Afilibiyi 4:8 - Alkawali Woiwoyi

⁸ Nsaiye emi azaje, shi mi zo wasika ye nyi, wuye ma gna fye ɓeye n kma-sun. Fye la wye dna n gaiciya, ni ɓoyi n kwo bmiya. Fye zhin aɓo nubo n ɓa gyi-gyi-yi n bmiya, anya n ɓa gyi-gyi-yi n fi n na azaje, fye zhin nubo n nyai n fye ɓa ci Shekwoyi, fyei dagma.

Afilibiyi 4:8 Iomraidhean Croise

Matta 22:16

Ɓa ku shaula zhin ge, ɓa tnu n ɓa zayi ɓedo na siyasa-da yi, ɓo nya wo ɓeye: “Zadnagmai, yi kpe lo ge ho da gaiciya ko ai ɓa tu ho ʼbe nu sha, ntna dna, to hoi kni-kni m.

Markus 6:20

Hirudus ɓei zhin woi ga Yohanna mwa-mwa, woi kpe ge wo zhin oza befyecei nu nza gyi-gyi-yi, wa wo kna. Wo ɓei zhin woi ye wa wo Yohanna ɓeda, ama shi wo ku wo kwa gna wo gna-gna nwo mi.

Luka 16:15

Nsayi Yesu wa ciɓa ge, Fye zhin aɓo ngye aza manayi, har ai ga fye mwa-mwa, amma Shekwoyi kpe fya bugba nukwoyiye lo. Ntu ge oɓo nkwo zhin ngye ɓemanayi nna zaba kwo zhin laifi nu n Shekwoyi aba.

Luka 2:25

Nwyihi kwa ozaho ai yi wo ge Simon n dna n Urushelima wa ɓe aduwa nyakun. Wo ɓei zhin oza manayi nu, woi wo Shekwoyi dna n nu-nuyi n zafun yi woi pmi Yesu ɓeɓe dna anyi.

Luka 23:50

To, zaho ɓei nyi ai yiwo ge Yusufu, woi gmi n Ezhi ho ai yikwo ge Arimatiya. Wo ɓei zhin oza manayi nu n hankali yi sosai woi pmi Shekwoyi ebemi, ɓe-be ɓo. Ko shiko nyi wo ɓei dna n aza n ɓa ɓei zhin shawara ge a wu Yesu nyi wo to ɓei vi n ɓanya m.

Yohanna 7:18

Oza nwa da ɓeda ntu wohin tukwo ɓo, wo ye mwa-mwa n wohin ɓo nu, ama, oza nwo zhin tnu-tnu ntu oza latu ɓo nwa tnu wo nyi, wo nu zhin oza gaiciya da nza manayi.

Atnu-tnuyi Aɓozhin 10:22

Ɓa gna wo soja tukwoda ɓo nu, Shekwoyi dnawoyi ngye shi malaika ɓe wo aba wa wu wo Bitrus aba wa ɓe ntu ge wa wu wo enya n Shekwoyi ye wa zhin.

Atnu-tnuyi Aɓozhin 22:12

Hananiya ɓei zhin Shekwoyi za nu woi vi a Yahudiyi o wa, ɓai kpe wo ye vinya n Dimashika ntu wo hali manayi ɓo.

Atnu-tnuyi Aɓozhin 6:3

Fa ya kni aza tnaba eyi m. Aza nɓa nunuyi n Zafun yi! N nyagyi ɓo.

Aromayi 13:3

Gama abusi-ɓiyi-da ta wan aza n ɓa zhin ɓefyecen, ama oza n wo zhin ɓenukwoyi tilas nu wa wo wo dna. Shi awyi-dna bwa ɓoho ta bwa hon.

Aromayi 14:18

Nfya fa Kristi wa zhin Dagayi dna n na ɓeye vinya, aɓa da Shekwoyi. N na azaje yi.

