Afilibiyi 4:19 - Alkawali Woiwoyi

¹⁹ Owo nu ɓa ga fye anya vinya dna n wo nyabwa n mwa-mwa, ntu n nyaɓo n Kristi Yesu ku zhin gayi nyi.

Afilibiyi 4:19 Iomraidhean Croise

Yohanna 20:17

Yesu wa ci wo ge, to to mi bwa m, ntu ge mi to gun lo mi Dada aba kpam. Ama lo da omi azaje ho gna ɓa ge, mi du gun da mi Dada nfye Dadayi, omi Shekwoyi nfye Shekwoyi.

Yohanna 20:27

Wagna Toma ge, Dna ho bwanyi n mi abwada. Ha to mi abmai bwa, to zhin shaka zhin m, la gaiciya ga.

Aromayi 1:8

Ma gna fye kmisunyi aba vinya n ma lo, mawo ai dafye gaiciya ga ɓo. Ntuge akpe fye gaiciya ga dna n Shekwoyi yelo n anyi vinya. Misa Shekwoyi ami dna n Yesu Kristi n tu nabari manayi ye ɓo, n zaho-zahoi n fye mi.

Aromayi 11:33

O, Shekwoyi, ɓo wo-woyi danu n yi n cei. Owo wyemwa, n wo ɓeyekpei n wo nyabwai kwo dna ɓo lo ya kpe owo shawara ye n wo azokwoi.

Aromayi 2:4

Hota gye lo shi Shekwoyi zhin hakuri n hoi m? Ko ho ta kula lo ma? Hota gye lon, esaye vinya woi pmi ho to woi tahon, woi gaho sa ha pmi avun wu ho a laifin. Wo wuho alheri deye ntu ge haye abui nu.

Aromayi 8:18

Wahala n yi sin n saiye nyi kwo to kunce lo a mwi kwo do n mwa-mwai n wo ɓei gayi nyin.

Aromayi 9:23

Wo n zokwo yi lo-lo, nge eyi n na akuyi ze aza n wa ze owo mwa-mwa ya kpe ɓa, ko yi zhin a Yahudiyi nu, ko yi zhin abyedo nu, wa wuyi alheri n na bai aza vinya ɓa gye shi owo mwamwa nsun.

Akorintiyi II 12:21

E, edna womi lo ntu ge n ma ɓe fye aba Shekwoyi ɓa gbami n fye abye, bugba wunmi ma ci bwi, ntuge n mwa-begye nfye, n ku laifi zhin ɓai ku ze alaifida to ɓai damu n ɓenukwoyi, aɓo cegye nya n fye ku zhin, n na aje anyikwo gwoyi.

Akorintiyi II 4:17

Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Afisusuyi 1:18

Mi zhin aduwa, n na bai of ye abugba ɓa bwa buzangna, n na bai nfye ɓa gye nya wye n na bye, n wo yi fye fya gni nya bwa n wo yi nyi. Miye fya kpe ge Shekwoyi la ze nyabwai, ntu ge eyi n yi zhin Kristi a nya nyi aku yi gawo.

Afisusuyi 1:7

Owo alheri mwa lo n yi aba har wa eyi alaifi kuya n wo Nugun ami yi, oza n wa gni yi nyi.

Afisusuyi 2:7

Nsaiye Shekwoyi ɓa mi wa wuyi misali shi wo alheri mwa, n gye shi wa wuyi dna n nya n wa zhin gayi, dna n Yesu Kristi nyi.

Afisusuyi 3:16

Ma zhin aduwa ge dna n wo nyabwa dnagmayi n kwo ta shan zo nyin wo ɓa ga fye awyega n fye bugbami owo Zafun Gyi-gyi-yi nya.

Afisusuyi 3:8

Fye dnawye fa gye kwo shi ko nyi mito ɓei zhin ɓeho nu a gami kwon, emi nu nmi zhin. Yesu viyi gbeloyi n wolo n na anyi, dudu lonu a ɓei kni mi nu n na agmada manayi ye ɓo, ma gna abyedo Nabari Dagayi nyabwa n kwota shan zon, n kwo lo ntu n ɓa ɓo dna n Kristi nyi.

Afilibiyi 4:7

Nfya zhin lo nu fye ɓa bwa Shekwoyi bugba fu, n kwo du gbagyiza bugba kala wa kpe kwo ye. Owo bugba fu ɓa wan fye anubo zhin shi, efye abugba ɓa bwa sunsun, fyei ya ga Kristi gaiciya.

Akolosiyi 3:16

Fye pa enya ɓo n Kristi ɓei wu nyi, fye fa owo aɓeda kwa dna n fye abugba mi, kwa ce fye. Fye wu fye azaje, fyei kwo ɓa n zabura yi, n anyi zafun nyayi, fyei kwo anyi ga Dagayi n bugba dayi.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Timatawus I 6:17

Gna aza n ɓa n nyabwai nyi nge ɓato mwa ɓahin tukwon, to ɓa kpema oɓa nyabwan. N kwo ɓa zo esa fyewyi nyin, ama ɓa gma ɓai kpema Shekwoyi wye-wyeyi da, n wo gayi anya vinya n yi n cei pma ntu n yi agmada ɓo nyi.

Filimon 1:4

Mi zhin Shekwoyi godiya cici esa n ma zhin aduwa ntu ho ɓo, Filimon, omi ʼza ye-yeyi.

Bitrus I 5:1

Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.