Bitrus I 1:3 - Alkawali Woiwoyi

³ Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.

Bitrus I 1:3 Iomraidhean Croise

Yohanna 1:13

Aza nɓa ga wo gaiciya ɓa ku zhin aza n na la ɓa shan ma. Toge nayi nami nu, kwokuwa n za ɓemwi m, ama Shekwoyi na ma ɓa dna n wo ɓe ye.

Aromayi 12:12

Dagma n tu nyaɓo n Shekwoyi z hin gaho, zhin hakuri n wahalai, ha zhin aduwa ci-ci.

Aromayi 15:13

Nlonu mi zhin aduwa ga fye abyedo, n na bai Shekwoyi n wo gafye awye tunyi, wa ga fye a gmada n bugbafu yi, shi fya gawo gaiciya. Mi zhin aduwa n Shekwoyi ɓa nu fye n awyetu yi dna n Zafun Gyi-gyi-yi iko n wo dna n fye nyi.

Aromayi 4:25

Wo ɓei fi ntu yi alaifi ɓo wa laka n vingwo ntu ge wa ze yi aza ye-ye yi n Shekwoyi aba. Woi nu yi n Shekwoyi ɓe manayi.

Aromayi 5:10

Tunyi, yi ye zhin wo anuɓayi, a jeze ɓe n yi n Shekwoyi aba, ntu n wo Nugun efi ɓo. Anabarka yakwo nu, n yi ɓa gna bwa n sayi n yi ku zhin wo anugundo nyi, woi dna lo n yi mi.

Aromayi 8:11

Ndei Shekwoyi Zafun nwa la Yesu kala n efi nyi, n dnalo n fyemi wo ɓa zhin ofye a nayi fifiyi, ɓa bwa wye-wyei nfye efi avun, ntu n zafun ye ɓo n wo dna n fye nyi.

Aromayi 8:24

A gniyi n gaiciya ga mi nu, gaiciya zhin awyetu nya n yi to ncei lo nsayi yen. Oza n wo n nyayi wota shan awye tun, waga gaiciya nge wo ɓa bwa kwon.

Akorintiyi I 13:13

Nsaiye dei aɓo ngnu-ata nu mizhi lo-oɓa nuzhin; gaiciyaga, awyetu, n yeye yi; nya ko dulo vinya, ko nu zhin yeye.

Akorintiyi I 15:20

Ama gaiciya nu ge Yesu la lakala n ʼfi. Deye kwa wu nu ge wola ze kmisunyi n naza mi nɓa ɓa kukala n ʼfi nyi.

Akorintiyi II 1:3

Yi zhin Shekwoyi godiya, owo nu n wo zhin eyi Dagayi Yesu Kristi Dada nyi. Ntu ge bmazhin vinya gmi nwo aba nu.

Agalatiyayi 6:16

Shekwoyi sun-sungye n bugba fuyi ɓa kunsun n fyei, nfye wan zokwoye na zayi nɓa zhin Shekwoyi a nya na baho-bahoi vinya.

Afisusuyi 1:3

Yi ci Shekwoyi lo, eyi Dagayi Yesu Kristi Dada n wa tuyi anabarka n anabarka doho-dohoi n shemi, ntuge yi zhin Kristi a nya nu.

Afisusuyi 1:7

Owo alheri mwa lo n yi aba har wa eyi alaifi kuya n wo Nugun ami yi, oza n wa gni yi nyi.

Afisusuyi 2:4

Ama Shekwoyi n sun-sun gye mwa, wa yeyi n mwa.

Afisusuyi 3:20

Nsaiye, mwa-mwa n Shekwoyi aba, n wa lo tnu-tnu n wo ikwo dnagmayi n yimi, wo ɓami wa zhin enya ndu ngye shi yi ɓa mi ya nya, kwo ya nuna n duyi aduwa dnagmayi zhin, eyi aɓo pwawo nubo zhin, n ya awyetu yi.

Akolosiyi 1:23

Nya gmanyi, okwo nu fye ku gaiciya ga, fya ku mi zhin kwo, n kalayi dna n Dagayi fya ku tabata Nabari manayi nge Yesu ɓela fi ntu n fye ɓo, to fya shan-shan, n wo gaiciya ga wa gni fyen, Nabari wowoyi n kwo ɓei ɓe fye aba, kwoi laɓa lo nsaiye n na anyi, emi Bulus, mi na agmadai lo ma gna azaje.

Atasalunikayi I 1:3

Yi ta ze ofye atnu-tnu ye-ye nya amwi, esa n yi daɓo n Shekwoyi Dadayi, ntu fye ɓom, nfye gaiciya ga kalada yi, nfye awyetu yi nfye cei ntu Dagayi Yesu Kristi jezeɓe ɓo nna anyi nyin.

Atasalunikayi I 4:13

Nsaiye, omi azaje, mi n cei pmalo fya kpe oɓo n kwo bwa Yesu viyi, esa n wa fi n cei. N na abai n kwa bwa fye, fyeta wun bugba n duwyin, ngye aza n ɓato n na awyetu yin.

