye fye la kun n laifi iko, fye ku zhin Shekwoyi abara, owo gyiba nwo ga fye okwo nu gyi-gyi n wye-wyeyi nyalo-nyalo nya yi.

Aromayi 8:30

Shi wa kni yi, wa yi yi nge yi ɓe dawo, sanu n ya ɓe ncei wa ze yi ge, “tna laifi da,” Wa nuyi n Kristi ɓemanayi wa gayi agni-gni manayi n wohin yi, wa zhin yi alkawali owo mwa-mwa nya.

Akorintiyi I 1:2

Kwoi lo Shekwoyi aza ʼba n Korinto, n Shekwoyi wa yiɓa ɓa ze Wa za, Woi la ɓa gwo dna n Yesu Kristi mi. Kwa lo aza ba vinya njesun nɓa yi Yesu Kristi, eyi Dagayi nɓa nya yi.

Akorintiyi I 6:11

Esa lo n na zaho ɓei bwa wu lonu n fye mi, ama n sayi ala fya laifi zhan ya, a la fye kni ntu Shekwoyi ɓo. Wo la fye gwo ntu nya ɓo n Dagayi Yesu Kristi n Zafun Shekwoyi nya yi wa zhin nfye ɓo.

Afisusuyi 5:26

Wa zekwo gyi-gyi yi ntna cegye, n zhan-zhan yi ya n batisma yi n Shekwoyi ɓeda yi.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Atasalunikayi I 5:23

Fa Shekwoyi bugbafu nya n wohin tukwo wa ze fye agyi-gyi-yi. Fa efye zafun, wye-wyeyi, n nayi ɓa bwa kala n tna laifi, har ewyi n eyi Dagayi Yesu Kristi ɓei jezeɓe n cei.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Timatawus II 4:18

E, Dagayi ɓa gni mi n na aɓo nukwoyi vinya, wa lo mi dna n wo ebemi eshe nya. Mwa-mwa kwo kunsun n Shekwoyi nyalo-nyalo. Amin.

Aibraniyi 3:1

Ntu deye ɓo, ema zaje Gyi-gyi-yi, yi zhin Shekwoyi aza kni-kni yi nu. Fye ku efya bugba ga Yesu na tnu nwoi nyi. Eyi pirist dnagmanyi gaiciya ga nya.

Yakubu 1:1

Wasika ye gmi n Yakubu akun nu, Shekwoyi bara n Dagayi Yesu Kristi nya yi. Kwoi lo a Yahudiyi a Yesu-viyi aba, n ɓa busi yafi laɓa nyi, mi tnu fye lo n gnaɓiyi.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Bitrus I 1:5

Shekwoyi, dna n wo iko yakwo, wo ɓa shi fye bwa fya si ɓo n lafiyai n nabai fya bwa fya si ɓo n lafiyai n nabai fya bwa kwo, ntuge fye kpema wo lo. Kwo ɓei ze ofye nya dna n nyipyei kmaknayi n kwo ɓelo nyi zaho-zahoi wo gye.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Yahuda 1:21

Fye ku fi aba n Shekwoyi ye-ye nyi, Wa tu fye anabarka, fye pmi n hakuri yi, wye-wyeyi nyalo-nyalo nya n eyi Dagayi Yesu Kristi dna n wo sun-sun gye ye wo ga fye nyi.

Yahuda 1:3

Omi anugundo ye-yeyi mi zhin shiri maka ga fye ntu n gni-gni ɓo n Shekwoyi la gayi, Ama nsaiye kwo la ze dole ma ka fye n nyaho tukwo gbo, ma gna ge fye sunkun n wyei bmi ntu n gaiciya ɓo n Shekwoyi ɓei ga owo aza, bwa sun gmanyi, ɓa shikwo ntna doshanyi, aye yi mwa begye.