Afilibiyi 4:3 - Alkawali Woiwoyi

³ Ma gna fye, emi a tnu-tnu kun-zhin yi n gaiciya yi, fye bma anyikwoza ye zhin. Ntu ge ɓa ɓei ku tnu-tnu kun zhin n miyi dna n Nabari manayi waʼazi zhin. Ɓa tnu-tnu ngnisun zhin Klement n mi azaje yi n ɓa aye kafi lo n lifafi wye-wyeyi nya nyi.

Afilibiyi 4:3 Iomraidhean Croise

Luka 10:20

Alijenu nɓa vi fye aɓeda nyi kwo to zhin nyaho nu m, ama oɓo kpakalayi okwo nu nyi ge aku efye aye ka fi nshe.

Aromayi 12:1

Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye?

Aromayi 16:12

Fye ɓi Tarifaina gna n Tarifusayi Dagayi a tnu-tnuyi, n Barsisa yi n wa zhin tnu-tnu mwa ga Dagayi nyi.

Aromayi 16:9

N Urbanus yi eyi tnutnu kunzhin yi, n Istakiyi oza yeye yi.

Afilibiyi 1:12

Mi cei pma lo fya kpe, omi azaje, aɓo vinya n ɓa bwa mi ya, kwo la ze apma nya kwoi zhin aza ɓai wo Nabari manayi Kristi nya.

Afilibiyi 1:16

Ɓai zhin waʼazi ntuge ɓa yemi, gama ɓa kpe lo ge Dagayi wa ɓe miyi n ya wa zhin apma n miyi ma kna gaiciya. Azaho zhin waʼazi ɓa zhin mi ma wo she, ɓai gye ge oɓa abye gyi ɓa ɓemi bugba zhizhiyi dna n Kurkuku ya.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 1:5

Ntu fye bmazhin ɓo, fyei zhin aza ɓai kpe Nabari manayi, Kristi nya ɓeye, tunyi esa n fye ɓei wo har nsai ye.

Afilibiyi 1:7

Kwo wulo cewo ma wo n mi mi ntu fye ɓo ngye shi mi wo nyi, ntuge, fye dnalo n mi bugba mwa. Yila gni bwa ngnisun Shekwoyi anabarka esa n mi ɓei dna n Kurkuku nyi, n esayi n mi ɓei la gmi nyi. Mi-i sunkun ntu gaiciya ɓo mi-i gna aza Kristi nabari.

Afilibiyi 4:2

Mi cei pma lo ma tna Afodiya abwa n Sintikiyi, mi gyi fye wye dna n Dagayi fye to je anya wun. Fye ku ze anugundo n jesun.

Akolosiyi 1:7

Abafras, eyi za yeyei, tnu-tnu kunzhin yi, owo nu ɓei ɓe fye n Nabari manayi yei. Wo zhin Yesu Kristi fyenu gbenuyinu. Wo lo woi bma yi zhin n ya nfye maimako.

YOHANNA ƁEWYEGYE 13:8

A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.

YOHANNA ƁEWYEGYE 17:8

Wo ɓei n wye-wyeyi ama nsaiye woto lon. Ama esafyewyi woɓa gmiɓe n bwokun tna cei, walo bwi-bwi nyalo-nyalo nya. N azai nɓa fi n anyi n ɓa aye to kafi lo n Littafi wye-wyeyi nya nyin, kafin a zhin anyi, ce ɓei woɓa nɓa ɓei gyewo n wo efi avun.

YOHANNA ƁEWYEGYE 20:12

Ma gye azafi, adnagmayi n aɓiyi n gni a gni zhi n Shekwoyi abye, a gu a Littafi ya, n littafi wye-wyeyi nyai ɓe. A da azafi owa n nya yi nkwo kafi n na a Littafi yi mi, zaho-zahoi shiwa zhin n wu.

YOHANNA ƁEWYEGYE 20:15

Oza n na to gye owo eye kadna n litafi wye-wyeyi nyan a shewo ya dna n anapi–Ena zun–dna.

YOHANNA ƁEWYEGYE 21:27

Ato ɓei ye n nyaho-nyahoi n kwo zhin nukwoyi nɓon, ɓenukwoyi-zhinyi kwo tnagaiciya da to ɓei lo ɓon sai aza nɓa aye kafi n Kugya Litafi wye-wyeyi nya.

YOHANNA ƁEWYEGYE 3:5

Ozahozahoyi n wa gyi nasara, aɓei kpewo aje abuyi, mi to ɓei wun owo eye ya n Littafi wye-wyeyi nyan, amma mi ɓei zhin wo se-ida n emi Dada abye n wo a malaikayi nge wo zhin emi nya nu.