Atasalunikayi II 2:16

Eyi Dagayi Yesu Kristi n wohin tukwo n Shekwoyi eyi Dada, n wa ye yi wa gayi atnazhin nyalo-nyalo nya n na awyetu yi n yi to kunce ya bwan.

Timatawus I 1:14

O, eyi Dagayi, zhin alheri danu gama wa wumi shimi ɓa kpema wo, ma nu n Kristi Yesu yeyeyi.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Aibraniyi 3:6

Ama Yesu ɓei zhin gaiciya tu Shekwoyi puwa ntu ge wo zhin nugun nu. Yi zhin wo azanu n ya mi dna gaiciya, har nyalo-nyalo.

Yakubu 1:18

Njesun nyipyei a gmadanya nu n wo aba ewyi n wo ɓei gayi awye-wyeyi woi-woi n cei nyi, ntu gaiciya owo ɓeda nya ɓo, ya ku ze, aɓo kmisunyi, Owo puwa woi-woi nya.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 1:21

Ntu cenu efye gaiciya ga nyi n Shekwoyi nu n wo ɓei la Kristi kala n efi, wa gawo mwa-mwa n jesun nyi. Nsaiye efye gaiciya ga n na wyetui ɓa bwa kpema n wo nu gmanyi.

Bitrus I 1:23

Ntuge fye n wye-wyeyi woi-woyi lo, fye to ɓei bwakwo n fya zakwoyi nun, ntuge wye-wyeyi n ɓa ɓei ga fye nyi kwo ɓa zo, woi-woyi deye ta shan zon, ntuge kwo gmi n Kristi nu - Shekwoyi Ɓeda wye-wyeyi n na za aba.

Bitrus I 2:2

Nsaiye shi fye kpelo shi Dagayi ye fye nsunyi, fye ku ɓenukwoyi ya vinya, kwocedna, eshe, n na katai. Fye zhin atna fya mwa fi n fye gnigni, fyei zan madara zafun nya shi n bwi-ci yi, she oɓi zhin wa cibwi woi zan ɓeɓe shin nyi.

Bitrus I 3:15

La Kristi shi nho bugba mi n gyi-gyi-yi ngye Dagayi. N zaha nyaɓo nko zhin hoi kpema wo lonu, ha gni n shiri yi zhin n saho-sahoi yi ha gna wo dna na tna n mwa-mwa gai ɓe.

Bitrus I 3:21

(Nlonu batisma zhin dogbe, dna n batisma, yi wu ge alayi gni n efi n bwi-bwi yi dna n Kristi kalala n vingwo; to ntuge ala nayi cegye shinya n, ama ntuge dna n batisma zhin, yi pmi awye wu Shekwoyi nu, yi ɓa wo wa zhan ya bugba ya n laifi.)

Bitrus I 3:5

Ntuge anyikwoza agyi-gyiyi sapa-nya, nɓa ɓei na wyetu yi n Shekwoyi aba nyi, ɓei zhin ɓahin nyigun lainu–ɓa ku ze oɓa ʼɓa ɓeda-viyi.

Yohanna I 2:29

Shi yi kpelo ge Shekwoyi zhin oza manayi nu, woi zhin ɓemana n esai vinya, yi ɓa mi ya ci ge, aza nɓa zhin ɓe mana, ɓa zhin owo aɓinu.

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.

Yohanna I 3:9

Oza n na la wo ma dna n Shekwoyi aɓi wo ta gyi abye n laifi zhin yin, ntuge nsaiye Shekwoyi wye-wyeyi dnalo n wo, ntuce wo ta gyi abye n laifi zhin yin, ntuge ala wye-wyeyi woi-woyi ye ma dna nwo, kwoi wanwo shi, alawo shanma.

Yohanna I 4:7

Emi anugundo, yi tumwi ya ye n na ajeyi, gama ye-ye gmi n Shekwoyi abanu, aza nɓa ye n na zayi, ɓai zhin ɓemana ɓa wunu ge ɓa zhin Shekwoyi aɓi nu, ɓai zhin atnalo ɓaye kpewo ye lo na bye.

Yohanna I 5:1

Nza ga gaiciya ge Yesu nu zhin Kristi, woi zhin Shekwoyi Nugun nu n ho Gniyi, agye ho zhin Shekwoyi ɓinu. Oza n wo ye n Dadayi, wo ye lo nu n wo Nugun yi.

Yohanna I 5:18

Oza to lo n wo la zhin Shekwoyi oɓi n wo ɓa gyi abye n laifi zhin, gama Kristi, Shekwoyi Nugun, wo yi shilo n kalayi, shetan ta mi wa to wo bwan.

Yohanna I 5:4

Gama Shekwoyi ʼɓi doho-dohoyi ɓami wa vi wo, woi gyi nasara n laifiyi, n na shakpe nukwoyi anyi nya yi, n wa kpema Kristi ntu ge wa bma wo zhin.