Afilibiyi 4:9 - Alkawali Woiwoyi

⁹ Fye gyi abye n na aɓe zhinyi n fye ɓei tumwi n mi, fya gye mi mi-i zhin.

Afilibiyi 4:9 Iomraidhean Croise

Matta 1:23

“Wo! Ɓinyikwoi ɓa gni n nuboyi! Wo ɓa ma eɓi nugbayi, aɓa yi wo ʼye Immanuel” (watau “Shekwoyi kun-sun lo yi”).

Matta 28:20

Fye wu ɓa ɓa vi awyidna n Mi ku ga fye nyi, fye ku kpe ge Mi gnisun lo fyei ci-ci har anyi zo sa.”

Matta 7:21

“Aza vinya nu to n ho gye ɓa ge ɓa zhin a Yesu viyi nu m. Ɓa yi mi ge, ‘Dagayi, Dagayi’ ama ɓa ta lo she m, ntuge ɓenya gmanyi nu shi. Kwo ɓa vi emi Dada ɓeye lo n wo dna n ʼshe nyi.

Luka 6:46

“To, kni nu zhin fyei yi mi ge, ‘Shekwoyi’ to fyei vi mi ɓeye ma?

Luka 8:21

Wa cige, “Aza n ɓa wo Shekwoyi ɓeda ɓai zhin ko njesun, oɓanu zhin ʼmiya n mi amado yi, njesun.”

Yohanna 13:17

Shi fye ku kpe lo nu nyi, fye ɓa bwa anabarka ndei fya zhin lo nu.

Yohanna 15:14

Fye zhin omi anugundo nu, ndei fya zhin ɓo nmi ye.

Yohanna 2:5

Yesu ʼya wa gna atnu-tnui ge, “ɓo wa gna fye ge fye zhin, fya zhin.”

Atnu-tnuyi Aɓozhin 9:6

“Laka ha lo zhimi n ɓo gna ho nya miye.”

Aromayi 15:33

Nsayi ye, Shekwoyi n wo ga bugba fu nyi, wo kun sun n fyei.

Aromayi 16:20

Safyewyi, Shekwoyi bugbafu nya wo ɓa bma shaitan ya n fya pita sin ta. Anaɓarka nɓa kun n yi Dagayi Yesu Kristi aba ɓa kun-sun n fyei.

Akorintiyi I 10:31

Ntucenu, nyaho-nyahoi n ho ɓa zhin, ko hoi gyi nu, ko hoi sin nu, zhin ko ntuge ha ga Shekwoyi mwamwa.

Akorintiyi I 14:33

Ntuge Shekwoyi to yi yi ntu naɓo ajegmi ɓo nu m, ama n bugbafu ɓo nu, ngye shi ko nyi n na ikklisiya aza Gyi-gyi-yi nya vinya.

Akorintiyi I 4:16

Ntuce nu mi gyi fye wye, fye tumwi n mi, fya zhin she mi zhin.

Akorintiyi II 13:11

Mi zo emi wasika n na ɓe da ye yi. Fye da gma fye mwa fi n Kristi fye kna aɓo tunbua n mi ku da nyi, Fye sase n bugba-doloyi, n bugba fuyi. Shekwoyi ye-ye nya, n bugbafu nyayi wo kunsun n fyei.

Afilibiyi 3:17

Emi azaje, fye se ase n gye emi, n na ajeyi.

Afilibiyi 4:7

Nfya zhin lo nu fye ɓa bwa Shekwoyi bugba fu, n kwo du gbagyiza bugba kala wa kpe kwo ye. Owo bugba fu ɓa wan fye anubo zhin shi, efye abugba ɓa bwa sunsun, fyei ya ga Kristi gaiciya.

Atasalunikayi I 1:6

Ntu ce nu fye ku ze eyi aviyi n Shekwoyi anya yi, ntu ge fye ɓei la eyi ɓeda gwo n bugba buibuyi n Zafun Gyi-gyi-yi aba, to fyei gye efye anuwan n wahala yi nbugbawun yi n kwo ɓei ɓe fye n ce yin.

Atasalunikayi I 2:14

Njesun emi azaje fye ku wahala sin shi ikklisiya n Yahudiya ɓei sin nyi. Wahala nfye aza akun, shi ɓa ɓei sin wahala n na a Yahudiyi akun nyi.

Atasalunikayi I 5:23

Fa Shekwoyi bugbafu nya n wohin tukwo wa ze fye agyi-gyi-yi. Fa efye zafun, wye-wyeyi, n nayi ɓa bwa kala n tna laifi, har ewyi n eyi Dagayi Yesu Kristi ɓei jezeɓe n cei.

Atasalunikayi II 3:4

Yi n gaiciya ga yi lo ge, fye zhin aɓolo n yi ɓei wu fye nyi, fya zhin ɓa cici.

Timatawus II 4:22

Dagayi Yesu Kristi wo kunsun nfye zafun yi.

Yakubu 1:22

Fye pa ge ɓeda nu n oza ɓa zhinkwo, to ge oza knatun-bua kawai n, Ntu cenu fye to dna fyehin kwocen.

Bitrus II 1:10

Ntucenu, oma zaje, fye zhin tnu-tnu fya fyehin yi, fya wu ge fye filo n naza n Shekwoyi wa yi, woi kni. Nlonu fye ta ce bwonyin, kwo fya miyan.

Yohanna I 3:22

Ya bwa enya n yi nya, ntuge yi vi wo ɓo lo, yi zhin oɓo n wo ye.