Aromayi 2:29

Aʼa, Oza n wo bugba wulo cewo n Shekwoyi aba, wonu zhin Yahudiyi hin-hin. Ntuge Shewoyi ta dna aza wye nu n ɓa sa ɓa nayi yan n Kaciya zokwon, ama wo dna ozanu wye n wo bugba manayi. Oza n wo bugba do shanye kpe n wo wye-wyei mi wo ɓa bwa latu n Shekwoyi abanu, to ge n fye abam.

Akorintiyi I 4:5

Ntu cenu fye to zun-ɓo ya wolo wolo, to Dagayi yi zhim, tu n zahozahoi tukwo ko wo zhin bara manayi nu ko nukwoyi m. Shi Dagayi ɓei ɓe, wo ɓei kpe buzangna ya a gye shi zaho-zahoi wu lo har bugba mi. Zaho-zahoi ɓei kpe sayi nya ko zhin yi zhin Dagayi tnu-tnu. Dna sayi nu n Shekwoyi ɓei ga zahozahoi wo cici n ko zhin wo nya.

Akorintiyi II 13:7

Mi zhin aduwa nge fya se ase manayi, to ge ya bwa enya n yi ɓa gma n cei n, koi wu nge enya n yi wunyi ko zhin gaiciya nu. Awo, gama yi n cei pmalo fya zhin ɓemana kwo ai ci yi wyegba.

Akorintiyi II 6:8

Nsahoi a gayi mwa-mwa, sahoi kwa a ciyi wyegba; Nsahoi a kpeya gye, nsahoi a layi tu. Kwo shi kwo nyi yi da gaiciya, a zhin a gye yi ngye aza kata.

Akorintiyi II 8:18

Mi tunlo n gnisun nwoyi zado, ye-yeyi, Nabari manayi waʼazi zhin dna n na ikklisiya vinya.

Akorintiyi II 8:21

Shekwoyi kpelo shi gaiciya sun. Mi n cei pmalo aza vinya ɓa kpece, cenu a zhin yi zhin shiri deye.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Afisusuyi 4:25

Fye to zhin akata cefi ajen, fye da gaiciya, ntuge yi zhin aje aga nu, idan ya ce a kata fi aje yi kni aje bugba nu.

Afisusuyi 5:9

Ntu n buzagna ye ɓo n kwo dna n fye nyi fye bwa enya nu zhin n kwo bmiva, n nya yi n kwo zhin gaiciya.

Afisusuyi 6:14

Ama ntuge fya mi fya zhin n lonu, tile fya pa shinpanya wao gaiciya n fye eshin, fya ku kpata wato ɓefyece kpe n na agu n Shekwoyi ɓoye nya.

Afilibiyi 3:1

Ɓeho-ɓehoi n kwa zhin, emi anugundo fye dagma fi n Dagayi, ata ɓe mi n fye ce gna yi n. Kwo bmiya lo n fya ba fya wo ce ci.

Akolosiyi 4:5

Fye zhin apma n esa yi n fya bwa vinya, fya gna aza nabari manayi, fye la ce, shi fye daɓo n ɓai n wu.

Atasalunikayi I 4:12

Nnabai aza nɓata vi Yesun ɓa ga fye gaiciya ɓa ga fye mwa-mwa, n fye ta zhin akma fya kpema aza ntu fye bukata ɓom.

Timatawus I 2:2

Zhin aduwa ntu asu ɓo, na za yi n ɓa zhin a iko da vinya tu n yi eshe, kwo n ɓa n na tnu-tnu yakwoi shi, n na abai n yi ɓa sase n lafiyai, n bugba-fuyi, ya se ase manayi yi zhin nubo n Dagayi ɓo.

Timatawus I 3:11

Oɓa anyikwo ɓaku ɓahin wan shi to ge a jesin yakwo yin, to ge a ɓo shanyi n, ama a gaiciya da dna na aɓo vinya n ɓa zhin.

Timatawus I 3:4

Owo apuwa da ɓaku ze aza manayi, hankali da n na aɓiyi n ɓa vi ɓo n pye, n tna gnunu-gnunu dayi.

