Afilibiyi 4:1 - Alkawali Woiwoyi

¹ Omi Yesu viyi aje, mi ye fye lo, ofye awye ko milo, ntuge ofyenu zhin mi bugba buyi, n mi tnu-tnu ladayi, Omi a nugundo yeyeyi, fye ku mi zhi dna Dagayi.

Afilibiyi 4:1 Iomraidhean Croise

Matta 10:22

Aza ɓei wun fye nu, ntu ge fye zhin ma nya nu. Amma eza n wa mi gni har nyalo-nyalo, wo ɓa pwo.

Yohanna 8:31

Yesu wa gna aza nɓa ɓo ga Wo gaiciya nyi ge, “Nfya zhin ɓo n ma gna fye agye fye zhin Omi abara gaiciya nya nu.

Atnu-tnuyi Aɓozhin 11:23

Wasi Antakiya wagye aɓo wowoyi, n Shekwoyi a zhin nyi, a dawo n mwa, wa mi ɓa zhi, wa gna ɓa ge ɓa la nyima Dagayi.

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Atnu-tnuyi Aɓozhin 2:42

Ɓa ye ɓedo a Yesu viyi, abara ɓai wu ɓa nya, ɓai zhin zumun ta, ɓai zhin aduwa n gnisun.

Aromayi 2:7

Wo ɓei ga aza n ɓa zhin Shekwoyi ɓeye n hakuri yi, Wye-wyei nyalo-nyalo nya, ɓai zan mwa-mwa n latu yi shin n wyewye yi nyalo-nyalo nyai nwo ganyi.

Akorintiyi I 15:58

Ntucenu, emazaje yeyeyi, fye ku gni mizhi dai-dai. Fye gyi abye n Shekwoyi tnu-tnu yi nʼwyei nyice, Shikonyi fye kpelo ge efye tnu-tnu dna Dagayi ta ze gboloyim.

Akorintiyi I 16:13

Fye ku zhi gu, fye ku mizhi n gaiciya ga mi, fye ku edna ya, fye ku kala dna.

Akorintiyi II 1:14

Nya fye kpeye n saiye nyi ko to nu-nuyi lo m. Ama, Esa Yesu ɓei ɓe n cei, fye ɓei kpe ɓeho-ɓehoyi ye vinya, fye ɓei gyigbe n yi-i ngye shi yihin ɓei gyigbe n fyei.

Agalatiyayi 5:1

Ntu cenu, Kristi la yi loya. Fye ku kpe ɓehin-hin, ge fye filo n yanci ye to fya je fyehin pa fi n na Yahudiyi aɓokni n na knunu yin.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 1:8

Shekwoyi gmanyi nu kpe lo shi mi ye fye lo n sun, n Yesu Kristi bugba ye-ye nya pyai.

Afilibiyi 2:16

Fyei wuɓa Nabari wye-wyeyi nya. Sanu n Kristi bei jeze ɓe ncei, aɓei da mi n mwa, nge emi tnu-tnu n fya ba to ze gbeloyin.

Afilibiyi 2:26

Nsaiye mi tnu woi lo n na api n jesun, ntu ge api awye n lawo kwo, woi la damu shi fye ɓei ku wo ge nyasan ɓei ku san wo.

Akolosiyi 4:12

Abafras, n wo gmi n fye ayi nyi, Yesu Kristi fyenu, wo tnu fye n wo gnaɓiyi, wo zhin aduwa cici ntu fye ɓo, woi nya Shekwoyi wa ga fye kala, wa bma fye zhin fya kpe wo nufi ye n sai vinya n na aɓo vinya n fye ɓa zhin.

Atasalunikayi I 3:13

Deye ɓa zhin ofye abugba ɓa bwa kala, n tna laifi, n Gyi-gyi-yi n Shekwoyi eyi Dada yi. N na bai fya gni-gni zhi n wa abye n tna laifi, ewyi n eyi Dagayi Yesu Kristi ɓei jezeɓe n gnisun n na azayi n ɓa zhin owo anya nyi.

Atasalunikayi II 2:15

Nna aɓeye vinyai fi n bugba, omi azaje, fye ku mi zhi fya ku gaiciya shi dei-dei, n yi ɓei wu fye nyi n doyi n yi ɓei ka fi fye n wasika nyi.

Timatawus II 2:1

O, Timatawus emi nugun, la dna kala dna n kala n Kristi Yesu wa gaho nyi.

Aibraniyi 10:23

Yi zhin aza gniyi nu kuma yi wyewyeyi lo. Yi to zhin shakka, n yi gnigni yi m, gama eyi Gni yi zhin za gaiciya da nu wohin kwa wo ɓa nu owo alkawali.

Aibraniyi 3:14

Yi kuze agado gyiyi n Kristi yi, yi zhin wo aɓi ɓehin-hin nya nu, N ya mi zhi dna gaiciya ga har nyalo-nyalo.

Aibraniyi 4:14

Yesu eyi pirist dnagmayi wo du she. Wo nu zhin Yesu Shekwoyi nugun. Ntu cenu yi kpema wo dei-dei.

Bitrus II 3:17

Mila atnubua pmafye gni to esayi ɓem, ema-zaje-ye-yei, n nabai nfye ɓa kawye to aza nukwoi ye pya ɓa dna fye kwoce har fya miya nfye mizhi mim.