Timatawus I 4:12

To ye zaho wa ci ho wyegba ntu ge hoye zhin ɓinuyin. La ze ɓa ɓemwi-tu nya. Fa ɓa vi ho nya wu n ho ase-sei, la ze ɓa efye dna n yeye, nho gaiciya gayi, nho aɓonubazhin manayi.

Timatawus I 5:10

Azai dawo ɓeda manayi ntu n wo atnu-tnu manayi ɓo n wo ku zhin, woku owo aɓi shi n bmiya? Woku ɓemana zhin a zhiɓei n na a Yesu viyi ajeyi? Wo ku bma a nyasan yi zhin n na bugba wunyi? Wo n cei pma n sai vinya wa zhin ɓemana?

Timatawus I 5:2

Zhin anyikwoza anyigbakwoyi ɓo ngye oho aya, aɓi anyikwoyi n gye oho amapui, hoi zhin nubo manayi n ɓa tukwo.

Titus 1:8

Ɓa ze azhiɓeyi goyi n ɓa puwa, ɓa ye enya n kwo bmiya ɓa ze aza awyega da, ɓai zhin ɓo n kunce, ɓai zhin aɓo manayi nubo to ge a tukwo-gnana kwoyin.

Titus 2:14

Wo ɓei fi Zafun Gyi-gyi-yi nya n yi abugbami dna n Shekwoyi owa ntu yi alaifi ɓo nu, n na bai wa gni yi to ya je kayafi n laifi ci-ci, wa ze yi owo aza, n na abugba manayi n pwa wo yi, ya zhin azaje ɓemana.

Titus 2:2

Wu azakwoi ɓa ku ɓahin wanshi, ɓai zhin ɓe manayi, ɓai kpe gaiciya ye ɓai zhin ɓeho-ɓehoyi n ye-yei n bugba bwayi.

Titus 2:7

N ya tilas ohohin ha ze efye manayi dna n na aɓo vinya. Fa nyaho-nyahoyi n ho ɓa zhin kwa wu n ge ho ye gaiciya lo n nwyeyi kana.

Titus 3:14

Gama tilas eyi aza ɓa tumwi ɓa bma aza zhin n ɓa kunce a bma ɓa zhin, nɓa wye-wyeyi ɓa zhin ampanyi.

Aibraniyi 11:2

N sapai aza ɓei nyi n gaiciya ga yi sosai. Aɓei zhin a kpe ɓa ye ntu ɓa gaiciya ga ɓo.

Aibraniyi 13:18

Fye zhin aduwa ntu yi ɓo, yi ye ya zhin tnu-tnu ɓehinhin nya nu n ɓefyece yi.

Yakubu 1:27

Yesu-viyi nwo gyi-gyi-yi ntna aɓe nya n Shekwoyi Dada awyeba, ozanu n wo shi a kuwyi bwa, n na anyigbayi, n zayi n wo kpema Dagayi n gaiciya yi, to wun-wun yi ya, kwo n tucegye n na anyi nya yin.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 4:8

Nya kwo du vinya, fye gyi abye fyei wu aje ye-ye dnagmai ntuge yeye zhin kwa pui alaifi nya mwa begye.

Bitrus II 3:1

Omi wasika bayi nyi nfyaba, oma zaje, n ɓa gun aba mi, mi zhin atna ma cefye ɓe pa n fya yemi, nna nyaɓo n fye shin ye kpelo, aɓo n fye ɓei tumwi n na anabi agyi-gyi-yi aba n ʼyi ɓedo atnutnu-yi, n ʼyi ɓei ɓe fye n ɓeda eyi Dagayi, n Gniyi nyai nyi.

Yohanna I 3:18

Omi aɓi, yi fa ɓeda ɓo n gbeyi ge yi ye eyi azaje lo, yi ye ɓa cewo ya wu ɓa n yi aɓo zhin-zhin.

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.

Yohanna I 4:1

Omi a nugundo ye-yeyi fye to ga aɓo vinya gaiciya nfye won, ntuge aza gna fye ge Shekwoyi ɓeda nun fye mwi kwo kpa fya gye kwo Shekwoyi ɓeda nu. Gama anya wuyi a katayi lo.